|
|
أول فريق في العالم كان عندو جوج رؤساء الأول قانوني، والثاني كان رئيسا لشباب المحمدية، ويمارس مهامه بالوداد بالنزول للملعب...هذا ما صرح به آيت منا اليوم، وهو يفتخر.
والخطير فالأمر...أن الأول كان رئيسا للعصبة الاحترافية، والثاني عضو بارز فيها...ويدعون الاحترافية.
وباش تخلي الفريق ديالك بدون رواتب، وتؤدي الراتب الشهري للاعبي الوداد، ونتا رئيس لشباب المحمدية خاص تكون سميتك هشام آيت منا.
|
|
|
|
الريال والبرصا هاد العام قشبال وزروال هه
لبرصا لعام لي فات دارو موسم كبير في الCL وتصيدو ضد الانتر بسبب الدفاع المنطق كيقول انهم المرشح الاول هاد العام ساعة عاد زادو تكفسو لا دفاعيا ولا هجوميا
الريال بلا مانهضرو عليها خاصها سنوات باش تعوض الكبار لي خرجو منها في وسط الميدان والدفاع
|
|
|
|
هاد العام ديال لبايرن إلا إدا وقفتهم باريس
|
|
|
|
أتليتكو مدريد ديما داير الثقبة فـ البارسا فـ مباريات خروج حيت البارسا معندهاش دفاع فالمستوى الكبير
|
|
|
|
كرة القدم الاوروبية خاصها إعادة نظر ..كل سنة دوري الابطال غادي وكيطيح النيفو ديالو بزاف ديال لفراقي لكبار ولاو مقتولين والنجوم ولاو قلال بزآآف
ليفربول سيتي يونايتد الريال البرصا هادو كاملين طاح نيفو ديالهم وزيد عليهم الطليان كاملين
|
|
|
|
| إقتباس لمشاركة: | عبدالله الرجاوي | 00:07 - 2026/04/09 | الريال والبرصا هاد العام قشبال وزروال هه
لبرصا لعام لي فات دارو موسم كبير في الCL وتصيدو ضد الانتر بسبب الدفاع المنطق كيقول انهم المرشح الاول هاد العام ساعة عاد زادو تكفسو لا دفاعيا ولا هجوميا
الريال بلا مانهضرو عليها خاصها سنوات باش تعوض الكبار لي خرجو منها في وسط الميدان والدفاع
~~~~~~~
عبدالله ، البارسا من اخر موسم لـ لويس انريكي وهي قشبال فـ أوروبا ههههه
تصور معيا من أيام بوسكيتس عمر البارسا فكرات تجيب كاسور ديال بصح ، الاظهرة من أيام أبيدال و ألفيس عمرها ملقات التوازن ف الدفاع
أما قلبي الدفاع حدث ولا حرج و الحارس ثقبة ههههه
كيف بغيتي فرقة بحال هادي طفرها أوروبيا |
|
|
|
|
|
الوطن سبورت المصرية : بعد التعثر أمام سيراميكا كليوباترا، قام مدرب الأهلي المصري تروب بصفع كل من يوسف بلعماري و أليو ديانغ و هاني. كما وجه لهم وابل من الشتائم و حملهم مسؤولية النتائج السلبية الأخيرة.
