|
|
لبرصا كتاكل البطبوط عند بنفيكا
يوسف علاش فليك بدل خط الدفاع ملي رجع اراوخو؟
|
|
|
|
التعادل للبرصا ملا ماتش
الشوالي نسى بيه الخراء الكروي لي شاف في لعربي الزاولي
|
|
|
|
| إقتباس لمشاركة: | عبدالله الرجاوي | 00:30 - 2025/01/22 | لبرصا كتاكل البطبوط عند بنفيكا
يوسف علاش فليك بدل خط الدفاع ملي رجع اراوخو؟
~~~~
حيت اينغو مارتينيز مصاب ، و حيت اراوخو بغا يمشي بحالو الا مبقاش تيلعب حيت اتفق مع اليوفي
دابا الإدارة خصها ترضيه و يلعب حتى يجدد عقده ، ولا غادي يمشي فالصيف فابور حيت غاي يبقى ليه عام واحد على نهاية العقد
|
|
|
|
|
|
ريمونتاد برشلونية 5 ل 4 هه
ولكن تقدر تكون فيها بينالتي بالفار لبنفيكا وتقلب النتيجة
|
|
|
|
آه هكاك
حيت مارتينيز وكوبارسي بان ليا كانو مفاهمين خصوصا في خطة التسلل
دابا مع اراوخو لاح كوبارسي لليسار ولا دايخ
|
|
|
|
صراحة البارسا بهاد الدفاع المتقدم صعيب تمشي بعيد فاوروبا ، حيت فـ ماتشات خروج المغلوب معندكش حارس و دفاع قوي صعيب تمشي بعيد
|
|
|
|
| .
مساخيط غادي يختارو تاني لي عجبهم في القرعة ومن سابع المستحيلات يطيحو مع الترجي
|
|
|
|
البرصا عندها هجوم كاسح ولكن كتعدب بسبب الدفاع الضعيف
|
|
|
|
أعلنت وزارة الصحة ???????? عن تحول مرض الحصبة “بوحمرون” إلى وباء يهدد الصحة العامة بالمغرب، مع تسجيل 120 حالة وفاة
|
|
|
|
لسعد جردة الشابي يقترب من العودة لتدريب نادي الرجاء الرياضي, رغم مطالبة المنخرطين المكتب بعدم القيام بأي انتدابات لا على مستوى اللاعبين و لا الأطر. الا أن العديد من المصادر تشير أن عادل هالا كان على تواصل مع المدرب التونسي منذ اقالة سابينطو, و هذه الأيام شهدت المفاوضات تقدما كبيرا خصوصا بعد اقالة المدرب التونسي من طرف ناديه الكويتي.
*******************
هاهي كملات
|
|
|
|
????تقارير مغربية
بعد اسماء الزيات وحسبان ، اسم جديد من البيت الرجاوي ينوي الترشح لرئاسة الرجاء، الحديث عن أمين مسيوي ابن الوزير السابق المسيوي و الناشط السياسي عن حزب الاتحاد الدستوري✅
التقارير ذاتها تؤكد أن مسيوي لديه خطة لإنقاذ النادي بالعمل على الشركة الرياضية ، و نهج سياسة ريال مدريد في دمج الجمهور والمُحبين في التسيير لضمان سيولة مالية دائمة مقابل إعطائهم نسبة تفوق 15% من أسهم الشركة واعطائهم الحق في التوصيت والتقرير في مصير النادي✅
مسيوي قال أمس مباشرة بعد نهاية الاجتماع أنه لاخوف على الرجاء ودائما الفرق الكبرى ما تُعالج نفسها بنفسها ويستحيل انت تموت✅
|
|
|
|
| إقتباس لمشاركة: | الحاج كريم | 06:04 - 2025/01/22 | ????تقارير مغربية
بعد اسماء الزيات وحسبان ، اسم جديد من البيت الرجاوي ينوي الترشح لرئاسة الرجاء، الحديث عن أمين مسيوي ابن الوزير السابق المسيوي و الناشط السياسي عن حزب الاتحاد الدستوري✅
التقارير ذاتها تؤكد أن مسيوي لديه خطة لإنقاذ النادي بالعمل على الشركة الرياضية ، و نهج سياسة ريال مدريد في دمج الجمهور والمُحبين في التسيير لضمان سيولة مالية دائمة مقابل إعطائهم نسبة تفوق 15% من أسهم الشركة واعطائهم الحق في التوصيت والتقرير في مصير النادي✅
مسيوي قال أمس مباشرة بعد نهاية الاجتماع أنه لاخوف على الرجاء ودائما الفرق الكبرى ما تُعالج نفسها بنفسها ويستحيل انت تموت✅ |
|
شتي اللي جاي كيقوليك عندي خطة لانقاذ الرجا عرفو غير شلاهبي كيقلب على المصلحة ديالو اللي عندو الفلوس يجي يشد الرجا اللي ماعندوش يمشي يتكمش
و خير دليل البدراوي
|
|
|
|
هو صراحة الجامعة لي خصها تسالي مع أشباه حسبان و هالا ...
