|
|
هاد الزمر د راس لافوكا غيحمقنا معاه
اختيارات غير مفهومة
خطة هجومية ليست لها ملامح
أودي حنا بغينا غير نربحو داك المشقوف د افريقيا بأي طريقة
|
|
|
|
لاعب كثر من عام وهو تينش الدبان تراهن عليه و على عودته عبر بوابة البطولة للمنتخب للفوز بالكان ، قمة العبث صراحة
|
|
|
|
بغيتو الصراحة الوداد اصلا واقفين علينا حاليا وعندهم جودة في اللاعبين احسن من لي عندنا في كل المراكز تقريبا باستثناء الظهيرين ودابا تزاد عليهم زياش مهما كان مستواه غادي يبان نيفو ديالو طالع على البطاطيش.
نقطة ضعف الوداد هي المدرب ولكن الضعف ديالو كتغطي عليه جودة اللاعبين
|
|
|
|
لي غادي ينفعنا في الديربي هو الإمتياز النفسي لي عندنا عليهم في اسوء احوال الراجا كيدخلو خايفين منها
اما بداك الميليو الشفاف صعيب تفرض الإيقاع ديالك على شي فريق واقف
|
|
|
|
غا هو بالنسبة للمنتخب صفحة زياش خاصها تكون تطوات غير غادي يدير ليهم الأرارة تما وتنوض حزازات بينه وبين الكابتن حكيمي
|
|
|
|
يقدر يكون زعما وليد باغي يعاود سيناريو شحاتة مع ميدو ههه
كيتخيل انه يخرج زياش ويبداو يتناكرو وهداك لي غادي يدخل بلاصتو يضرب بيت التأهل للفينال او بيت اللقب قاع ويطلع وليد بطل قومي ههه
|
|
|
|
| إقتباس لمشاركة: | عبدالله الرجاوي | 22:40 - 2025/10/22 | بغيتو الصراحة الوداد اصلا واقفين علينا حاليا وعندهم جودة في اللاعبين احسن من لي عندنا في كل المراكز تقريبا باستثناء الظهيرين ودابا تزاد عليهم زياش مهما كان مستواه غادي يبان نيفو ديالو طالع على البطاطيش.
نقطة ضعف الوداد هي المدرب ولكن الضعف ديالو كتغطي عليه جودة اللاعبين |
|
غير كيبان ليك ا عبد الله الوز دفاعيا مفضيين عندهم فقط الحارس و الزمراوي و امرابط و لورش البقية عاديين جدا
|
|
|
|
أصلا راس لافوكا معول يرجع سايس للمنتخب را عيط ليه فهاد التوقف اللي فات و لكن تصاب فآخر ماتش
غادي تعول على لاعب عندو 36 سنة و كيلعب فالسد و ديما مصاب فخط الدفاع ديالك
|
|
|
|
محمد زريدة يعود لناديه السابق الرجاء الرياضي بعد فسخ تعاقده مع نادي الاتحاد الليبي. الفريق الأخضر في مفاوضات أيضا مع اللاعب نوفل الزرهوني للعودة للفريق.