|
|
|
|
بعد الريال اليوم البارصا تٌّبطبط هي الأخرى في الكامبنو
|
|
|
|
نطالب مدرب الاهلي بركل ورفس قلييل النفس الدي دهب يلهث عندهم
|
|
|
|
| إقتباس لمشاركة: | عبدالله الرجاوي | 19:49 - 2026/04/09 | | نطالب مدرب الاهلي بركل ورفس قلييل النفس الدي دهب يلهث عندهم |
|
كان عندهم 4 المؤجلات كلهم سهلة و دائما الثقبة فالماتشات ب 4 هوما بلعمري و هاني مازال أليو ناينغ تهاز معاه حيتاش ضيع ضربة جزاء فالماتش الأخير
دبا الأهلي فالمركز الثالث عندهم 41 نقطة و فالمركز الأول الزمالك 46 نقطة و عندها ماتش ناقص و بيراميدز 43 نقطة فالمركز الثاني و عندها جوج ماتشات ناقصين فحالة فوز الزمالك و بيراميدز فالمؤجلات ديالهم غادي يفزعو الأهلي و اللي بنسبة كبيرة العام الجاي غادي يغيبو على العصبة لأول مرة من سنة 2003 اللي كانو غابو فيها على العصبة كانو دارو ليهم خاوية فعامرة شي 3 سنين دبا كانو الأهلي جاو هوما الثالثين فالدوري و لكن ديك الساعة تعمدو يعطلو الدوري باش يتعامدو على الموسم اللي قبل و دازت الأهلي و الزمالك للعصبة هاد العام ماعندهم مايديرو أصلا بقاو ليهم فقط 6 المباريات على نهاية الدوري و الفارق ديال النقط مرشح يولي بينهم و بين الثانية 8 النقط
( الأهلي يلا مادازوش العصبة هاد العام كارثة عندهم تخيل من 2004 و هوما حاضرين فالعصبة دائما تقصاو من الأدوار التمهيدية 4 المرات فقط سنة 2004 - 2009 - 2014 - 2015و فهاد 22 سنة ربحو العصبة 9 المرات 2005-2006-2008-2012-2013-2020-2021-2023-2024 و خسرو النهائي 4 المرات 2007 - 2017- 2018-2022أرقام كبيرة عندهم
مني نجيو نقارنوها مع الرجا نحشمو الرجا اللي من 2004 شارك فالعصبة 10 مرات من أصل 22 مرة 2005-2010-2011-2012-2014-2020-2021-2022-2023-2025ماوصلش للنهائي و ماربحش اللقب لعب نصف النهائي جوج مرات 2005-2020 تقصى من الربع جوج مرات 2022-2023 ( وبجوجهم ضد الأهلي)خرج من المجموعات جوج مرات 2011-2025ماتبقى اقصاء من الأدوار التمهيدية و ضد أندية ضعيفة 2010 ضد بيترو أتليتيكو 2-1 فمجموع الماتشات 2012 ضد تشيلسي الغاني 5-3 فمجموع الماتشات 2014 ضد حوريا كوناكري 1-1 و الخسارة بضربات الجزاء 2021 ضد تونغيت 0-0 و الخسارة بضربات الجزاء
|
|
|
|
توقيف حمزة الموساوي لاعب نهضة بركان لسنتين بسبب تناوله مادة محظورة قبل لقاء بيراميدز في العصبة.
|
|
|
|
الصورة لنصف نهائي كأس افريقيا لأقل من 15 سنة سابقا كانت كأس افريقيا للمدارس هاد السنة رجعوها فئة أقل من 15 سنة تلعب فجوج مجموعات المجموعة الاولى السنغال بصفته المنظم - النيجر - غينيا - الغابون المجموعة الثانية المغرب - مالي - جنوب السودان - زيمبابوي
تأهل من المجموعة الأولى السنغال - غينيا من المجموعة الثانية مالي - المغرب
نصف النهائي تلعب اليوم مابين السنغال و المغرب ف 30 دقيقة الأولى السنغال سجلو 4-0 و بها كمل الماتش
هاد الكأس تاواحد ماكان مسوق ليها حتى نشروها الاعلام المصري و الصفحات المصرية بشكل كبير و لكن الملفت للنظر هو الصورة و حتى تعاليق المصريين قالوها السنغال تحلف عليهم ماقل من 15 عام شوف داك الحارس كتبان بالقلة عندو 25 عام
|
|
|
|
استقر محمد وهبي على آخر مواجهتين قبل خوض غمار كأس العالم. اللقائين معا سيكونان في الولايات المتحدة الأمريكية ضد النرويج بوم 7 يونيو؛ و اللقاء الثاني سيكون ضد السلفادور يوم 12 يونيو.
|
|
|
|
اقتنى المغرب النفط الفنزويلي لأول مرة في تاريخه بوساطة أمريكية مباشرة لتنظيم مسارات التصدير، في خطوة استراتيجية تهدف إلى تنويع مصادر التزود وضمان أمن واستقرار الإمدادات الطاقية للمملكة أمام التحولات والتقلبات العالمية
يعني المغرب يقتني النفط الفنزويلي و الشركات الأمريكية تكرره و تعيد بيعه إلى المغرب !!!
