هادشي غادي يتعاود حتى فكأس العالم غادي يكون حضور ضعيف فأغلب الماتشات
تخيل دبا ماتش مابين المغرب و الأردن ولا ماتش مابين مالي و أوزبكستان أو شي ماتش مابين اليابان و بنما
شكون اللي غادي يتفرج فهاد الماتش
أغبى قرار هو الرفع من عدد المنتخبات المشاركة فالمونديال غادي يوليو ماتشات كثار بلا فائدة و غادي تبقى تسنى الثمن باش يبقاو فراقي فيهم شوية الضو باش تفرج
نفس البلان اللي وقع فالشامبيانز هاد العام و نفس البلان اللي وقع فجميع التظاهرات الرياضية القارية الأورو - كأس افريقيا - كأس آسيا فاش رفعو عدد المنتخبات المشاركة
مثلا أوروبا عندك منتخبات الصف الأول باينيين ايطاليا - فرنسا - ألمانيا - البرتغال - اسبانيا - هولندا - انجلترا و عندك المنتخبات اللي فاش كتكون فالقوة ديالها و ممكن اعتبارها من الصف الثاني كتخلق الحدث فحالة التأهل ديالها بحال بلجيكا - كرواتيا - التشيك - اليونان - تركيا - روسيا - الدانمارك - السويد
أما بقية المنتخبات ماعندها مادير فالأورو منتخبات بحال هنغاريا - مولدوفا - مقدونيا - أندورا - ليتوانيا ....
فاش كترفع عدد المنتخبات غادي يوليو عندك بزاف ديال المجموعات كل مجموعة فيها منتخب قوي و قشلة ديال المنتخبات الجد ضعيف و هنا ماكتبقاش الفرجة و الندية مثلا ماتش مابين ايطاليا و ليتوانيا فالأورو ماغاديش نتفرج فيه و لكن فاش غادي نلقى ماتش مابين فرنسا و البرتغال أو هولندا و ألمانيا ديك الساعة بز مني غادي نغلس نتفرج
هاد القرع ديال الفيفا خربها على كرة القدم بشكل كبير
حتى من تصفيات المونديال ولات باسلة كولشي مؤهل بسهولة مابقاتش ديك الندية و تخيل دبا لافريك غادي تلعب المونديال ب 9 المنتخبات و ممكن توصل 10 فحالة تأهل منتخب آخر من الملحق العالمي نفس الشيء بالنسبة لآسيا
دبا عطيني 10 المنتخبات قوية فافريقيا و لا فآسيا
حتى من قارة أمريكا الجنوبية فيها 10 الدول كيتأهلو منها 6 و 2 كيلعبو فالملحق العالمي
دوك الكونكاكاف ماعندهمش مع كرة عطاوهم 5 المقاعد و واحد فالملحق العالمي
عاد زادو أوقيانوسيا اللي فيها شي دول ماكيعرفهم تاواحد من غير نويزلندا بحال فيجي جزر سليمان ...
تعاني الفيفا الأمرين لملء مدرجات الملعب خلال المباراة الافتتاحية لكأس العالم للأندية بين إنتر ميامي والأهلي !!!!
و قد تم العثور على حل من خلال التوصل إلى اتفاق مع كلية ميامي ، وهي جامعة ميامي تضم 100,000 طالب كجزء من هذه الاتفاقية ، سيتم بيع التذاكر للطلاب بسعر 3.50 يورو فقط ، و قد يستفيد كل طالب اشترى مكانًا من أربع تذاكر إضافية
لا يمكن إضافة ردود لهذا الموضوع لأنه تجاوز الحد الأقصى وهو (500) رد
|| ملـــ☆ [172] ☆حق || الرجاء الرياضي العالمي ✅ لا ملامح لمستقبل مشرق مع الأقزام
Duhok Forum 3.0