*****************************
الزيات بغى يرجع الفرقة اللي دات الدوبلي ها المكعازي ها بلمقدم ها زريدة ها الزرهوني ها فادلو بقى ليه غير الزنيتي و بوزوق و زينباور
|
|
|
|
الفريق خاصو يستثمر فوسط الميدان زريدة براسو عادي خرجو لفلوس و قويو الوسط راهو الساس
|
|
|
|
الزيات إلى بقا تيتعامل مع الانتدابات و الشق التقني بهاد السذاجة راه غادي يثقب ورقتو بكري
و المامون البلغيتي مع كل احترامي له ماشي مدير رياضي باش تعطيه كل الصلاحيات
راه غادي يصدق الفريق لا مدرب لا لاعبين محلين لا أجانب فالمستوى و الفلوس تضيع
|
|
|
|
| إقتباس لمشاركة: | sofraj | 14:27 - 2025/10/23 | | الفريق خاصو يستثمر فوسط الميدان زريدة براسو عادي خرجو لفلوس و قويو الوسط راهو الساس |
|
الفريق خاص يستثمر فالفرقة كلها
حاليا عندنا فريق عادي و زريدة و الزرهوني أقل من العاديين
الزيات بهاد الفكر ماغادي يدير والو نرجع السطاف و اللعابة اللي داو الدوبلي باش نعاود نرجع للواجهة هادي أكبر تخربيقة
|
|
|
|
الزيات كيسير بتفكير مالي أكثر ماهو رياضي
حتى فالحوارات ديالو أول حاجة كيهضر عليها خاص نكبرو الميزانية ديال الفريق عاد كيقوليك خاص نبنيو فريق ديال الألقاب
هاد المعادلة مايمكنش تكون ففريق رياضي تكون ناجح ماليا و فاشل رياضيا خاص يكونو غاديين بالتوازي
|
|
|
|
حسب الموقع الشهير طرانسفيرماركيت الوز وقعو مع زياش لموسم و نصف ب 3,5 مليون أورو في أغلى صفقة في تاريخ الدوري المغربي, بعدما كانت أغلى صفقة ديال بركان اللي تعاقدو مع منير اشويعير ب 3 المليون أورو ل3 مواسم
في عالم موازي الزيات كان حاط أي صفقة مايفوتش فيها 500 مليون
|
|
|
|
القائمة الاولية للمنتخب الوطني الذي سيواجه فيها بعد أسبوعين كل من موريتانيا و زيمبابوي في انتظار التأكيد على المواجهة الثانية, تضم كل لاعبين من المنتخب المغربي للشباب, و يتعلق الأمر بكل من عثمان معما و ياسر الزابيري.
|
|
|
|
بركان و الوداد ولاو كايجيبو اللاعبين ديال مليون دولار للفوق بلا تفعيل الشركة بلا شراكة مع مرسى ماروك , طلعو سقف الطموح ديالهم و ماغاديش يبقاو يتنافسو معاك على اللاعبين ديال 400 و 500...
إلا مادرناش حتى حنا صفقات قوية و بقينا نقولو "و حتى نتا زياش را غير شارف" را في الأخير غادي يوقع لينا بحال الزمالك في مصر و النادي الافريقي في تونس الناس كاطلع البارة و حنا كانضحكو عليهم حتى نلقاو راسنا كاندورو فبلاصتنا ، أنا ماسوقيش واش هاد الصفقات ديالهم ناجحة ولا فاشلة و لكن بغيت جمهور الرجاء يزيد عندو الوعي بخصوص الخطر القادم من المنافسين لي باغين يخليوك ضعيف و كاتلعب غير دور " الكومبارس"
|
|
|
|
أعلنت الاتحادية الموريتانية لكرة القدم، اليوم الأربعاء، أن اللاعب الدولي محسن بده قد تعرض لإصابة خطيرة تمثلت في قطع كامل في الرباط الصليبي الأمامي للركبة اليمنى، وذلك خلال مشاركته في مباراة المرابطون أمام نظيره السنغالي يوم 14 أكتوبر الجاري على ملعب عبد الله واد بديامنياديو، ضمن تصفيات كأس العالم 2026.
|
|
|
|
تقارير صحفية أمريكية تؤكد دعوة الرئيس الأمريكي دونالد ترامب كل من العاهل المغربي محمد السادس و الرئيس الجزائري عبد المجيد تبون, اضافة لرئيس جبهة البوليساريو ابراهيم غالي نهاية شهر دجنبر القادم. و الهدف هو عقد اجتماع صلح لإغلاق ملف الصحراء الغربية بصفة نهائية, و أيضا لإقامة الصلح بين المغرب و الجزائر, و فيما يلي أهداف المقترح الأمريكي:
- إقامة الحكم الذاتي في الصحراء الغربية تحت سيادة مغربية.
