|
|
مبارة الرجا و الخيش تأجلت بسبب استدعاء 4 لاعبين من الخيش للمنتخبات ديالهم
أول ماتش للرجا غادي يكون برسم الدورة 2 بمركب محمد الخامس أمام نهضة الزمامرة يوم السبت 3 أكتوبر على الساعة الثامنة مساءا
|
|
|
|
بسبب الأشغال في الملعب البلدي بتزنيت سيضطر الفريق ليستقبل خلال شطر الذهاب مبارياته بملعب البشير بالمحمدية. لهذا السبب اتخذت إدارة اتحاد أمل تزنيت قرار غريب و قامت بكراء منزل من 3 طوابق بمدينة المحمدية لكل مكونات الفريق من أجل الإقامة هناك.
|
|
|
|
إقبال ضعيف على الاشتراك السنوي
دوك 17 ألف ديال عبدة البيشان
فاش كدخل للسيت كتلقى الماكانا ماكايناش و ديك 17 ألف كلها ديال المكانة زائد واحد الشوية من الدار
ماكاينش شي واحد بعقلو غادي يحط 700 درهم على 14 ماتش و كاين الريسك ديال الويكلو و اغلاق دونور عاد زيد مايمنكش تحط 700 درهم باش تفرج فالكرارس
|
|
|
|
| إقتباس لمشاركة: | Youssef Lucci | 18:02 - 2026/09/17 | أمريكا خلات الحوتيين يتسولمو على السعودية و يسيطرو تقريبا على باب المنذب و رفضات تتدخل فالصراع باش السعودية ترضخ و تحط اللعاقة من جديد و تطبع مع اسرائيل و لو أمنيا و من بعد غادي تتدخل أمريكا و تلقى شي اتفاق مع الحوتيين باش يحافضو على باب المنذب مع السماح لسفن البترول السعودية بالمرور يعني غادي تبقى حل مؤقت و غادي تخلي الحوتيين تما ديما تهديد للسعودية هههه |
|
نفس الشيء واقع فالمغرب حاليا من بعد داكشي اللي وقع فسبتة خرج البرلمان الأوروبي ببلاغ ضد المغرب و حاليا كاين أزمة دبلوماسية مابين المغرب و اسبانيا اسبانيا عاودت نشرات القوات ديالها فسبتة و مليلية بشكل مكثف و علنات على استعداد عسكري المغرب شنو دار مشاو شراو خردة الأسلحة من الميريكان و اسرائيل و من بعد حلو السفارة ديال اسرائيل فالرباط بشكل رسمي و كاينة هضرة على اقامة قاعدة عسكرية أمريكية اسرائلية مغربية فالشمال ديال المغرب
هادشي كامل جا مني خرجات هضرة فأبريل اللي فات على اكتشافات بترولية مهمة فنواحي برج الكرداف منطقة كاينة فشرق الصحراء الفرق أن الميريكان غادي تستغل البترول ديال المغرب نيشان و السعودية غادي تخلص بالفلوس
|
|
|
|
كواليس الميركاتو: صفقة العليوي وفشلها | Version du joueur
توصل نادي الرجاء الرياضي إلى اتفاق نهائي مع اللاعب نبيل العلوي، بل إن اللاعب وقّع إلكترونياً من طرف واحد على عقد يمتد لثلاثة مواسم، مقابل 400 مليون سنتيم في الموسم الأول، و420 في الموسم الثاني، و450 في الموسم الثالث.
اللاعب، رفقة عائلته، سافروا من السعودية إلى المغرب من أجل الخضوع للفحص الطبي الروتيني، غير أن اللاعب ووكيل أعماله شعرا بشيء من الغرابة في طريقة الاستقبال.
وبحسب ما ذكره اللاعب، فإن عدم حضور الـ«ديجيتال» الخاص بالرجاء، على عكس ما جرت به العادة، لم يكن مؤشراً جيداً بالنسبة له.
بعد ذلك، تبيّن أن اللاعب لم يجتز الفحص الطبي الروتيني بنجاح، ليعود بعدها إلى السعودية، حيث خضع لفحص طبي مضاد، قبل أن يوقّع بعد أيام في كشوفات نادي الطائي السعودي، الذي قاده اليوم إلى الفوز بعدما سجل الدوبلي.
اللاعب ذكر لأحد المقربين منه أنه شعر بأن الرجاء الرياضي تسرّع في الاتفاق معه، خصوصاً أن العقد كان يمتد لثلاثة مواسم، ولذلك اختار في النهاية هذا المسار للتراجع عن إتمام الصفقة.
