|
|
هذا هو المشكل الرجا ماخصهاش مهاجم كيتحرك خاصك مهاجم اللي كيسجل من أنصاف الفرص و عندو معدل الفينيش طااالع أما مهاجم متحرك و كيماركي هدف فالعام شنو غادي يستافد منو الفريق ؟ و المشكل الأكبر حتى الأجنحة عند الرجا مكملين تاواحد فيهم ماعندو معدل تهديفي مزيان (بنسبة أقل النفاتي )
فموسم 2024 ديال الدوبلي الفريق كان كيعاني بزاااف فمرحلة الذهاب فالانهاء و كان حل ترقيعي من زينباور فاش دخل الزرهوني كمهاجم و رغم ذلك الفريق بقى كيعاني و فمرحلة الاياب مع موهوب و بنعياد اللي كان عندهم معدل فينيش طالع و مع تواجد بوزوق و الزرهوني و خصوصا بوزوق كجناح هداف أصبح الفريق شكل ثاني و هادشي اللي ناقص الفريق هاد الموسم كان خاص 9 و جناح حتى فموسمي 2020 و 2021 الرجا اللي دات البطولة و الكاف و كأس العرب را حيتاش كان عندك 9 مالانغو و رحيمي جناح
| إقتباس لمشاركة: | Youssef Lucci | 01:48 - 2026/02/23 | | صراحة المهاجم النيجيري مبيهش و تيتحرك مزيان |
|
|
|
|
|
دبا طنجة عندهم حمرة و لاعبين ببلوك طالع و فرقة متواضعة و حاصلين معهم كون ماداك الكورنير كون الماتش تاهو غادي يسالي بالتعادل 0-0 بحال يعقوب المنصور
و كون كانت شي فرقة واقفة شوية أو شي فرقة اللي تساطح و تماركي عليك بحال مكناس غادي تخسر
|
|
|
|
هاد خماس مشلل مسكين هجوميا أما دفاعيا را خااااري
|
|
|
|
مع طنجة و بعشر لاعبين و تبقى واحل هكذا !!!
|
|
|
|
فرعو لينا راسنا بهاد يحيى ايغيز
هاهو هو و الشبكة و ضيعها هادشي بلا مانهضرو على أنه ماكيعرفش يتبلاصا
|
|
|
|
أمين بغيتي مهاجم اللي كيسجل من أنصاف الفرص خصك تجبد اللعاقة الصحيحة
|
|
|
|
| إقتباس لمشاركة: | Youssef Lucci | 02:55 - 2026/02/23 | | أمين بغيتي مهاجم اللي كيسجل من أنصاف الفرص خصك تجبد اللعاقة الصحيحة |
|
خاصك مدير رياضي من المستوى الرفيع و عندو عين تقنية و كيخدم بالداتا ماشي بالتيليفونات مع السماسرية و فنفس الوقت كيفما قلتي ا يوسف خاص تجبد اللعاقة
|
|
|
|
هاد الدري إغيز خاص يتهلاو فيه ويصبرو عليه غادي يصدق حسن من دوك انتدابات 0 درهم
المهاجمين ولاد المدرسة كيصدقو لينا حسن من دوك الرعاع لي كيماركيو 5 لبيوت في العام وكيتقامو عليك ب 300 او 400 مليون
|
|
|
|
تصور مثلا كن بقا رحيمي الصغير وجابو معه بنجديدة قاعنا نحتاجو هاد خافي وماتياس لي تعجنهم يجوج مايخرجو لك مهاجم متوسط
|
|
|
|
| إقتباس لمشاركة: | عبدالله الرجاوي | 03:01 - 2026/02/23 | هاد الدري إغيز خاص يتهلاو فيه ويصبرو عليه غادي يصدق حسن من دوك انتدابات 0 درهم
المهاجمين ولاد المدرسة كيصدقو لينا حسن من دوك الرعاع لي كيماركيو 5 لبيوت في العام وكيتقامو عليك ب 300 او 400 مليون |
|
عندو موهبة و لكن عندو مشكل فالتموضع
|
|
|
|
