|
|
المستوى لي قدم المنتخب الانجليزي اليوم هو أفضل مستوى ف دور المجموعات حتى اليوم ، منتخب يحسب له ألف حساب
|
|
|
|
اهلا غانا بنما ماتش هارب من الكان، اسوء شوط في هاد المونديال
غانا عندها اسوء جيل في تاريخها ماعرت كيفاش تا دازو
|
|
|
|
| إقتباس لمشاركة: | عبدالله الرجاوي | 23:47 - 2026/06/17 | اهلا غانا بنما ماتش هارب من الكان، اسوء شوط في هاد المونديال
غانا عندها اسوء جيل في تاريخها ماعرت كيفاش تا دازو |
|
الواعرة أن غانا و الرأس الأخضر ماتأهلوش لكأس افريقيا و تأهلو لكأس العالم فالمقابل نيجيريا اللي وصلات لنصف نهائي الكان و الكامرون اللي وصلات لربع نهائي الكان ماحاضرينش فكأس العالم ههههه
|
|
|
|
حصيلة القارة في الجولة الأولى : فوزين أربع تعادلات و أربع هزائم ..
|
|
|
|
تصريحات نصر الدين نابي من بعد الماتش ديال البارح ضد الزمامرة ماعجباتش الزيات و من معه
نابي كان واضح و صريح قاليهم أنا حاليا ماكاندير والو ماعندي مانخدم مع اللاعبين مايمكنش نطلب منهم يديرو ضغط أو ضغط عكسي و هوما مساليين بدنيا و تقنيا و قال أن الخدمة ديالو غادي تبدى حتال الموسم الجاي و لكن بشرط توفير ظروف العمل للقيام بموسم ممتاز
بطريقة غير مباشرة لمح أنه عندو غير الكرارس فالفرقة و أنه خاصو انتدابات للموسم الجاي
حسب مصدر جد مقرب من النادي الزيات عيط ليه البارح مباشرة بعد التصريح و طلب منو اجتماع فمقر الأكاديمية اليوم
الاجتماع اللي غادي يكون فيه الزيات و البلغيتي و جواد الأمين مع نابي و غادي يكون على ود التصريحات ديالو غادي يطلبو منو يحبس منها حيتاش كتزيد الضغط الجماهيري عليهم
حاجة أخرى الزيات ماغاديش يجيب مدير رياضي قاليهم الميزانية ماكتسمحش لينا نجيبوه و الميركاتو قاليك فنهاية الموسم غادي يجلسو مع المدرب باش يحدد ليهم مراكز الخصاص و يقترح عليهم أسماء اللي غادي يدرسوها حسب ميزانية النادي المخصصة للرواتب
هاد الهضرة ديال الانتدابات ماكانتش ضايرة و كانو كيتسناو حتال نهاية الموسم و لكن اللي جبد هاد الهضرة و ورك عليهم مزيان هو نابي حيتاش قاليهم يجب العمل من دبا على ملف الانتدابات و ماشي تال نهاية الموسم
و نابي فالاجتماع الأول اللي كان قبل ماتش تواركة قاليهم بالحرف الفريق يحتاج لخط هجوم كامل بالاحتياط ديالو و قاليهم باش نلقاو اللاعبين اللي بقيمة النادي و اللي غادي يدخلو فالمنظومة ديالي خاصنا نجيبوهم من دبا و نقلبو عليهم من دبا و هادشي اللي دار ضغط نسبى على الزيات اللي مازال مافاهمش كيفاش يسير النادي فالشق الرياضي و كيسحاب ليه الانتدابات كيدارو من بعد الموسم
|
|
|
|
رسميا انتهت الجولة الأولى من دور مجموعات كأس العالم فيفا 26،جولة ممتعة شاهدنا فيها كرة القدم الحقيقية والحضور الجماهيري الكبير : 71 هدف ،جميع المباريات تقريبا عرفت تسجيل الأهداف باستثناء مقابلة وحيدة، حوالي 1 مليون ونصف شخص شاهد المباريات مباشرة من الملعب، متوسط الحضور الجماهيري بلغ 65 ألف مشجع لكل مباراة تقريبا
حصيلة افريقيا 2 انتصار - 4 تعادلات - 4 هزائم :
جنوب افريقيا 0-2 المكسيك
المغرب 1-1 البرازيل
ساحل العاج 1-0 الاكوادور
