|
|
10 ديال تمارة كوايري هو اللي سجل البيلانتي و حط الأسيست ديال الثاني و الثالث
اللاعب صدق هو أكرم الخويدسي جرا عليه العام الفابت المدير اللارياضي سوماكال عطاه وراقيه و مشى فابور لتمارة
كان على الأقل يكون لاعب احتياطي فالرجا و ممكن ياخذ الرسمية مستقبلا
|
|
|
|
من الدورة 24 و الوز خسارة في خسارة وصلت 8 متتالية ..
|
|
|
|
| إقتباس لمشاركة: | Rajaoui wanted | 07:40 - 2026/09/27 | | من الدورة 24 و الوز خسارة في خسارة وصلت 8 متتالية .. |
|
يمكن آخر فوز ليهم هو الديربي و كان غير بالتساطيح
العام اللي فات را حطمو الروكور خسرو 13 ماتش
|
|
|
|
أرقام انتخابات المغرب جد مضحكة فعلاً
الأصالة والمعاصرة لي تصدر النتائج بـ97 مقعد ، حصل على 63 مقعد فـ العالم القروي مقابل 34 مقعدا فـ المدن !!!
التجمع الوطني للأحرار الثاني بـ 66 مقعد ، جاب منها 40 مقعد فـ العالم القروي و 26 مقعد فـ المدن ، حزب الاستقلال الثالث بـ 65 مقعد ، جاب 36 مقعد فـ العالم القروي و 29 فـ المدن
فـ المقابل حزب العدالة والتنمية لي حصل على 54 مقعد ، جاب منها 43 مقعدا فـ المدن " مقابل 11 مقعد فقط ف العالم القروي "
يعني الأمور واضحة ، الدولة عندها الأعيان ديالها ف العالم القروي لي شادين السوق و كل انتخابات تتحطهم فالحزب لي بغات باش توجه الانتخابات لي للجهة لي بغات
|
|
|
|
اخر فوز للوز كونتر أسفي في الدورة 23 من بعد سلسلة الخسارات..
|
|
|
|
الأغلبية كتجي من القرى و البوادي تماك فيد السلطة كما قلتي و حتى البيجيدي في عز شعبيتهم نجحو فقط في المدن لا غير
|
|
|
|
تونس خاسرة في تيرانها مع بوتسوانا هه
موحال يتأهلو تا لكاس افريقيا
الماتش لي قبل تعادلو مع اوغندا وتا سالا الماتش عاد فكرتهم ان نقط المباراة كتحسب في الترتيب واخا اوغندا هي البلد المنظم
|
|
|
|
معهم ليبيا وبوتسوانا واحد لي غادي يتأهل بما ان اوغندا مؤهلة مسبقا
|
|
|
|
توقيت مباريات الغذ كلشي مع 13h و 14h هههه
|
|
|
|
التوانسة تعادلو بصعوبة فجوج ماتشات داخل الميدان ضد أوغندا و بوتسوانا
المنتخب التونسي كيعيش فترات صعبة جدا بداية من الكان اللي كانو فيه ناقصين و دازو بصعوبة من المجموعة ديالهم و تقصاو ضد مالي فالثمن رغم المؤازرة الجماهرية الكبيرة
ناضو سيفطو حاتم الطرابلسي جابو صبري لموشية ناض حيد داك المنتخب كامل و فينما كان شي زماكري تونسي جابو ليهم ها لدرجة جاب ليهم واحد كيلعب فالقسم الثاني الدانماركي و كاين لاعبين اللي كيلعبو فالهواة ديال فرنسا تاهما جابهم النتيجة خروج مذل من المونديال و احتلال المركز الأخير خسائر مدوية اللي ماعمرها وقعات لتونس فالتاريخ و أصبحت ثاني أسوء مشاركة لمنتخب افريقي فتاريخ المونديال بعد مشاركة الزايير 1974 خسارة ضد السويد 5-1 و خسارة ضد اليابان 4-0 مع الرأفة و خسارة ضد هولندا 4-1 (هولندا ضربو 4 فالميطا الأولى و لعبو باقتصاد بقية اللقاء )
