الجمهور فقد البوصلة دبا واش المشكيل فالمعد البدني القديم لي ديتي معاه اربع القاب و اول معد بدني ندوزوه و اكون عند اقل عدد من الاصابات للاعبين
ولا المشكيل فاللعابا دارو النقابة و هاد لعابا نين لي ديتي معاهم القاب داك العام ????كيفاش غايديرو التقابة و هما لاعبين بواحد المجهود خرافي فالشوط الاول
هادشي كامل اعذار ديال المكلخين و لي مفاهم والو فالكرة
المسؤولية الاولى هي ديال الادارة
مادرناش بريباراسيون فالوقت تعطلنا بزاف و تا فاش مشينا لتونس شي لعابا بقاو ففرنسا شي وحدين مجاوش حيت مامخلصين الغروب مشتت هادشي مسؤولية الادارة بريبارسيون سالا و يالاه غانجيبو بوزوق و زريدة و المدرب ههه
رجعنا للمغرب عندنا ديماتش اميكو .. المدرب ماعندوش الحق اعتامد على لعابا جداد حيت كاين المنع ضونك نقضي بالقديم عندنا عشرة لعابا تيتيلير فقط
دوزنا ديماتش فالشومبيونا سيلبين و دزنا للغروبات ديال العصبة بعشرة لعابا فقط
مدرب عندو ماتش الشومبيونة العياء و الارهاق البدني لدونك عشرة لعابا خسرنا ماتش البطولة حكا نجريو على مدرب حيت خسر و هو اصلا مزال مالعبش بلعابا جداد انت اصلا درتي خطأ انك جبتيه باش تصحح الخطأ بالخطأ صفطيه فالدورة الثالتة قرار غريب جداااا يحتاج الى صلابة القلب باش تاخد هاد القرار المجحف تقنيا و على المدرب
نصيفطو مدرب جبب جيناني نعديو بيه اوكي ربح اسفي لي شحال هادي ماربحناهاش فتيرانها ربحنا الفتح لي واقفين فالتيران مزيان
نمشيو نجيبو مدرب شنو نديرو نمشي لسبليون هناك مدرب مزيان تفاوضو معاه مني منك مني منك تا تفاهمو على كولشي سدو عليه تيليفون الوجهة البرتغال علاش لان هناك صالير ناقص على سبليون نسدو تيليفون على سبليون نجيبو البرتغالي
جبنا البرتغالي اشنو نديرو
نجريو على المعد البدني لي عارف مخزون البدني عند لعابا كاملين و عارف قوة التحمل لكل واحد فيهم و هادشي غاينفع المدرب الجدبد بزاف شنو نديرو نرضخو لقرارات المدرب و نصيفطو المعد البدني و نجيبو معد بدني اخر و مدرب و صطاف جديد
دبا غير من خلال هادشي كامل و حنا يالاه دوزنا شهر فالعام و تخادو هاد القرارات الجريئة عند المسيير فراه مايمكنش شي مشؤول بعقول اتاخد هاد القرارات
تكون نتا لعاب فالرجاء كيفاش غايكون المورال ديال راه مايمكنش تحمل هاد الغييرات في ضرف قياسي دماغك غايتخربق هادشي راه كايأثر على النفسية. ديال لعابا بالدرجة الاولى
ولكن فالاخير فهاد المدة القصيرة لي تاخدو هاد القرارات برافو عليهم حيت تجمع بيريز و لابورطا و الله ماعندهم الجراة باش اتاخدو هاد القرارات
برافو عليكم
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