- توقيع اتفاقية صلح و سلام مفتوحة بين المغرب و الجزائر.
- توقيع معاهدات اقتصادية و سياسية تجمع مصالح البلدين.
- إعادة فتح الحدود و المجال الجوي بين الدولتين.
|
|
|
|
هاد البلان اللي داير ترامب مع المغرب جاني فشكل فالولاية الأولى ديالو اعترف بمغربية الصحراء و كان مقابل داكشي التطبيع
و لكن هاد المرة غادي يدوز ملف الصحراء فمجلس الأمن باش يدار حكم ذاتي و يدير صلح مع الدزاير جاني فشكل يعني كاينة مصالح أمريكية اسرائلية تما خصوصا فالشق الاقتصادي حيتاش فاش كتشوف دوك النقط اللي غادي يدار عليهم الاجتماع النقطة الثالثة فيها هضرة كبيرة ديال توقيع معاهدات اقتصادية بين البلدين
علاش الميريكان غادي تعلن على السلام بين هاد جوج دول ؟ هاكاك فسبيل الله ؟ علاش ماصالحوش الهند و باكستان ؟ أو الكوريتين؟ أو الصين و اليابان اللي بيناتهم مناوشات على الحدود ؟ أو أكرانيا و روسيا ؟
|
|
|
|
يستضيف نادي الرجاء الرياضي نادي أولميك الدشيرة الصاعد حديثا لقسم الأضواء, المبارة و التي ستجري يوم السبت على الساعة السادسة مساءا بمركب محمد الخامس بالدار البيضاء.
******************
خاص هاد الماتش يتربح بأي طريقة خصوصا أن الماتشات اللي موراه غادي تلعب الأربعاء ضد الوز و الأحد ضد بركان فبركان
خاص دخل لهاد جوج ماتشات و الفريق فمعنويات مرتفعة
كنتمنى أن فالدو و الطاقم ديالو اشتغلو طيلة هاد التوقف الدولي الطويل على الشق البدني اللي بان الفريق ضعيف فيه فالماتشات الأولى ديال البطولة
|
|
|
|
| إقتباس لمشاركة: | admin | 15:01 - 2025/10/24 | تقارير صحفية أمريكية تؤكد دعوة الرئيس الأمريكي دونالد ترامب كل من العاهل المغربي محمد السادس و الرئيس الجزائري عبد المجيد تبون, اضافة لرئيس جبهة البوليساريو ابراهيم غالي نهاية شهر دجنبر القادم
~~~~~~~~~
لقاء ابراهيم غالي و جبهة البوليساريو هو اعتراف ضمني بالجبهة و القيادة ديالها وهذا خطأ استراتيجي كبير على المدى الطويل
ترامب عايش دور " حمامة السلام "
و فين ما كاين شي نزاع باغي يحلو باش يربح جائزة نوبل للسلام
وخا هو عارف بلي الحلول لي تيقترحها و التخريجات لي تيطرحها هي حلول ترقيعية ، و هادشي لي موافقاتش عليه روسيا مثلاً
|
|
|
|
|
|
محمد فاخر متحدثا عن مستوى البطولة الوطنية :
ممكن تهبط مع العشرة ديال صباح لبحر و تجمع فرقة ديال الدراريكوايرية و تديهم يلعبو ليك فالبطولة ضد أي فرقة ماغاديش يبان ليك الفرق غادي تلقى مستوى متقارب.