فوسط المونديال جابو رونار و سيفطوه من بعد المونديال كانو على الأقل يخليوه يقاد ليهم منتخب و يصبرو عليه واحد العام أو عامين
ناضو جابو بطاش من أكبر البطاشة التوانسة الشعباني ناض حيد داك المنتخب كامل اللي قاد اللموشي و جاب لاعبين أخرين من غير 3 أو 4 العناصر اللي خلاهم من الحرس القديم و حاول يجيب من كل نادي تونسي لاعب هههه و هاهو فطريقة لعدم التأهل لكأس افريقيا القادمة
|
|
|
|
المصريين تاهما يلا ماحيدوش التوأم المهرجين غادي يلقاو صعوبات فالتأهل للكان و حتى يلا تأهلو غادي يتقصاو بكري
التوأم لا خطة لا طكتيك والو غير الشعبوية و التهريج مازال عايشين فداك التهريج اللي كانو كيديرو فاش كانو كيلعبو فالتسعينات و زايدينها منوضينها مع اللاعبين
حسام حسن ناض فالندوة الصحفية سولوه على الشناوي قاليهم الشناوي خلاص انتهى و هو معاه فالمنتخب ناض الشناوي هز صاكو و هو يزيد هههههه
ناض خوه قاليهم فشي تصريح اللي ماعجبوش الحال يتبعو ههههه ناض صلاح هز صاكو و هو يزيد فحالو
و مخريجين واحد الفيديو داك خوه من بعد التعادل مع أنجولا ضار لعند الاحتياط بدا كيعاير فيهم و شي واحد من الاحتياط نوض معاه الصداع و كانو غادي يقلبوها مطايفة
|
|
|
|
الشوالي كعى فاللخر ديال الماتش قاليهم هادو ماهومش نسور قرطاج هادو عصافير قرطاج و هاد الوصف كبير عليهم هههه
|
|
|
|
العصبة خرجو بلاغ ديال منع التنقل ديال الجماهير الزائرة
جميع الماتشات تلعبو فقط بالجمهور المحلي خصوصا ماتش الكوكب ضد الحسنية تلعب ضاير فقط بجمهو الكوكب
الاستثناء كان البارح الجمهور ديال بركان عطاوهم فيراج فتطوان و مديبلاصين عادي من غير الفراقي الأخرى و العجيب حتى واحد ماهضر و لا تكلم
|
|
|
|
و تونس ما شي غير كرويا راه الدولة كلها كلات العصا
فاش تتشوف هاد الدولة بـ كرتها بـ أنديتها بـ إقتصادها بـ سياستها ... تتقول الله يلعن هاد الديموقراطية لي مصدعينا بها
دول العالم الثالت ميصلاح ليها غير الأنظمة الاستبدادية و العسكرية ، أما تداول السلطة تيجرها غير للخراب و الحروب الأهلية
|
|
|
|
القاضية خامجة فتصفيات الكان ههههه المنتخبات الكبيرة كلاو الدق اليوم
بوروندي 2-2 الجزائر بوروندي كانو رابحين ب 2-0
غانا 2-4 غامبيا غانا خسرو فالملعب ديالهم برباعية من غامبيا بعدما كانو رابحين ب 2-0
غينيا بيساو 3-0 نيجيريا غينيا بيساو ضربو نيجيريا بجميع نجومها بثلاثية
