حسنية أكادير غادي تواجه الرجاء الرياضي نهار الأربعاء مع الساعة 6 ديال العشية.
كيما كتشوفو فالمعطيات اللي فالصورة، الرجاء دارت بداية متواضعة فالدوري المغربي، عكس الحسنية اللي دارت بداية جد جيدة و قوية.
????أرقام الرجاء فـ 3 مباريات: سجلات غير هدفين، وتسجل عليها هدف واحد. دفاعياً راها مزيانة، ولكن هجومياً عندها بزاف ديال المشاكل، ومحدودة بزاف.
وكما كتشوفو فالصور، غادي نركزو على جوج مباريات: وحدة ضد الفتح، ووحدة ضد الزمامرة.
????1. ضد نهضة الزمامرة: غادي نلاحظو أن الرجاء كتعتمد بزاف على الأطراف فالهجمات ديالها، خصوصا الجهة اليسرى. - الجهة اليسرى: 12 هجمة - الجهة اليمنى: 7 هجمات - العمق: 3 هجمات فقط رغم أن العمق هو اللي ممكن يسجلو منو أهداف كثيرة فهاد الماتش، حيث نسبة الخطورة من العمق وصلات لـ 68%.
????2. ضد الفتح الرياضي: نفس الأسلوب اللي لعبات بيه. كتعتمد على الأطراف: - الجهة اليسرى: 15 هجمة - الجهة اليمنى: 11 هجمة - العمق: 8 هجمات
????الخلاصة: هنا غادي نستنتجو أن الرجاء جميع الهجمات ديالها كتعتمد على الأطراف.
وخاص لاعبين الحسنية يعرفو هاد النقطة باش نحدو من الخطورة ديال الرجاء، وفنفس الوقت نستغلو صعود الأظهرة ديالهم ونلعبو كرة بسرعة فالمساحات الفارغة اللي غادي يخليو موراهم.
????الخاتمة: الرجاء ماشي فريق صعيب، ولكن ماشي فريق ضعيف كيفما كيروجو لينا، لذلك يجب علينا نحتارمو الخصم باش نتفاداو المفاجأة.
Duhok Forum 3.0