هذه، حسب رواية اللاعب، بعض تفاصيل الكواليس التي رافقت فشل انتقال نبيل العلوي إلى الرجاء الرياضي.
المقال لا يحتاج إلى نسخة الرجاء لأنه ضمن المقال لا يمكننا التعاقد مع لاعب مصاب ????⚪️
|
|
|
|
مني شافو القضية ناعسة فالاشتراكات ناضو نقصو الثمن ل 600 درهم مع ادراج جميع المباريات ديال البطولة و الكاف و كأس العرش
الزيات و من معه الهم ديالهم يحلبو الجمهور فقط
و من وجهة نظري بنادم بلا مايدير شي اشتراك مايمكنش نخلص 600 درهم باش ندخل نتفرج فولد الشيخ و ماتياس و الادريسي
|
|
|
|
حتى 600 درهم بزاف عليهم كما قلتي..
|
|
|
|
| إقتباس لمشاركة: | Rajaoui wanted | 14:41 - 2026/09/19 | | حتى 600 درهم بزاف عليهم كما قلتي.. |
|
كون دارو انتدابات من قيمة الفريق و الجمهور بانت ليه فرقة واقفة غادي تعفط على الفرق فالبطولة و الكاف ديك الساعة يديرو الثمن ديال الاشتراك اللي بغاو يديرو تا 1000 درهم بنادم يشريها
نتا جايب الشياطة و العشوائية ماشي غير العام الأول العام الثالث كتعاود نفس الأسطوانة نفس المشاكل و بغيتي بنادم يخلص 700 درهم باش يتفرج فالكرارس
|
|
|
|
المبارة الاعدادية ديال اليوم الفريق استحوذ على الكرة أمام أمل تزنيت و لكن ماقدرش يصنع حتى فرصة و سجل هدف بسبب خطأ دفاعي ساذج من الفريق الضيف
هاد السيناريو غادي يتعاود بزاف هاد العام حيتاش الكاليطي ديال المنظومة الهجومية كاااملة ناقصة بزااااف ماعندكش 10 ماعندكش 9 و ماعندكش أجنحة اللي قادرة تحل ليك العقم التهديفي و تخلق فرص
أي فرقة دارت الطوبيس غادي تمحن الرجا هاد العام
|
|
|
|
رغم فسخ العقد ساخو مازال كيتدرب مع المجموعة الصراحة هاد البلان غريب لعاب زرك سيفطتيه و خليتي ليه البرطما و الطوموبيل و خليتيه كيتريني مع المجموعة تال شهر 12
|
|
|
|
حكيم دومو : الالترات كيربحو الملايير و بدون محاسبة و بدون ضرائب الترا ديال حلالة بويز قبل عامين جاتني معلومة مؤكدة أنهم ربحو فموسم واحد مليار و 600 مليون سنتيم هادشي غير الفريق كان فالهواة فقط من الاشتراكات و من المنتجات اللي كيبيعو و المشكل أن اللي كيتصرف فدوك المداخيل فقط 4 الأشخاص و كنعرفهم واحد بواحد المخير فيهم ماعندو لا باك لا مستوى ثقافي لا منصب لا والو و مدخلين هاد الفلوس و عندهم آخر ماكاين فالطوموبيلات و ساكنين ففيلات واحد فيهم شاري فيلا فالرباط . هادي غير قنيطرة أما الترات كازا و الرباط يعلم الله شحال كيدخلو و هادشي غير داكشي اللي مصرح به را كاينين أنشطة غير قانونية كدار فالالترات
الفيديو :
https://web.facebook.com/reality.is.life.004/videos/2121595908711016/?__cft__[0]=AZj570HKqcQXlJmaT-YH7XPrzUqhOUbVI5EmejEzEB76hNICYNcDXAcGct9KNWjeT67MVSGGDa90M9xMCXQr-5zGtJ0H5L0GmeICpobz-vPCfFPePhWq_do4f9uHYML6ltgtRiv5LQ3LYe9qPT3OlzqBJAcmqUra6uTZJ-qSa6brLuWk9i6XbVangSDTJmPoFoVrtkBxnuFeK4wUKiwHSQdxdhTsAgz2wq1MLM&__cft__[1]=AZgxpZ3hBambPZHKNBknrWuNHPwJ2DWg6R4vqmDlXyvBoJMecuTZiXc8kzXLmg2fQfYcUNbDAje2f15s6GiDQzJ7UZzUaWPSJbg2206UeX85hGC4xbebnWUZLShENW_w9i-WWe9WzivsAOkxj0Th1d3MgvDj-oUGyo23DunrdYlHIP1ra5sHfwR0Pi47zfpVUOaK6Hob2HkDuY8gOgTHzaBFZ-xR8AOOQBiDLXk&__tn__=R]-R
