ادارة صانداوز تفضل مديرها التقني و مديرها الرياضي على مدرب الفريق يعني كون وقع لي وقع فصانداوز مثلا هناك خلاف بين مدرب و مدير رياضي واش الادارة غاتفضل الاحتفاظ بالمدير الرياضي و لا غادير العكس
نعم غادير العكس غاتجري على مدير رياضي و غاتخلي المدرب
هنا الفرق بين فريق دائما كايلعب دومي فينال و فينال العصبة و دائما نتائج مزيانة في الدوري و العصبة و السوبير ليع دائما كاتلقاهم نفس المستوى سواء مشا المدرب او بقا او مشا لاعب او بقا
هنا الفرق بين فرقة كاتبني مشروع ديالها على مدير رياضي محترف و كاتبقى في نفس المستوى عكس الفرق لي كاتقمر فالانتدبات و فالمدرب كاتدي لقب محلي كايحساب ليها انجاز غايخليها فنفس النيفو لسنوات و حصد القاب خارجية لكنها تصتدم بالواقع المرير و غالبا كاتصيفط المدرب بعد سنة و نصف و تعود ادراجها الى مراتب خلفية و الاقصاء من الدور التمهيدي من المنافسات الخارجية
فالمغرب مزال عندنا العقلية ديال ان المدير الرياضي زايد ناقص داكشي علاش كاتشوف اغلب الفرق كاتقصى فالدور التمهيدي الا بعض الفرق لي عندها نفوذ و كاتحصد نتائج على غير عادتها
اما بالنسبة للاهلي و صانداوز و الترجي عندهم مدير رياضي و تضعه الادارة فوق كل اعتبار فوق اي لاعب او مدرب مهما كان شأنه في الساحة الكروية هادشي علاش كاتلقاهم ديما فالكارتي فينال و الدومي فينال و الفينال كل سنة
للاسف فبلادنا كاتلقى فرق كبيرة و عندها جماهير كبيرة و عندها مدير رياضي على قد الحال العذر انه ماعندنا مزانية باش نجيبو مدير رياضي و اصلا مدير ريلضي غير بروتوكول الاعضاء هما لي كايتكلفو بالانتدبات شي كايصوني لهاد لعاب شي لداك لعاب ابسط مثال الرجاء هاد العام شحال من صفقة قرناس العماري بنمرزوق واحد الافريقي نسيت الاسم ديالو ايمن حسين ابريكو دومينغو وردة شوف شحال من اسم سينا او قاب قوسين لولا ضغط بعض الصفحات لتنبيهمم كانت الامور ستكلف الرجاء على الاقل اكثر من مليار
فاش كايكون عندك مدير رياضي ماكانهضرش على مدير ريلضي على قد الحال بروتوكول كانهضر على مدير رياضي بروفيسيونيل حرايفي نسبة الخطأ كاتكون لاعب او لاعبين فقط نسبة الخطا كاتكون قليلة مقارنة مع البيدجي لي عندك فراسمالك
اين نحن من هذا تذكير فقط ان هذا الموسم كان بفضل المدرب و المعد البدني لي تتدارك الموقف في الوقت المناسب و هاد النجاح كانتمنى ان الادارة ماتيقش راسها انها دارت انجاز بالعكس خاصهم ارجعو اصححو الاخطا ديالهم و اراجعو راسهم و اتفكرو الانتدبات لي تتدارو و احاولو اقللو من نسبة الخطأ حيت فاش كانزيدو الاخطا على الاخطا مغانزيدوش للقدام الانتدبات الصيفية كارثية و حتى الخريف
لولا المدرب ماكناش غانشوفو بلعمري لي جناح ووسط ميدان العب ضهير و بولكسوت المنظومة الدفاعية يجب اعادة فيها النظر خافيفي و مقدم الكرات وراء الضهر مكايقشعو فيهم والو يعني على الاقل خاصك مدافع لاكس واقف
هادشي كامل الا بغينا نمشيو فخط تصاعدي و نلعبو على الاقل دومي فينال العصبة و العام جاي نلعبو على العصبة و لما لا نجيبوها الا صححنا الاغلاط ديالنا
العصبة لا مجال فيها للخطا و راكم شفتو الجيش داك العام
اتمنى صادقااا التعاقد مع مدير رياضي
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