لاعبي البطولة ماعندهمش تكوين طكتيكي من الصغر, حيتاش الأندية المغربية مافيهاش تأطير و تكوين احترافي. الدراري غير كيجيو يترينيو و يلعبو و صافي حتا كيلقى راسو فالفريق الأول بدون تكوين طكتيكي. و كيبقى يتساطح فالبطولة حتى يفهم الطكتيك مع الممارسة هاشي فحالة يلا كان كيخدم على راسو و طول و مع الأسف ماكيوصل للنضج الطكتيكي تا كيفوت 30 عام
|
|
|
|
بعض الرجاويين كايسحابليهم الحل ديال الرجا باش تولي تنافس على العصبة هو دير السكاوتينغ و التنقيب في الأكاديميات و تجيب لاعبين صغار في السن بثمن رخيص مع هامش التطور و تدخل تربح البطولات و لكن في الحقيقة هادي خدمة ديال فرق التكوين و تسويق اللاعبين و ليس فرق الألقاب.
دبا بالله عليكم عطيوني شي فريق ناجح في العالم خدام بهاد الاستراتيجية ؟ بيراميدز ، الأهلي ، و ريال مدريد ، البايرن ، ليفربول ، تشيلسي ، الهلال و الأهلي السعودي ، هادو كلهم أندية ربحت أهم الألقاب القارية و الدولية في السنوات الأخيرة بالإنتدابات و ليس التكوين و سيرو طلو على أندية التكوين وتسويق اللاعبين لي كاتجيب المواهب من الأكاديميات واش خدات شي كأس ، بنادم كايقارن راسو بنموذج البارصا لي هو استثناء في العالم ، لاماسيا الامكانيات لي عندها را ماعندكش منها حتى 5٪ لا مجال المقارنة و البارصا را غير ماعندهمش الفلوس أما كنتي تشوف إنتدابات كبيرة فين يبان ليك شي راشفورد ، ليفاندوفسكي ، لوبيز ، مع عدم إغفال أن البارصا لم تفز بدوري الأبطال منذ 2015 يعني باش نفعتها أحسن أكاديمية في العالم و الريال جابت عليها 2 دورات في العصبة ؟
مزيان تخدم على التنقيب و السكاوتينغ يقدر يطلع لاعب مزيان من 50 لي غادي يخصو الوقت و لكن باش تدي أهم الألقاب را خاصك الإنتدابات الكبيرة و المدروسة ، الخصوم ديالنا طلعو البارة خاصنا حتى حنا نطلعوها شي حاجة من غير هادشي = سيناريو دورتموند و النادي الافريقي ، كرة القدم الحديثة أصبحت رياضة رأسمالية مشا داك العصر ديال التكوين و الكلاش ديال عندنا 3 عصبات مابقاش خدام سولو راسكم علاش أياكس لي عندها 4 العصبات و مدرسة واعرة غبرت من الساحة...
|
|
|
|
وجهت جبهة البوليساريو الانفصالية رسالة مستعجلة إلى رئيس مجلس الأمن الدولي، السفير الروسي فاسيلي نيبينزيا، عبّرت فيها عن اعتراضها الصريح على مشروع القرار الأمريكي المتعلق ببعثة الأمم المتحدة في الصحراء المغربية (المينورسو)، معتبرة أنه “يعكس انحرافا خطيرا” و”ينحاز بشكل واضح للموقف المغربي”، وفق تعبيرها.
