غادي نهدر في هاد الموضوع ديال "اللغط" اللي نايض ونوضح.
عادل ادمين ددر : نعم كان وانسحب منذ سنوات. واقسم بالله ما عندو دخل في المنشورات. بل وغير ما مرة ممتفقش معانا فيما ننشر. واش الي كان ف ددر حرام عليه اتحمل مسؤولية؟
عادل صاحبكم : نعم صاحبنا واش غادي نمسح تاريخ ديال ما يقارب ربع قرن ( باش اتباع حمزة مول الصفحة ابقاو على خاطرهم؟) . نعم صاحبنا ويبقي صاحبنا . واش يعني الرجولة هو انني نوض ليه ونسب فيه ونشتمو ؟ ونعتوا باوصاف قدحية؟ صاحبي سواء بقا رئيس او ما بقاش... دابا بالنسبة لي الان هو رئيس الرجاء إلى حدود الجمع العام
شوفو لا صفة " ادمين ددر سابقا" ولا صفة "صاحب التوام" غادي تنفعوا في التسيير ديالوا ... اللي غادي انفعوا هو العمل والنتائج ديال هاذ العمل على أرض الواقع ...
راه بودريقة مني جاب عادل اخدم معه راه عادل كانت عندو صفة " ادمين ددر سابقا" وصفة "صاحبكم"... بودريقة في الاستجواب اللي درنا معه قال : في المكتب المديري معايا "ولد ددر ، ولدكم" وشكروا وافتخر به ...واثنى على العمل اللي قام به ..
دابا المهم من هادشي هو الرجاء ... كاينة ازمة ثقة واضحة والمكتب المديري (ماشي عادل بوحدو) خاص اوضحوا للجمهور ما يجري الان ...
راه مهم الجمهور اعرف خريطة الطريق ؛ اش لمعمول لرفع المنع؟ راه هذا هو الملف المهم والا حتى هذاوك اللي وقعتي معهم ماغاديش تسجلهم ... اذا مرفعتيش المنع راه غادي تكمل ب " الترقيع "
نكونوا واضحين : الفريق اللي عندنا ماشي ديال العصبة ؟ البطولة وشوف تشوف. كاين خلل في المراكز ... مسألة آخرى .. راه اللاعبين الحاليين غير كيسمعوا فلوس دخلات او كاين مفاوضات مع شي لاعب كيقولو "نحن اولى، خلصونا حنا لولين اللي جابنا ليكم الدوبلي" .. يالله اش دير معهم ؟
نزيد : عادل اقترحت عليه ادوز معانا ف ددر وجاوبني بان الاولوية للقاء مع المنخرطين واحترمت الرأي ديالوا.
الرئيس مباشرة بعد لقاء المنخرطين خاص أحط الجمهور الرجاوي في الصورة الحقيقية . بلا ندوة صحفية. غير كلمة في الصفحة الرسمية بالارقام والمعطيات وبرنامج عمل لتحقيف الاهداف المسطرة.
الماتش الودي ضد بيتيس الاشكال فيه هو الإلغاء في آخر لحظة لان كاين من الجمهور االي قطع الطيارة وكاين االي كرا طوموبيل وكاين اللي برمج عطلة... اما كلام ابغاء بسبب "الحزقة" فكلام مردود لان تونس الإقامة فيها ماشي فابور... اما مقابلة ودية تقدر تعوضها.
مرة أخرى عادل (او صاحبي كما يحلو للبعض ان يخاطبني به ) معندوش حصانة ف ددر ولن تكون عنده .... و ددر معمرها ناضت لاي رئيس في أيامه الأولى ... حسبان اللي خرج شعب الرجاء إلى الشوارع للمطالبة برحيله، لم ننتقذه الا بعد 5 اشهر من توليه الرئاسة... بودريقة ( افتخر بصداقته وعلاقتنا) من كثرة ما سكتنا في عامه الثاتي تسمينا " صحاب بوملاسة الطاشرون البناي".
كتبت ليكم جريدة كنخاطب بها أصحاب العقول ماشي صحاب "حمزة مول الباج"..
وتبقى المطالب :
- التواصل لشرح الوضعية -رفع المنع - الانتدابات - اللعب على جميع الألقاب..
مع تحيات تويمي من هولندا ..
-
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