|
|
|
|
نقص ساعة و العودة إلى توقيت GMT صباح الغد ان شاء الله بلا رجعة
|
|
|
|
اتفق مع تصريح دومو وولات عندهم طرق جديدة لجمع المال من المريدين ديالهم بتنضيم احتفالات وسط الشوارع بالليل بدون اي مناسبة..انا كنعرف الجمهور كيخرج يحتافل ملي كيربح الفريق شي لقب دابا بدون سبب والبطولة اصلا متوقفة عا تا كتسمع الشماريخ والاهازيج في منتصف الليل اولا كيبان لك شي كراكاج ديالهم بالمواطر
ولاو كثر من دوك البودشيشيين لي كيجمعو الملايير من الاغبياء والمغفلين
|
|
|
|
شكون هذا لمعرفش بلي الالترات تيربحو زبالة فلوس و قادرين يطيحو مكاتب الأندية بتأثيرهم على الرأي العام ؟
و دومو و غيرو من الرؤساء صحة خصهم يطبعو مع الالترات و لا رئاساتهم مغاديش تدوم ؟
السؤال دبا هو علاش الداخلية طالقة ليهم اللعب رغم كوارثهم ، و مبغاتش على الأقل تحولهم لجمعيات إلى مكانش الالترات بشكل الحالي ديالهم تيخدمو مصالها !!!
|
|
|
|
| إقتباس لمشاركة: | Youssef Lucci | 23:53 - 2026/09/19 | شكون هذا لمعرفش بلي الالترات تيربحو زبالة فلوس و قادرين يطيحو مكاتب الأندية بتأثيرهم على الرأي العام ؟
و دومو و غيرو من الرؤساء صحة خصهم يطبعو مع الالترات و لا رئاساتهم مغاديش تدوم ؟
السؤال دبا هو علاش الداخلية طالقة ليهم اللعب رغم كوارثهم ، و مبغاتش على الأقل تحولهم لجمعيات إلى مكانش الالترات بشكل الحالي ديالهم تيخدمو مصالها !!! |
|
هادشي كان كيسحاب ليا الأندية الكبيرة خصوصا الرجا و الوز و بالخصوص الرجا ولكن فاش كتشوف تصريح دومو كيقوليك الترا ديال حلالة مدينة صغيرة بحال القنيطرة و فريق فالهواة و الالترات ديالهم عندهم مداخيل ديال موسم واحد مليار و 600 مليون و الفرقة براسها ماعندهاش حتى 500 مليون مقادة هو لمح ليهم لأن الالترات كيتحكم فيهم الداخلية فاش قال أن اللي كيتصرف فالفلوس و اللي كيعطي الأوامر هوما 4 الأشخاص و زاد كملها فاش قال أنشطة غير قانونية يعني ممكن الالترات يدخلو حتى فالتذاكر و فبيع و شراء اللاعبين يعني الالترات فالمغرب عبارة عن مجموعة من الاشخاص واحد 4 أو 5 الناس كينفذو أوامر الداخلية و تابعينهم عشرات أو مئات الآلاف من المراهقين و الداخلية دايراهم بحال العصى لرؤساء الأندية و المكاتب
|
|
|
|
حسب مايروج داخل الفريق المدرب غير راضي على التشكيلة و اللاعبين و قالها للادارة فاجتماع رفقة وكيل الأعمال ديالو و الزيات و المدير الرياضي و قاليهم بصريح العبارة أن الفرقة مايمكنش تنافس بهاد الايفيكتيف و عندها نواقص كثيرة خصوصا فخط الهجوم
قالو ليه غادي نكملو ملف الانتدابات فالتوقف الشتوي و كون هاني و موراها لاحو تصويرتو البارح فالتداريب و كتبو عليه جنرال ههههه
|
|
|
|
د 55
أتليتيكو 1-0 الريال (ض.ج)
|
|
|
|
قالو ليه قضي باش ماكاين شهرين دايزا هههه دابا كيفاش هاد المدرب يخدم بالمعقول وهو عارف كيتمرݣنو عليه
|
|
|
|
|
|
|
نفس ثلاتي الأحزاب المشكلة للحكومة السابقة خدات الصدارة بفرق تصدر الپام على الأشرار و إحتفاظ الإستقلال بالرتبة الثالثة و إبتعاد العدالة والتنمية مرة أخرى السؤال هو واش البديل غايب حتى خلت الناس تعاود تصوت عليهم في ظل محدودية ثمثيلية اليسار الموحد أو التعزيلة كانت مطبوخة جات نوبة الپام مابقينا فاهمين والو