الرأس الأخضر 1-2 رواندا الرأس الأخضر اللي وقف الند للند فالمونديال ضد اسبانيا و الأرجنتين اليوم خسرو فالملعب ديالهم أمام رواندا
|
|
|
|
سيناريو مجنون في كأس الخليج مع طارق السكيتيوي
منتخب عمان حتى للدقيقة 65 كان منهزم ب 1-0 أمام الكويت و منتخب العراق منهزم 2-0 أمام السعودية
حتى للدقيقة 65 عمان كانو محتاجين يسجلو 3 الأهداف للتأهل فحالة بقى منتخب العراق خاسر 2-0
المنتخب العماني جاب التعادل و سجل الثاني و سجل الثالث فالدقيقة 90 يعني تساوى مع العراق فكل شيء النقط عدد الأهداف و لكن الامتياز ديال عمان أنهم عندهم 3 البطائق صفراء و العراق عندهم 4 يعني عمان دايزة للنصف باللعب النظيف و لكن اللاعب اللي سجل الهدف الثالث ديال عمان فاش احتفل حيد التوني و خذا بطاقة صفراء و هنا عمان و العراق غادي يتعادلو حتى فعدد البطائق
اللجنة المنظمة قررت تدير قرعة بين المنتخبين و لحسن حظ عمان و خصوصا اللاعب اللي سجل الهدف الثالث و حيد التوني أن عمان تأهلت بالقرعة و إلا كانو يسخطو عليه
|
|
|
|
في حركة غير مفهومة من المكتب المسير للرجاء و بعد بداية البطولة؛ يتم تقديم لائحة اللاعبين لهذا الموسم بواسطة المدرب من خلال فيديو. و ضمت اللائحة :
في مركز حراسة المرمى :
1- مهدي لحرار
12- خالد كبيري العلوي
32- ياسين زوبير
22- سعد عنترة
الدفاع :
13- بدر بانون
2- ماريان هوجا
4- اسماعيل مقدم
5- بوشعيب العراصي
7- محمد بولكسوت
17- ايوب العملود
3- شمس الدين قنيديل
24- امين الخماس
الوسط :
19- عتمان الشرايبي
10- فيليبينيو
23-محمد مكعازي
8- اسحاق الزيداني
6- ايمن برقوق
30- ميكايل اغبيكبورنو
16- انس بنعمر
الهجوم :
77- ادم النفاتي
27- شرارة
21- عادل بلطيب
70- منعم الادريسي
99- ماتياس اويويزي
18- يحيى ايغيز
14- يونس باكيز
45- بلال ولد الشيخ
88- عزالدين لفتح
9- اسماعيل خافي
11- يونس الدحماني
للإشارة باب ساخو لم يفسخ عقده مع نادي الرجاء الرياضي؛ و المبلغ الذي حصل عليه هو المنحة السنوية لتوقيعه.اللاعب غير مقيد في اللائحة و لكنه مازال له عقد مع الفريق و لازال يتدرب رفقة المجموعة.
|
|
|
|
بعد الهزيمة أمام غامبيا؛ منتخب غانا يطلب الغاء وديته أمام المنتخب المغربي و التي كانت مقررة يوم الأحد المقبل؛ بسبب مشاكل داخلية. الغريب ليس هو توقيت أو مبرر إلغاء المبارة. الغريب هو الطريقة التي تم بها إخبار الجامعة الملكية المغربية. حيث اتصل رئيس الإتحاد الغاني لكرة القدم هاتفيا مع مكتب الجامعة الملكية ليخبرهم عبر الهاتف أنه يتعذر عليهم المجيء للمغرب و لعب المبارة الودية التي كانت مقررة يوم الأحد المقبل بطنجة.