تونس 1-5 السويد
الرأس الأخضر 0-0 اسبانيا
مصر 1-1 بلجيكا
السنغال 1-3 فرنسا
الجزائر 0-3 الأرجنتينالكونغو الديموقراطية 1-1 البرتغال
غانا 1-0 بنما
حصيلة العرب في الجولة الأولى 0 انتصار - 4 تعادلات - 3 هزائم :
قطر 1-1 سويسرا
المغرب 1-1 البرازيل
تونس 1-5 السويد
مصر 1-1 بلجيكا
السعودية 1-1 الأوروغواي
العراق 1-4 النرويج
الأردن 1-3 النمسا
الجزائر 0-3 الأرجنتين
|
|
|
|
تقييم حصيلة انتدابات الزيات فعهد شركة مارسا ماروك ( بانون و موزيس جابهم بيرواين ماغاديش نحسبوهم)
الميركاتو الصيفي :
- عثمان الشرايبي لاعب جد عادي ممكن يكون احتياطي فالرجا
- بلال ولد الشيخ لاعب فاقد للتنافسية بدون اضافة الأرقام ديالو فالدرجة الثانية الهولندية قبل مايجي للرجا كانت مزيانة ممكن نقولو أن الفريق تصيد فيه
- اسماعيل خافي لاعب أرقامو ناااقصة بزاف الموسم الماضي مع القادسية سجل فقط هدف وحيد و قبل منها فالدوري المغربي مع اتحاد طنجة فالموسم قبل الماضي سجل 6 الأهداف 4 منهم ضربات جزاء مع اتحاد طنجة انتداب جد فاشل خصوصا بعد فشل المفاوضات مع مهاجم الفتح و مع بوريكة اللي تاهما الأرقام ديالهم ناااقصة
- اسماعيل مقدم كان فالنادي من قبل لاعب جيد فالدفاع و فاخراج الكرة
- محمد المكعازي كان فالنادي من قبل الأرقام ديالو فاش غادر النادي و مشى للسعودية ناقصة بزااف و كان فاقد للتنافسية و حاليا داير موسم ناااقص
- العلوي الكبيري حارس دار موسم سيء فأسفي بان فقط فماتش نهائي كأس العرش فضربات الجزاء كانو جايبنو باش يكون الحارس الأول للنادي و لكن تألق الحرار فالشان خلاه هو الحارس الثاني للفريق
الميركاتو الشتوي :
- ماتياس أرقام نااقصة فالدوري القبرصي و حتى من قبل فالدوري الوطني الأول هواة ديال فرنسا فسنتين سجل 4 الأهداف فقط فأكثر من 40 ماتش
- برقوق لاعب دولي و لاعب سابق الدوري الألماني مع فرانكفورت و لكن اللاعب عاد من اصابة قوية فالركبة و كان فاقد للتنافسية ل 10 أشهر
- حليمي لاعب سابق فالدوري الألماني كان حابس كرة لمدة 14 شهر و رجعتيه من الاعتزال و فاقد للتنافسية
- العملود لاعب جيد وحتى الأرقام ديالو فالدوري البحريني كانت جيدة
- شرارة لاعب دولي ادرني جا بتوصية من جمال السلامي جا من فريق عادي من الدوري الأردني و جا من اصابة اللي كانت مبعداه لمدة شهرين سبق ليه فشل مع الترجي و اتحاد طرابلس و حتى داك العام فالدوري الأردني كانت عندو أرقام ناقصة
- كونطي جا اعارة من أفريكانز التنزاني كان لاعب فالدوري التونسي رفقة الافريقي فشل تما و جا لأفريكانز و دار موسم جيد مع الفريق و لكن كيبقى لاعب أقل من العادي
12 انتداب اللي دار مكتب الزيات باستثناء العملود و شرارة اللي جاو بمبلغ زهيد من الفرق ديالهم
و باستثناء كونطي اللي جا اعارة
9 اللاعبين جاو أحرار و تقريبا كلهم جاو من توقف ماكانوش كيلعبو
يلا رجعنا لتصريح الزيات فاش جا و قال غادي نجيبو لاعبين كلاس A هادو را حشومة يكونو فالرجا يمكن باستثناء العملود و مقدم و بنسبة أقل الشرايبي يلا كان يعمر الاحتياط فالبقية كلهم لاعبين مستواهم أقل من المتوسط و مايديروش بلاصتهم حتى فأندية بحال تواركة و الدشيرة و أسفي
