|
|
العملود مكان قنديل
فيليلينيو مكان ولد الشيخ
|
|
|
|
بنطيب كدلك دكاكة من دكاكات هواة المهجر
|
|
|
|
عوض يلونسيو ايغيز يطور راسو غادي نضيعو ثاني موسم كامل مع مهاجمين غادي يسجل 4 اهداف للواحد
|
|
|
|
|
|
|
خافي مكان الشرايبي و برقوق مكان باكيز
|
|
|
|
الشوط الثاني كامل للزمامرة استحواذ و فرص واكلين الكرارس بالطول و العرض
|
|
|
|
كما كان متوقع امتداد للعهر الكروي ديال الموسم الماضي
|
|
|
|
|
|
|
دبا خافي كنتي حاطو فلائحة الانتقالات و مالعب حتى ماتش ودي و اليوم مدخلو ؟
علاش مايعطيش فرصة لداك الولد ايغيز
|
|
|
|
خاصنا رئيس رجاوي
الله يطلق سراح بودريقة
|
|
|
|
و لو أن منظومة الوسط فاااشلة
نفس الشيء بالنسبة لخط الهجوم
|
|
|
|
زيرو تسديدة في الشوط الثاني
|
|
|
|
هادي غير الزمامرة و فدونور
|
|
|
|
الشوط الثاني 10 التسديدات للزمامرة 5 مؤطرة و 5 الركنيات
الرجا 3 التسديدات و جوج ركنيات
|
|
|
|
بالنظر إلى تشكيلة الفريق الموسم الماضي و نوعية التعاقدات هاد الصيف منتسناوش شي معجزة
لي نتمناو هو من هاد الكرارس لي جاو هاد الصيف يصدقو منهم واحد 3 ولا 4 لاعبين لي تقد تعول عليهم من بعد
|
|
|
|
تخيل هاد الكرارس لاعبين ضد الأهلي
|
|
|
|
الصراحة الزمامرة كانو على الأقل يخرجو بتعادل
|
|
|
|
|
|
|
الجواب يبان من عنوانه كما يقول الاخوة المصريين
لا يمكن ان تبني فريقا بهواة المهجر وحراقي افريقيا
الراجا ماعمرها تقلع إلا ادا قدرت تلقى عمود فقري من ابناء النادي بحال فترة بودريقة وفترة الزيات الاولى لي استفد فيها من خلف بودريقة
|
|
|
|
كيفما قال عبدالله بغيتي تبني فريق راه الطريق باينة ، أما سياسة التعاقد 10 لاعبين كل موسم عمرها تبني ليك فريق
بغيتي تبني فريق قوي راه البداية باللاعبين الأجانب ، بلا أجانب فالمستوى صعيب تبني فريق فالمستوى
أما بالنسبة لباقي التعاقدات ف الرهان على أبناء المهجر هو مضيعة للوقت و ضياع للأموال
|
|
|
|
نبداو بخط الدفاع
بانون و هوجا كانو مزيانين الصراحة و واقفين مزيان دفاعيا
بولكسوت مبارة متوسطة بولكسوت من كأس العرب مابقى رجع
قنيديل لا بأس به غير هو فيه قوة التحنقيز و بداك التحنقيز شحال من مرة ضيع الكرة و شي نهار غادي يتخور أصلا الكرة اللي توعت فيها عوض يطلق كرة ساهلة لولد الشيخ اللي كان فوضعية جيدة بيض لاعب الزمامرة و صدق عافط ليه على الشوفية و سيفطو فتغيير
الغاني لا بأس به مزيان فقط الكرة و لكن عندو مشكل فإخراج الكرة و هنا ماغاديش نلومو حيتاش ماعندو فين يخرج الكرة لا أجنحة لا وسط كلشي مخبي
الشرايبي توظيف جديد بوكس تو بوكس نجح فالدور ديالو نسبيا غير هو عندو مشكل فاستلام الكرة شحال من مرة ضاعت ليه كيبقى يتسنى الكرة توصل ليه لرجليه و هاد المشكل كان عندو من داك العام و حتى فالتمرير للأمام عندو مشكل كبير الحسنة الوحيدة اللي عندو أنه كيعرف يتخشى وسط الكاري و يسجل الأداء ديالو متوسط
باكيز السيد مسكت بوغرين أفضل منو ب100 درجة على الأقل بوغرين يقدر يحط ليك شي باص يقدر يقلب السيد مضارب غير مع رجليه كنطرول ماكيعرفش يديرو