|
|
|
|
|
|
|
كي غادي يدير المدرب باش يخدم مع جقلة ديال الكرارس..غا 18 لعال وصعيب تجيريها خارج الملعب فما بالك ب 30
في المركاتو الشتوي خاص ينقزو الحزق ويخليو 18 او 20 واحد
ولو ان هاد الحزق الخاوي كامل صعيب تخرج منهم تشكيلة مقادة
|
|
|
|
| إقتباس لمشاركة: | عبدالله الرجاوي | 21:01 - 2026/09/30 | كي غادي يدير المدرب باش يخدم مع جقلة ديال الكرارس..غا 18 لعال وصعيب تجيريها خارج الملعب فما بالك ب 30
في المركاتو الشتوي خاص ينقزو الحزق ويخليو 18 او 20 واحد
ولو ان هاد الحزق الخاوي كامل صعيب تخرج منهم تشكيلة مقادة |
|
المشكل ا عبد الله هو الزيات فاش جا لقى فريق مدمر يعني خاص واحد 3 سنين ديال البناء على الأقل كان يجيب مدرب أو مدير رياضي بعقلية مغربية اللي عارف خبايا البطولة مزياااان هو اللي يتكلف ليك ببناء الفريق هاد القضية كان دارها بودريقة ف2012 فاش جاب فاخر و لو أنه جاب نجوم البطولة ديك الساعة و لكن وجد فرقة واقفة مني جا من بعدو البنزرتي لقى فريق واجد و عاود دارها ف 2017 بدون نجوم و خلى فرقة مزيانة لغاريدو اللي ربح بها كأس العرش و كانت الأساس ديال لقب الكاف الأول من بعد ف 2018 فتحي جمال كون فريق ممتاز جاب لاعبين اللي ربحو البطولة و الكاف و كأس العرب و لكن من بعد داكشي كيتفرتك ماكاتكونش الاستمرارية و لو أننا ضحكنا عليهم فالأول الطاير و فهمي مع البدراوي كانو جابو لاعبين اللي كانو أساس الدوبلي
هاد المرحلة ديال البناء ماخاصش تكون عندك مشاركة خارجية خاص تكون لاعب على البطولة فقط فالموسم الأول ديالك و ماتسناش منها الألقاب و خاص الاستمرارية عام على عام كتقوي الفريق ديالك
الزيات جا العام الفايت جاب سوماكال كواجهة عمر الفريق بالكرارس موسم رديء جدا ماربح ألقاب مابنى فريق هاد الموسم كيعاود نفس الشيء جاب ماتياس جاب هاد القشلة ديال الكرارس زادهم على ديال داك العام و جاب ليهم مدرب اسباني ماعندو مايبني ليك و فاللخر غادي يعاود نفس الموسم الماضي
|
|
|
|
يا سيدي من هاد الحزاق كامل إلى قدر المدرب يخرج واحد 6 ولا 7 لاعبين فيهم الضو يمكن تبني عليهم تشكيلة محترمة الى قويتها فالميركاتو الشتوي راه المدرب ترفع ليه القبعة
|
|
|
|
تماما امين عوض يستغلو الهدوء لي ولى في النادي واستسلام الجمهور لي مابقاش كيمارس ضغط على الادارة من استغلوه باش يبنيو فريق واقف على الصح في ظرف سنتين تقدر تبني فريق لي يسيطر على لافريك ماشي غا على البطولة
لكن للاسف هوما عايشين في الاحلام والشعبوية كل عام كيضيع غا في التسمسير ماكتربح منو تا 5 لعابة واقفين
|
|
|
|
| إقتباس لمشاركة: | Youssef Lucci | 00:00 - 2026/10/01 | | يا سيدي من هاد الحزاق كامل إلى قدر المدرب يخرج واحد 6 ولا 7 لاعبين فيهم الضو يمكن تبني عليهم تشكيلة محترمة الى قويتها فالميركاتو الشتوي راه المدرب ترفع ليه القبعة |
|
التوجه ديال الادارة ماشي هو بناء فريق قوي التوجه ديالهم هو يقلبو على الهوتات و اللي بين و دار مستوى مزيان يبيعوه يربحو فيه ماديا
زيدك هادي أنه من أهداف الفريق مع المدرب هو يطلع أكبر عدد من لاعبي الأمل للفريق الأول و يعتامد عليهم بتنسيق مع المدير الرياضي و دارو معاه فالموسم الأول يطلع 5 اللاعبين من الأمل و يدمجهم مع الفريق الاول
هاد السياسة ماشي ديال البناء و ماشي ديال الألقاب هاد السياسة ديال الأندية اللي كتبيع و تشري بحال أندية البرتغال فأوروبا بورتو و بنفيكا و واحد الوقت بحال أجاكس و دورتموند كيوجدو لاعبين و كيبيعوهم هذا هو هدف الشركة الرياضية الربح المادي من بيع اللاعبين و من حلب الفلوس من عند الجمهور
|
|
|
|
أعلن الاتحاد العربي لكرة القدم عن عودة بطولة **دوري أبطال العرب للأندية**، والمقرر إقامتها في مصر خلال شهر أغسطس/غشت المقبل، على ملاعب: استاد القاهرة، برج العرب، الكلية الحربية، والسلام.