|
|
|
|
بخصوص المنتخب الوطني
في حالة تصدره للمجموعة غادي يواجه ثاني المجموعة السادسة ف12 ديال نهار بتوقيت أمريكا فهيوسطون اللي معروفة بالحرارة المرتفعة و الرطوبة 6 ديال العشية بالتوقيت ديالنا غالبا الماتش غادي يكون ضد اليابان أو السويد
اذا تأهلو فالرتبة الثانية غادي يلعبو فأجواء جيدة ف 7 ديال العشية فالمكسيك مونتيري اللي كيعرف أجواء معتدلة فديك الوقيتة و نسبة الرطوبة هابطة ف 2 ديال الصباح بالتوقيت ديالنا و الخصم غالبا غادي يكون هو هولندا
فحالة التأهل كأحسن ثالث المواجهة غادي يواجه أول المجموعة الأولى( هادشي فحالة ماكانش فالمجموعة الثانية أحسن ثالث ) و فهاد الحالة المواجهة غادي تكون فمكسيكو ضد متصدر المجموعة الأولى اللي غالبا غادي يكون هو المكسيك الماتش غادي يتلعب مع 13 فمكسيكو 8 بالتوقيت ديالنا مكسيكو فيها جو حار شوية و نسبة رطوبة عادية و لكن الخصم بنسبة كبيرة غادي يكون المكسيك صاحب الأرض و الجمهور
أو أول المجموعة الرابعة ( فحالة تأهل صاحب أفضل مركز ثالث من المجموعة الثانية ) و اللقاء غادي يكون مع 9 الليل بمونتيري اللي هي 4 الصباح بالتوقيت ديالنا و غالبا غادي تكون ضد المنتخب الألماني
فحالة تأهل المغرب كمتصدر و فحالة فاز على صاحب المركز الثاني من المجموعة السادسة المواجهة القادمة ديالو غادي تكون ضد الفائز من ماتش ديال وصيف الأولى ضد وصيف الخامسة غالبا اللقاء غادي يكون ضد الفائز من كوريا والكوتديفوار فماتش الثمن
فحالة تأهل المغرب كثاني المجموعة غادي يواجه فالثمن غادي يواجه الفائز من وصيف الرابعة ضد وصيف الثانية و هاد الماتش غالبا غادي يكون مابين كندا و أستراليا
الصراحة أحسن حاجة يحاول المنتخب يتأهل فالمركز الثاني حيتاش فجميع الأحوال غادي يواجه صاحب المركز الأول ديال المجموعة السادسة و اللي ملعوب مابين هولندا و اليابان ( تقريبا نفس المستوى ) و فحالة التأهل ديالو قالثمن غادي يبقى فالمكسيك فأجواء مزيانة و غادي يواجه هوتة ديال وصيف المجموعة الثانية مع المجموعة الرابعة
|
|
|
|
عبد الحميد معالي ( 20 سنة ) رجع لطنجة فالميركاتو الشتوي بعدما واجه مشاكل مادية مع الزمالك
لعب 8 الماتشات و حط فيهم 7 أسيست و سجل 4 الأهداف مع العلم أنه جناح
نقانوه بماتياس هاد العام لعب 12 ماتش ماحاط حتى أسيست و سجل هدفين
نقارنوه مع خافي هاد العام شارك ف 21 ماتش سجل هدفين ماحط حتى أسيست
نقارنوه ببوغرين هاد العام شارك ف 22 ماتش سجل هدف و حط أسيست واحد
نقارنوه بساخو هاد العام شارك ف 15 ماتش سجل هدف و ماحاط حتى أسيست
نقارنوه بالمعموري هاد العام شارك ف 8 الماتشات سجل هدف و ماحط حتى أسيست
نقارنوه بالنفاتي هاد العام شارك ف 17 ماتش حط 3 أسيست و سجل 5 الأهداف
نقارنوه بشرارة هاد العام شارك ف 11 ماتش حط 2 أسيست و سجل 2 الأهداف
يعني جناح جابتو طنجة عندو 20 عام أحسن بكثييير من خط الهجوم ديالك كامل
هادشي مابغيتش نحط مقارنات مع زياش اللي لاعب بنص رجل مع الوز
و مابغيتش نقارنهم بشويعر ديال بركان اللي أصلا كيلعب 10
و مابغيتش نقارنهم بالفحلي ديال الخيش
و مابغيتش نقارنهم مع بنجديدة
|
|
|
|