وكيل بنجديدة فالصيف عرضو على الرجا فالأول و مابغاوهش و مشى عرضو على الوز و مابغاوهش و عرضو على الخيش و مابغاوش و عرضو على الماص و المدرب ديال الماص قاليهم يدير معانا تيست دخل فشي ماتش ودي ضد الزمامرة من بعد الماتش قاليهم يوقع معانا و هاهو هو الهداف ديال البطولة (وقع مع الماص ليبر ب 150 مليون للموسم ل3 المواسم )
| إقتباس لمشاركة: | عبدالله الرجاوي | 03:02 - 2026/02/23 | | تصور مثلا كن بقا رحيمي الصغير وجابو معه بنجديدة قاعنا نحتاجو هاد خافي وماتياس لي تعجنهم يجوج مايخرجو لك مهاجم متوسط |
|
|
|
|
|
يحيى ايغيز كيسحاب ليا عندو شي 20 أو 21 عام, دبا كنشوف السن ديالو 17 سنة ( مواليد 2008)
خاص يتهلاو فيه را باقي صغير و مازال يتطور أكثر خاص اللي يأطرو مزيان و يشتغل معه أكثر
|
|
|
|
امين
باش تعرف الكلاخ ديال المسيرين..بنجديدة اصلا في البداية ديالو مع الراجا كان مزيان وهداف ودابا ملي كبر عاد غادي يزيد يختر مع التجربة ديال الاحتراف
اما انهم مكلخين او انهم سماسرة والصفقة لي مافيهاش الكاميلة ماكيمشيوش ليها
|
|
|
|
عندو فينيش ناضي حسن من الحراك
|
|
|
|
| إقتباس لمشاركة: | عبدالله الرجاوي | 03:16 - 2026/02/23 | امين
باش تعرف الكلاخ ديال المسيرين..بنجديدة اصلا في البداية ديالو مع الراجا كان مزيان وهداف ودابا ملي كبر عاد غادي يزيد يختر مع التجربة ديال الاحتراف
اما انهم مكلخين او انهم سماسرة والصفقة لي مافيهاش الكاميلة ماكيمشيوش ليها |
|
بنجديدة كان الجمهور تسيف ليه فموسم 2022-2023 كان تلفها مزيااان فمرحلة الاياب مع الطاوسي خصوصا فواحد الماتش ضد الجديدة كان ضيع بزاااف ديال الكواري و سالا الماتش بهزيمة الرجا و حقد عليه الجمهور من تما مابقاش كيتكونفوكا من أبريل و ديك الساعة كانت نهاية العقد ديالو مع الرجا فنهاية الموسم و وقع عقد مع لييج و الصراحة دوز عام مع لييج فبطولة ديال بلجيكا اللي تاهي بطولة ضعيفة أوروبيا و مادار والو معهم سيفطوه اعارة لشي فرقة فالقسم الثاني ديال بلجيكا و مادار والو معهم العام كامل ماركا 3 الأهداف فقط و مع نهاية الموسم كانت نهاية العقد ديالو هي فاش رجع للبطولة
فاش عرض راسو على الرجا و الوز و الخيش عادي مايوقعوش معه و لكن فاش دوز تيست مع الماص را المدرب ديال الماص بانت ليه شي حاجة فيه و دبا كيقدم أداء مزيان حتى فاش كان مع الرجا فالموسم الأول ديالو كان كيبان أنه عندو شي حاجة و خاصو شوية ديال الخدمة و يطور راسو
|
|
|
|
الاخوان متكلمنيش على داك التسلل الخيالي و حرماننا من ضربة جزاء
|
|
|
|
واش بصح إكَيز بالشلحة هو العجل افتونا يااخوة تمازير
|
|
|
|
العجل هو أزݣر و أݣندوز على حسب المناطق كلها شنو كيقولو ليه
|
|
|
|
بنحديدة الميزة لي كانت فيه هي الشبكة ماعندوش مع زواق .. مع ذلك كان ناقص و زݣال بعض المرات
|
|
|
|
الطريقة باش سجل واعرة قلب الحارس بكروشي و حطها باللوپ
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