تُحافظ البطولة على نظام نسختها السابقة بمشاركة **16 نادياً** موزعين كالآتي:
* **المتأهلون مباشرة (11 نادياً):** حامل اللقب نادي النصر السعودي، إلى جانب أبطال دوريات كل من: مصر، السعودية، الإمارات، قطر، تونس، الجزائر، المغرب، ليبيا، الأردن، والعراق.
* **الأندية المتأهلة عبر التصفيات (5 أندية):** تُحسم عبر مواجهات إقصائية بنظام الذهاب والإياب بين أبطال دوريات: سوريا، اليمن، البحرين، عُمان، الكويت، لبنان، موريتانيا، الصومال، جيبوتي، وفلسطين.
**الجوائز المالية:**
* **البطل:** 10 ملايين دولار
* **الوصيف:** 7 ملايين دولار
* **المركز الثالث:** 4 ملايين دولار
* **المركز الرابع:** 2.5 مليون دولار
* **المتأهلون لربع النهائي:** مليون دولار لكل نادٍ
* **المغادرون من دور المجموعات:** 600 ألف دولار نظير المشاركة
|
|
|
|
الشركة الرياضية للرجا و معها الزيات اللي ملهوفين على الفلوس و هاملين الجانب الرياضي هاهو الفوز بالدوري العام الجاي غادي يعطيك مليار سنتيم بالنسبة للبطل
زيد عليها ضمان المشاركة فالعصبة فالموسم اللي من بعدو و كأس العرب هادي يلا عندك فرقة مزيانة و دخلتي تقاتلتي عليها و ربحتيها عندك 10 المليار سنتيم
فالنسخة اللي فاتت ديال 2023 را غير بالوردي و بحركاس و الكراكيز الفريق تصدر المجموعة ديالو و وصل للربع ضد النصر السعودي اللي كان مدجج بالنجوم ديك الساعة رونالدو داك البرازيلي 10 داك السمر و زيد و زيد
|
|
|
|
لاعب وداد تمارة منين سجل دار حركة باليد تلميح ذبحناكم و عطاوه عقوبة توقيف جوج مباريات و غرمة 10 المليون
|
|
|
|
| إقتباس لمشاركة: | Rajaoui wanted | 09:30 - 2026/10/02 | | لاعب وداد تمارة منين سجل دار حركة باليد تلميح ذبحناكم و عطاوه عقوبة توقيف جوج مباريات و غرمة 10 المليون |
|
بالرغم أن الوز مادارو ضد حتى شكاية ههههههه
و لكن اللي زاد اللغط على هاد الحكم اللي طبقو عليه هو أن بركان كانو ناويين يجيبوه فاش لعب ضدهم فدوري التيمومي و رفض
سبحان الله أي مشكل أو لغط واقع فالبطولة كتلقى من موراه بركان داك النهار العصبة خرجات بلاغ ممنوع التنقل جميع الفراقي لعبو بالجمهور المحلي فقط حتى واحد ماتنقل من غير بركان اللي تنقلو و خصوو ليهم فيراج كامل فتطوان
دبا هاد الدري ديال تمارة كان رفض ينتقل لبركان فاش سجل و دار ديك الحركة وقفوه جوج مباريات و غرامة ديال 10 مليون هههه
|
|
|
|
حضور 6 أشخاص فقط في افتتاح مبارة الفتح الرياضي و أمل تزنيت و حسب بعض الصحفيين 6 أشخاص من عشاق أمل تزنيت و يقطنون في الرباط حضرو لمشاهدة اللقاء
|
|
|
|
جمهور الرجاء يستحق أحسن مسؤولين في إفريقيا ، لاحو التيكيات كلشي تباع ، بطائق الإشتراك كلشي تباع ، التونيات الزحام عليهم ....
و فاللخر أتلقا عندك فرقة مفيهاش 9 و كاسور ، أي مسؤول خاصو يحشم على عراضو منين كيشوف فلوس داخلة من غاع البلايص و هو عاجز عن بناء فريق قوي
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