الدحماني حمامة ميتة لصقوها تواركة للزيات ب 650 مليون السيد ناشف مسكين الشوط الأول ماقدر يقلب ماقدر يحط باص صحيح والوووو
ولد الشيخ برميل كيجري واحد الوقت عيا ماقدرش يبقى يجري دار السبة بالاصابة و يلا رجعتو شفتو اللقطة قبل مايتوعت را دار اشارة للمدرب باش يغيرو عاد فاش تضرب مورها بشي جوج دقائق فكرة عادية بدا كيتركل و بدا كيقول للمدرب خرجني توعت و خرج عادي من بعد كيتمشى غير هو را عندو الكرش و الهردوزية و تاهو مسكت مسكين
ندوزو لبالطيب ناشف مسكين و لكن ماغاديش نلوموه حيتاش لا الأجنحة ولا 10 اللي يسقيه ماكاينينش كان هو كيخرج يقلب على الكرة راسو فنص التيران و فالأطراف
البدائل
النفاتي كيف دخل كيف مادخلش والو مايجري مايتيري كيبغي يقلب كيديوها ليه و كيبقى واقف كيشوف فالحكم زعما ماصفرتيش ليا
البرازيلي فيه واحد الميزة ديال الترطية و هادي تقدر تنفع الفريق يلا بغى يجيب شي بيلانتي فشي ماتش حصل فيه أما الأدوار ديال جناح اللي خاص يدير ماكيديرهاش
خافي بلا مانديو فاش دخل بحالا الرجا خداو حمرة
العملود فاش دخل اليوم تخربق خط الدفاع و ولاو كيدخلو من جيهتو بزاف اليوم
برقوق الدخول ديالو تاهو بحال النفاتي مابانش نهائيا
المدرب مابانش اللمسة ديالو تقول فادلو هو اللي مازال شاد الفرقة
و لكن عادي جا فادلو و جا من بعدو نابي و دبا هاد الاسباني و مازال نفس العك الكروي عادي حيتاش عندك الكرارس
|
|
|
|
خاص تكون عندك عين تقنية فالفريق اللي تسهر على الانتدابات
|
|
|
|
فترة غلام العمود الفقري للفريق كان فيه اولحاج جريندو السليماني اوحقي متولي النجاري فتاح وتزاد عليهم الصالحي في 2009
في فترة حنات دار اكثر من 14 انتداب ومع دلك بعد فشل هنري ميشيل جا فاخر لي اعتمد بنسبة كييرة في داك الموسم على نفس اللاعبين لي خلا غلام وتزاد عليهم امين الرباطي وبوشعيب لمباركي والصواري لي كان مؤثر شوية من بين الانتدابات
في عهد بودريقة الاول نفس الشيء بزاف ديال الانتدابات ولكن اساس الفريق كان من ابناء النادي وهوما لي كانو اكثر تاثيرا إضافة ل 2 انتداب السوبر لي نفع الفريق بزاف لسنوات قادمة ولي هوما عصام الراقي والزنيتي
في فترة الزيات الاولى نفس الشيء العمود الفقري للفريق كان من ابناء النادي حافيضي بانون رحيمي بنحليب بوطيب لعرجون زريدةياجور ومن بعد تزاد عليهم متولي
|
|
|
|
الفترة الوحيدة لي ماكنش فيها اساس الفريق مكون من ابناء النادي هي فترة بودريقة الثانية والفضل فيها كان لزنباور لي قدر يخرج من الفريق اقصى ما يمكن ولو ان المستوى ديال اللاعبين ماكانش كبير وكانت المجموعة هي قوة الفريق والدليل انه غا مشا زنباور انهار كل شيء رغم ان التركيبة البشرية بقات كيما هي في الموسم الموالي من غير شي 2 او 3 لي كانو مشاو
اما العام لي فات وهاد العام راه كارثة من اصل 22 لعاب يلاه عندك 2 لاعبين ولاد النادي كيفاش بغيتي تكون عندك هوية لعب !
وشنو الفرق بينط وبين تواركة والجديدة واسفي و....