تخيلو بهاد الكوارث والرجاء مزالة عندها فرصة فاللقب
كون جمعو راسهم ومشاو بنفس رتم البداية كون هربنا عليهم
الجولة القادمة
الوز فاس
الخيش بركان
الرجاء يعقوب المنصور
الفرصة الاخيرة
|
|
|
|
بطولة هاد الموسم " أسهل منها مفيش " بطولة تنادي الرجاء و لكن الزيات بـ اختياراته ضيع على الفريق لقب كان فالمتناول
|
|
|
|
دشيرة 1-1 الخيش
الوز 1-2 الفتح
بركان 0-0 اسفي
|
|
|
|
الرجاء كونتر لكوديم ماشي يعقوب المنصور
|
|
|
|
الجولة 26 :
المغرب الفاسي ضد نهضة بركان
الرجاء الرياضي ضد النادي المكناسي
الدفاع الحسني الجديدي ضد الوداد الرياضي
الجيش الملكي ضد الكوكب المراكشي
الجولة 27 :
يعقوب المنصور ضد الرجاء الرياضي
الوداد الرياضي ضد المغرب الفاسي
نهضة بركان ضد الجيش الملكي
الترتيت :
الجيش الملكي : 49 نقطة
المغرب الفاسي : 49 نقطة
نهضة بركان : 47 نقطة
الرجاء الرياضي : 46 نفطة
الوداد الرياضي : 43 نقطة
|
|
|
|
أغبياء جنوب افريقيا غير زايدين فهاد المونديال
منتخب تافه جدا
|
|
|
|
كلشي ضيع نقاط حتى فريق من فرق الصدارة وصل متوسط معدل التنقيط المطلوب من أصل 25 مباراة المفروض تجاوز النقطة 50 أو على الأقل 25 مباراة تكون 50 نقطة وهذا لي ماحصلش
|
|
|
|
( الفتح - الدفاع - دشيرة - زمامرة ) 24 نقطة هير مع هاد الرباعي ذهاب و إياب شوف شحال من نقاط ضاعت
|
|
|
|
حتى منتخب بحال تشيك صراحة غير زايد فـ المونديال
|
|
|
|
نتائج هاد الجولة ديال الفقصة
ادارة ماوفرت افكتيف مزيان ما قدرت تاخد قرار بطرد المدرب بعد الديربي او في اسوء الاحوال بعد ماتش بركان على الاقل يكون دكليك..تصرف الغبي البرهوش الضحاك لي مخلي حاليمي وغادي كينقز يضرب بينالتي
اضعف بطولة من سنواااات بعد كل هاد العشوائية والتخربيق مازال بيننا وبين الصدارة غي 3 ,نقط!!
|
|
|
|
الجولة 26 :
المغرب الفاسي ضد نهضة بركان
الرجاء الرياضي ضد النادي المكناسي
الدفاع الحسني الجديدي ضد الوداد الرياضي
الجيش الملكي ضد الكوكب المراكشي
الجولة 27 :
يعقوب المنصور ضد الرجاء الرياضي
الوداد الرياضي ضد المغرب الفاسي
نهضة بركان ضد الجيش الملكي
الجولة 28 :
تواركة ضد الخيش
يعقوب المنصور ضد الماص
طنجة ضد الرجا
الوز ضد الدشيرة
الجولة 29:
مكناس ضد الخيش
بركان ضد الوز
الرجا ضد الحسنية
طنجة ضد الماص
الدورة 30:
أسفي ضد الرجا
الماص ضد الدشيرة
الخيش ضد الزمامرة
الوز ضد تواركة
من واحد الناحية ماكرهتش الفريق يرجع للواجهة الافريقية و لكن فحالة رجع غادي غير نتشوهو مع عريبان و عوازة ماعندناش فريق و حسن الفد مامعولش يجيب لاعبين خصوصا مني كتسمع أنه حاط فقط مليار للانتدابات الناس مليار كتجيب بها لعاب واحد و هو معول يدير بها ميركاتو
|
|
|
|
سيمانة ديال المشماش سالات عند العربان دابا غادي تبدى تسمع غي 5 لفوق
قطر ضحكو معهم سويسرا تيقو روسهم
|
|
|
|
نهاية اللقاء
كندا 6-0 قطر
|
|
|
|
الكرارس مبقات فيهم نفس الماتش الجاي تلقا مكناس مسبقة شي بيت و هوما سخفانين و كيتسناو فالتعادل هههه
|
|
|
|
الزيات و مكتبه و مديره الرياضي الصوري هما اسباب هاد الكارثة بطولة في المتناول و كنتي أ تحسمها فالدورة 29 ضد اكادير ،