|
|
|
|
اللوبي لي ضد إعادة لاسامير خاصو الإعدام صراحة هذي أقل عقوبة
|
|
|
|
هادوك صغير فيهم عندو 17 السنة هههه
|
|
|
|
الشعباني يدافع عن حمزة الموساوي ويعتبر العقوبة قاسية في حقه
|
|
|
|
الجيش الملكي يعلن إيقاف لاعبه زين الدين الدراك 3 أشهر بسبب المنشطات
|
|
|
|
عاجل.. "الكاف" يرفض شكوى نادي الهلال السوداني ضد نهضة بركان
|
|
|
|
واحد طبيب الأسنان " أسامة بنعبدالله " من نهار رجع للمغرب و جالس يطبل للقجع و تيهضر على تتويج المغرب قدام السنيغال
|
|
|
|
الهيئة الحضرية للدار البيضاء تعلن تهييئة ملعب العربي بن مبارك أو ماكا يعرف بسطاد فيليب. و سيتم إعادة بناءه بتصميم عصري و بيعة تبلغ 15 ألف مشجع. و تم تخصيص 71 مليون درهم لهذا الورش.
|
|
|
|
هاها اغرب الغاء هدف على اسفي الحكم قاصتو كرة واستمر العب محسش بيها لوجود عدد من اللاعبين وعدم رايته الكرة وتسجل الهدف
الفار لغاه هههه
اسفي عندهم زهر
|
|
|
|
حكم غريب طرد فحالة تسلل حسب التسلل والطرد على الحارس غريب
|
|
|
|
واحد البلوطة مسكينة مازال مابغات ترجع؟
دوريات العالم كاملين دخلو لمرحلة الحسم إلا ديالنا مازال مصيفين ههه
|
|
|
|
الجيش واقيلا هاد العام غادي يديو دوري الابطال
يستاهلو حافضو على الركائز وجابو مدرب مزيان صراحة وصلو لنيفو عالي على بقية اندية الدوري
|
|
|
|
احسن حاجة وقعت بعد الكان هي النلاعب العالمية والنقل التلفزي لي دار قفزة هائلة ولا داكشي عالمي تصوير من عدة زوايا وجودة عالية جدا
فييين يامات كاميرا لعراسات في ديك الخربة ديال القنيطرة وفي للعربي الزاولي ههه
مزال خاص غي يتبدلو الصحافيين والمعلقين ديال الرياضية يلا بغاوها تواكب هاد التطور الحاصل
|
|
|
|
| إقتباس لمشاركة: | عبدالله الرجاوي | 00:21 - 2026/04/12 | الجيش واقيلا هاد العام غادي يديو دوري الابطال
يستاهلو حافضو على الركائز وجابو مدرب مزيان صراحة وصلو لنيفو عالي على بقية اندية الدوري
~~~~~
شكون هو رئيس الجيش الملكي ؟ كاين شي انتخابات عن الجيش الملكي ؟
يعني باين الموديل الناجح ، بغيتي تنجح خصك تسالي مع داكشي ديال المنخرطين و الرئيس المنتخب ... و المامون البلغيتي |
|
|
|
|
|
الجيش دارو مشروع من سنة 2018. للاشارة سنة 2018 كانو شوية و يطيحو
كل عام كيجيبو راس السوق ديال البطولة
دعمو الفريق ديالهم مزيان بلاعبين جيدين و النتيجة بدات كتبان
موسم 2022 جابو كأس العرش و المركز الثالث فالبطولة
موسم 2023 جابو البطولة
موسم 2024 جاو وصيف فالبطولة و الكاس (تخويرة رجاوية )
موسم 2025 جاو وصيف فالبطولة و لعبو ربع نهائي العصبة
هاد الموسم حاليا فالمركز الأول فالبطولة و لاعبين نصف نهائي العصبة و مرشحين باش يديوها
|
|
|
|
مايمكنش الزيات جايب داك سوماكال وجايب لعابة أحرار و كرارس و باغي تنافس بهم و باغي دير مشروع
للاشارة الخيش اللي دار ليهم المشروع هو لاكروز كان هو مدير المشروع
|
|
|
|
المشكل أمين كبر من سوماكال
مني الرئيس تيقول خص الرجاء تقلل من شراء اللاعبين و تحقق الاكتفاء الذاتي عبر التكوين و تولي هي تبيع اللاعبين ... تتسالي الهضرة
راه مستحيل تبني فريق قوي و تبيع أفضل لاعبيك فنفس الوقت ، لاعب بحال حريمات كون كان فالرجاء كون تباع
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