انا الراجا بالنسبة ليا انتهت بعد فينال كاس العرب المشؤوم لي من بعده تم اختلاس اموال النادي وتم تشتيت التركيبة البشرية للفريق ومن تما تمسخ (عام زنباور مجرد قوس تفاح وتغلق فيسع وكان مجرد مصادفة لا غير)
|
|
|
|
بالنسبة للرجاء و غيرها من فرق البطولة الوطنية
راه ميمكنش تبني فريق و تعطي فرصة لشبان الفريق ... و الميركاتو ولا فرصة لتسمسير و الاسترزاق على ظهر الأندية
راه الفلوس الصحيحة ولا تيربحوها الرؤساء و المسييرين و المدربين و الصحفيين ... كولشي تيغمس يعني صعيب تبني فبيئة بحال هادي
و الجامعة لي عندها السلطة توقف هاد المهزلة ممسوقاش للشأن المحلي
|
|
|
|
مجلس انتقالي ومرحلة انتقالية.. معطيات جديدة عن مفاوضات الصحراء في تقرير غوتيريش
~~~~~~
ما بقى فيها حكم ذاتي ، تم التطبيع على شي مكاين و مشكل الصحراء طالما بقى فيد الأمم المتحدة عمرو ميتحل لأن الأمم المتحدة ولا أسوء و أضعف من جامعة الدول العربية و هي إلا معقداتش الموضوع راه مغاديش تحلو
|
|
|
|
المؤجل مع الخيش الأربعاء 14 أكتوبر و الماتش في نيجيريا الأحد 18 أكتوبر
|
|
|
|
| إقتباس لمشاركة: | عبدالله الرجاوي | 13:24 - 2026/10/04 | فترة غلام العمود الفقري للفريق كان فيه اولحاج جريندو السليماني اوحقي متولي النجاري فتاح وتزاد عليهم الصالحي في 2009
في فترة حنات دار اكثر من 14 انتداب ومع دلك بعد فشل هنري ميشيل جا فاخر لي اعتمد بنسبة كييرة في داك الموسم على نفس اللاعبين لي خلا غلام وتزاد عليهم امين الرباطي وبوشعيب لمباركي والصواري لي كان مؤثر شوية من بين الانتدابات
في عهد بودريقة الاول نفس الشيء بزاف ديال الانتدابات ولكن اساس الفريق كان من ابناء النادي وهوما لي كانو اكثر تاثيرا إضافة ل 2 انتداب السوبر لي نفع الفريق بزاف لسنوات قادمة ولي هوما عصام الراقي والزنيتي
في فترة الزيات الاولى نفس الشيء العمود الفقري للفريق كان من ابناء النادي حافيضي بانون رحيمي بنحليب بوطيب لعرجون زريدةياجور ومن بعد تزاد عليهم متولي |
|
مني كتشوف ا عبد الأجانب اللي كانو فهاد الفترات الفترة الاولى 2007 -2009 كان فيها باب سيري ديا + سانغور الفترة الثانية ديال 2011 كان فيها بايلا + كوكو الفترة الثالثة 2013 كان عادل الشاذلي + كوكو + مابيدي الفترة ديال 2020 كان الورفلي + مالانغو + نغوما نزيدو عليها فترة 2024 ديال الدوبلي كانو فيها بنعياد + بوزوق
ديما كتلقى أبناء الفريق زائد أجانب فالمستوى فاش كتلقى هاد الجوج كتلقى الألقاب
|
|
|
|
| إقتباس لمشاركة: | Rajaoui wanted | 19:19 - 2026/10/04 | | المؤجل مع الخيش الأربعاء 14 أكتوبر و الماتش في نيجيريا الأحد 18 أكتوبر |
|
الماص ضد الرجا يوم السبت 10 أكتوبر على الساعة الثامنة بمركب فاس مؤجل الرجا ضد الخيش يوم الأربعاء 14 أكتوبر بالملعب الأولمبي بالرباط على الساعة الثامنة الرجاء ضد كانيمبي يوم الأحد 18 أكتوبر بنيجيريا على الساعة الرابعة و فنفس الأسبوع غادي يكون مؤجل الرجاء فالبطولة ديال الدورة الرابعة ضد الفتح فالرباط غالبا غادي يكون يوم الأربعاء 21 أكتوبر الرجا ضد كانيمبي يوم السبت 25 أكتوبر بمركب محمد الخامس على الساعة الثامنة مساءا الأربعاء أو الثلاثاء 27 أو 28 أكتوبر غادي يكون مؤجل الدورة 5 ضد حسنية أكادير فمركب محمد الخامس نهاية الأسبوع اللي موراه يوم السبت أو الأحد 31 أكتوبر أو 1 نونبر غادي تكون الدورة السادسة ديال البطولة ضد بركان فبركان
شهر أكتوبر غادي يكون مشنشط عند الفريق و ممكن جدا بهاد المستوى ديال البارح المدرب الاسباني يكون هو الضحية و يسيفطوه
|
|
|
|
كيفاش زعما التأجيل حيدوه تا دخل ثاني بركان عاد يبداو يأجلو دورات كاملة باش تادلعب على خاطرها في مصر او تونس
غا العام لي فات شحال من ماتش تأجل ليهم وهاد العام مع الدخلة ملصقين ليك ماتش قبل 3 ايلم من سفرية لنيجيريا..ادارة ماقوية في الكواليس ما قوية في الانتدابات حادكين غا في التسمسير
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
