واحد الخطأ بدائي فهاد اللقطة كانت غادي تسجل منو الدشيرة ، حنا دايرين دفاع متقدم و بولكسوت مشا كايضغط على حامل الكرة خاوي ما سد زاوية التمرير ما دار والو ، خلا بانون يغطي عليه و لي ماخاصوش يكون تما الشيء لي عطا للخصم خيار التمرير خلف الظهر و خفيفي بقا ساهي بلا توجيه مقاد للجسم ديالو حتى لقا مهاجم الدشيرة هرب عليه. من غير هاد اللقطة عندنا أيضا منذ بداية البطولة مشكل كبير في التحولات الهجومية ، ملي الخصم يفقد الكرة و كايكون بهيكل غير منظم disorganized Shape ، نفتقد العمودية و اتخاد القرار الصحيح لإستغلال سوء تموضع لاعبي الخصم ، لي شدها في اللاعبين ديالنا كايبقى يترعد حتى كايرجعها لإعادة البناء. و هاد المشكل كان مع الشابي باش حتى واحد مايلصقها في فادلو ، جوارديولا زمانه ماخدمش على التحولات الهجومية الصيف كامل و ملي تسمعو كايدوي في المنابر أنا أنا تقول السيد شبعان عصبات و كؤوس العالم. ملاحظة أخرى خافي خاصو يخدم على Timing داخل الصندوق را اليوم قلوب الدفاع ديال الخصم كانوا ديما كايسبقوه داكشي علاش حتى كرة ماضربها للشبكة ، فيق معانا اسي خافي را نتا لي خاصك تسبق المدافعين لا في القائم الأول ولا المنطقة العمياء ، الله يرحم الوالدين لما فيق شوية لا نتا و سي بوغرين.
|
Duhok Forum 3.0