|
|
|
|
| إقتباس لمشاركة: | Rajaoui wanted | 16:54 - 2026/09/24 | نفس ثلاتي الأحزاب المشكلة للحكومة السابقة خدات الصدارة بفرق تصدر الپام على الأشرار و إحتفاظ الإستقلال بالرتبة الثالثة و إبتعاد العدالة والتنمية مرة أخرى السؤال هو واش البديل غايب حتى خلت الناس تعاود تصوت عليهم في ظل محدودية ثمثيلية اليسار الموحد أو التعزيلة كانت مطبوخة جات نوبة الپام مابقينا فاهمين والو
~~~~~~~~~~~~~~
الانتخابات فالمغرب تيحسمها الأعيان و البوادي ، أما الناخب العادي معندوش ثقل حيت أغلبيته مقاطع الانتخابات
مثلاً هاد العام فاش تحط لقجع فـ البام ، تعطات إشارة لأعيان الدولة للانتقال من الأحرار لـ البام ، حيت حزب البام هو حزب المرحلة
و النتيجة راه باينة حزب البام هو لي ربح و حزب الأحرار أكبر الخاسرين
|
|
|
|
|
|
|
|
|
فادلو دافيدز يفضح بعض لاعبي الرجاء الرياضي في برنامج حواري رياضي على راديو 2000 الجنوب الافريقي:
الموسم الماضي تلقيت طلبات عديدة من مجموعة من اللاعبين و من وكلاءهم من أجل التدخل لهم للانتقال لأندية جنوب افريقية. هناك في المغرب المنحة السنوية أقل بكثير من التي يتقاضاها اللاعبون هنا في أورلاندو أو صانداونز.
هناك في المغرب تحديدا في الرجاء حسب علمي كان أغلب اللاعبون يحصلون سنويا على 200 ألف دولار كدخل سنوي على الأكثر. و كانو يريدون تحسين وضعهم المادي بالانتقال لجنوب افريقيا. كان الأمر مزعجا لي بعض الشيء لأنه تحول لإلحاح من بعض اللاعبين و وكلاءهم؛ حتى أن بعض الوكلاء كانو يعدونني بالحصول على عمولة مقابل التدخل لانتقال لاعبيهم.
|
|
|
|
وداد تمارة 3 - 1 الوز و فدونور
|
|
|
|
خسارة غير متوقعة بالميدان فمابال النتيجة 3 بزاااف من فريق صاعد
|
|
|
|
شفت الملخص أواااه حتى التعادل ماكانش من 0-2 ل1-2 ل1-3
|
|
|
|
بالعكس سمير ، خسارة الوز أكثر من متوقع بالنظر لـ جاهزية الفريق و ظروف الاستعدادات ديالو
الخوف دبا على فريقنا المصون لي حتى هو الاستعدادات ديالو كارثية و جاهزيتو محل شك
|
|
|
|
وايييه اخي يوسف حريرتنا بوحدها ..
|
|
|
|
| إقتباس لمشاركة: | Youssef Lucci | 23:25 - 2026/09/26 | بالعكس سمير ، خسارة الوز أكثر من متوقع بالنظر لـ جاهزية الفريق و ظروف الاستعدادات ديالو
الخوف دبا على فريقنا المصون لي حتى هو الاستعدادات ديالو كارثية و جاهزيتو محل شك |
|
الوز أكثر منا العسري ناض رجع الحرس القديم زعما باش يوقفهم الساعة كلشي مشلل كلشي هربات عليه لا عطية الله لا الحسوني لا جبران جبران غير كيضور فالتيران أما واحد يوسوفو دايو مشلل مسكين تمارة ماشي فرقة قوية ولكن كانو واقفين مزيان و كون كانت شي فرقة أخرى اليوم ضد الوز بحال الماص أو بركان أو الخيش كانو يخرجو بنتيجة كارثية حتى المدرب عندهم مسكين مشلل كنظن هاد العام الوز غادي يكون عندهم كارثي و ماشي بعيد هاد العام ينافسو على الطيوح
|
|
|
|
الكوديم ضربو الجديدة فالجديدة ب 6-2 تاهما
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
