اللي ماتفهمش ليا ياك الفريق تحول لشركة رياضية و تمت تنحية كل ديون النادي لا الضريبية لا النزاعات الفريق ضبر على مستشهرين جدد و عاد زيد عاد خداو 8 المليار ديال مارسا ماروك هادي شي شهر دبا تقريبا نصفها تقريبا غادي يمشي للبنك لتسديد قرض خداه النادي باش يحيد النزاعات اللاعبين كلهم مخلصين و خزينة النادي تقريبا فيها واحد الفائض ديال 5 أو 6 المليار الزيات يلا كان كيفكر أنه غادي ينافس بهاد السكواد و مايجيب والو أو يجيب لاعبين ديال الصف الثاني باش يزيد فمداخيل النادي باش فاللخر ديال العام يقولينا دبا وصلنا ل 10 مليار را غالط ماكيهمنيش النادي يوصل ل20 أو 30 مليار و فنفس الوقت ماقادرش يربح البطولة و غائب عن المشاركات الافريقية و خصوصا العصبة خاص داكشي يكون غادي بالتوازي و يكونو قرارات شجاعة من دبا حيتاش هاد السكوت كيعني أن الادارة مقتانعة باللاعبين الحاليين و باغية تكمل بهم الموسم حيتاش اليوم الفريق رجع للتدريبات و الأسبوع المقبل غادي يلعبو دورة ودية فمكناس و من بعد الفريق غادي يسافر للسعودية للقيام بمعسكر مدته 20 يوم مايمكنش تمشي دير تحضيرات و معسكرات و نتا مازال مادرتيش الانتدابات و دعمتي مراكز الخصاص ( خاصك فقط مهاجم و كاسور )
هادشي كيفكرني ففترة الزيات ف2018 فاش الفريق كان خاصو كاسور و صانع ّألعاب اللي يعوض الحافيظي اللي كان كيتصاب بزاف و المشكل أنه على ود 50 مليون رفض يوقع لجبران و على ود 80 مليون رفض يوقع لجلال الداودي و بقى الفريق كيعاني فخط الوسط و بقينا كنشوفو جولال و التومي و الدويك و جبرون كياكلو العصى فالبطولة و الكاف و كأس العرب مع غاريدو و كون مادعمش الفريق فالميركاتو ديال 2019 بعودة متولي و مالانغو و نغوما و الورفلي والعرجون ماكانش غادي يجيب البطولة و كأس العرب و الكاف ديال 2021 من بعد و كان غادي يكون الزيات واحد من أسوء الرؤساء اللي دازو فتاريخ النادي بحالو بحال حسبان و البدراوي و محطوط ...
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