مزيانة تجي من عندهم ، ماشي من عند المغرب
مشكل الصحراء بالنسبة للجزائر ، بحال مشكل أوكرانيا بالنسبة للأوروبيين و روسيا ميمكنش للأوروبيين بعد الدعم و الفلوس لي صرفوها على أوكرانيا تجي روسيا تفرض شروطها وا نفس الأمر بالنسبة للجزائر خسرات زبالة فلوس على بوليساريو و تجي المغرب تفرض شروطها
|
|
|
|
أمين ، نعم للانتدابات و التعاقدات و لكن خص تكون بطريقة عقلانية حيت بغينا و لا كرهنا ميزانية الفريق تتبقى محدودة مقارنة بـ بركان مثلاً
بغيتي ، تبني فريق أول شي خصك مدير رياضي ديال بصح و أربع أجانب فـ المستوى المطلوب
معندكش هادو غادي تبقى غير تتخربق و ضيع فلوسك باطل
|
|
|
|
| إقتباس لمشاركة: | Youssef Lucci | 23:49 - 2025/10/24 | أمين ، نعم للانتدابات و التعاقدات و لكن خص تكون بطريقة عقلانية حيت بغينا و لا كرهنا ميزانية الفريق تتبقى محدودة مقارنة بـ بركان مثلاً
بغيتي ، تبني فريق أول شي خصك مدير رياضي ديال بصح و أربع أجانب فـ المستوى المطلوب
معندكش هادو غادي تبقى غير تتخربق و ضيع فلوسك باطل |
|
ها واحد المثال ديال أجنبي طوب
سيزار أراوخو لاعب وسط دفاعي ديال الأوروغواي كيلعب فالدوري الأمريكي وسط دفاعي شرس كايجمع بين الاسترجاع و كسر الخطوط بالتمرير العمودي بالإضافة إلى المساندة الهجومية كيفما كتشوف الصورة عندو أعلى معدل للتمرير العمودي الناجح بالدوري الأمريكي و عندو نسبة نجاح كبير فالفوز بالنزالات
لاعب غادي يسالي ليه العقد فيناير الجاي مع نهاية الدوري فأمريكا الصالير ديالو 500 ألف دولار سنويا مع فريقه الحالي دبا هذا كيفما قلتي ا يوسف خاصك مدير رياضي اللي يشوف هاد البروفيلات الناجحة
|
|
|
|
حاليا حراسة المرمى كنظن الحرار عندو مستقبل و عندو هامش كبير للتطور ماكنظنش فيه مشكل حاليا
الدفاع كنظن عندنا لاعبين مزيانين دفاعيا و لكن المنظومة ككل فيها مشاكل بسبب تدني مستوى بانون و أيضا الارهاق ديال بلعمري و بولكسوت
وسط الميدان فيه مشاكل كبيرة لا موزيس لا المكعازي لا الفردوسي من مستوى الرجا بوغرين بعد المشاركة فالشان بحالو بحال بلعمري و بولكسوت مرة فوق و مرة التحت حاليا اللي كاين فوسط الميدان كاين الشرايبي اللي عطى مؤشرات ايجابية
الأجنحة النفاتي مستوى لا بأس به كاين ولد الشيخ اللي مازال حشمان و خاصو يزعم أكثر و كاين الضحاك اللي عطى مؤشرات
الهجوم خافي بوحدو ماكافيش النجاري عمرو ماقنعني
حاليا الفريق خاص يصدر موزيس و ساخو و أبريغو خاص يتباعو و خاص يجيبو أجانب فالمستوى ( وسط دفاعي - مهاجم )
|
|
|
|
العصبة ترفض تأهيل حكيم زياش. و لن يتم تأهيله حتى فتح الانتقالات الشتوية في يناير القادم.
|
|
|
|
يواصل نادي الوداد الرياضي جهوده لتقوية تركيبته البشرية استعدادا للاستحقاقات المقبلة، حيث يعمل مسؤولوه بهدوء خلف الكواليس لإبرام صفقات جديدة، بعد نجاحهم مؤخرا في التعاقد مع الدولي حكيم زياش.
وفي سياق متصل، كشف الصحفي نبيل جليت عبر منصة “إكس” أن نادي الوداد يضع الدولي المغربي سفيان بوفال ضمن قائمة اهتماماته، عقب حسم صفقة زياش، دون أن يُحدد ما إذا كانت الخطوة ستتم خلال فترة الانتقالات الشتوية المقبلة أو مع نهاية الموسم الجاري.
ويرتبط بوفال (32 عاما) مع نادي يونيون سانت جيلواز البلجيكي بعقد يمتد حتى صيف العام المقبل، ما يتيح له التفاوض مع أي نادٍ اعتبارا من يناير المقبل تمهيدا لانتقال مجاني بنهاية الموسم.
|
|
|
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