|
|
|
|
هداك الدري اللي دخل كونتر الزمامرة هو اللي خاصو يكمل الموسم بلاصت العاهات ساخو و معموري وخا يغلط لا هو لا ايغيز
|
|
|
|
نحلف عليها الزيات منين خرج من الرجاء في 2021 ، مبقا متبع الاخبار و يتفرج فالماتشات كيما كنديرو حنا ، هاد الاغلاط اللي دارو هاد العام تاع واحد مستافد تاحاجة من المواسم الاخيرة ، كيخليو الجانب الرياضي و تسليح الفريق و كايديوها غير فالمال و الهيكلة راه وخا معرت اش دير ازيات الا عندك فرقة ضعيفة راه ريبتي كلشي
|
|
|
|
بانون خافيفي مقدم مشخشخ بولكسوت عملود برقوق بوغرين النفاتي شرارة و ماتياس هادشي اللي خاص يبقا
|
|
|
|
| إقتباس لمشاركة: | sofraj | 11:54 - 2026/06/19 | | الزيات و مكتبه و مديره الرياضي الصوري هما اسباب هاد الكارثة بطولة في المتناول و كنتي أ تحسمها فالدورة 29 ضد اكادير ، |
|
الزيات هو السبب بوحدو كيتحمل المسؤولية هو اللي كيسمع للمكتب ديالو هو اللي جاب المدير الرياضيهو اللي جاب فادلو و هو اللي كيتسقرم على الميزانية ديال النادي على حسب الأهداف الرياضية هو اللي خارج كيقوليهم الرجا غادي تولي بحال باريس و البارصا هو اللي خارج كيقوليهم حنا بغينا الاستقرار و درنا الثقة ففادلو حتى خرجو فالحيط يلا ماصلحش هادشي ديالو من هنا للصيف من الأحسن يعلن على جمع عام استثنائي حيتاش مابقاش كيبان ليا الفرق بينو و بين حسبان و بيرواين و هالا و البدراوي و محفوظ فهاد السنوات الأخيرة بودريقة هو اللي كان الاستثناء فموسم الدوبلي
|
|
|
|
| إقتباس لمشاركة: | sofraj | 11:58 - 2026/06/19 | | هداك الدري اللي دخل كونتر الزمامرة هو اللي خاصو يكمل الموسم بلاصت العاهات ساخو و معموري وخا يغلط لا هو لا ايغيز |
|
المشكل ا سفيان نهار الزمامرة دخلو بدون ضغط حيتاش صافي البطولة سالات و مشات حتى الأغلبية الكبيرة ديال الجمهور ماتفرجش فالماتش و حتى الزمامرة مالاعبين على والو بعاد على المراكز الافريقية و بعاد على مراكز الهبوط داكشي علاش شفنا ديك النتيجة 4-3 المشكل دبا مع تعثر المطاردين و رجوع الفريق للمنافسة الجمهور عاوتاني بدا حملات باش يكون فماتش مكناس المشكل هاد الدراري غادي يعاود يرجع الضغط و التقفقيفة
|
|
|
|
| إقتباس لمشاركة: | sofraj | 12:03 - 2026/06/19 | | نحلف عليها الزيات منين خرج من الرجاء في 2021 ، مبقا متبع الاخبار و يتفرج فالماتشات كيما كنديرو حنا ، هاد الاغلاط اللي دارو هاد العام تاع واحد مستافد تاحاجة من المواسم الاخيرة ، كيخليو الجانب الرياضي و تسليح الفريق و كايديوها غير فالمال و الهيكلة راه وخا معرت اش دير ازيات الا عندك فرقة ضعيفة راه ريبتي كلشي |
|
هو ماشي ولد الرجا هو معروف عليه رباطي و معروف عليه ماعندوش مع كرة و را كان سبق قالها واحد المرة بفمو قال أنه ماكانش عندو مع كرة القدم نهائيا هو ماشي مابقاش متتبع للرجا هو مابقاش متتبع للكرة العالمية كاملة فاش كيقوليك بغينا نوليو بحال البارصا هو را باقي عاقل على البارصا ديال 2009 و 2011 و 2012 ماعارفش اش طاري فالبارصا فالمواسم الماضية ههههه
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