بغيتي تشد رئاسة أي نادي حط ضمانات مالية ، باش إلى غرقتي الفريق فنزاعات ، النزاعات تخلص من فلوسك
و لكن طالما أنت حال الباب لصحاب زيرو درهم نفس المشاكل غادي تكرر
|
|
|
|
مكاين لا مشروع و لا والو اصلا اول حاجة خاص يديرو المنخرطين هي تعديل نظام الرئاسة سنتين قابلة للتجديد الله يجعل البركة حيت مستحيل رئيس يكمل 4 سنوات فالرجاء
|
|
|
|
نظام دوري الابطال ولا مزيان 8 ماتشات ضد اندية مختلفة كيخلي الحافز عند الاندية المتوسطة كبير باش دير ماتش الموسم قدام الاندية الكبيرة مبقاش داك الملل فدور المجموعات
|
|
|
|
خاص رئيس يوقف فرقة بعدا عااد يبدا يدوي لينا على التكوين و الهيكلة و داكشي.... هادشي كامل معندو اهمية الا درتي كوارث تقنية و مكنتش عندك فرقة باش تنافس
|
|
|
|
يمكن هدا اسوء فريق للرجاء تفرجت فيه فحياتي اسوء بكثير من رجاء فتحي جمال و حسبان
|
|
|
|
| إقتباس لمشاركة: | sofraj | 23:06 - 2025/01/23 | | يمكن هدا اسوء فريق للرجاء تفرجت فيه فحياتي اسوء بكثير من رجاء فتحي جمال و حسبان |
|
ماتفرجتش و لكن تلاقيت مع أصدقاء قالولي عمرهم شافو الرجا بهاد السوء من قبل
|
|
|
|
تخيل معايا شي واحد يگولك نهار الخميس غانجي عندك تال دربكم وغانسلخك وسط دارك أنا كنعلمك من دبا وفعلا كيجي وكيعصيك حيت عرفك ضعيف و حگر عليك وكان قد كلمتو !
شفتو هاد الشوهة لي وصلات ليها الرجا .. ولي كيزيد يصطيني هو الجمهور كيشوف فهاد المهازل وكيدخل يعمر التيران ويشجع فكرارص و تسيير هاوي غادي بالفرقة للدمار !
هاد السكوت ما تفهمش لي بنادم كيشوف فالشمل كيتفرتك و ساكت عادي وكتحس بتواطئ بحلا ما بقاوش الغيورين على هاد النادي عيب وعار هادشي لي وصلات ليه الرجا لعفو ..
|
|
|
|
فادلو مساعد زينباور السنة الماضية يتابع مباراة الرجاء الرياضي ضد إتحاد طنجة من المدرجات مغيفهم والو !!!!
|
|
|
|
احصائيات مبارة اليوم بين الرجاء و اتحاد طنجة :
الاستحواذ 74% لاتحاد طنجة مقابل 26% للرجاء
التسديدات المؤطرة 12 لاتحاد طنجة مقابل 4 للرجاء
|
|
|
|
الرجاء باختصار ولات مستنقع ، المنخرطين + الالترات + الصحفيين + السماسرية + صحاب صفحات الفيسبوك ...
كلشي تيسمسر و تيغمس فيه و من مصلاحتو يبقى الوضع كيفما هو ، و الدليل هو رد المنخرطين على احتمال ترشح بلقشور !!!
هما مبغاوش يجي واحد من برا يشد الرجاء ، حيت الى جا X أو Y من برا و شد الرجاء و ضارت معاه كورة غادي يدير مادار الناصيري و ايت منا للمنخرطين فالوداد
|
|
|
|
???????? وضعية لاعبي نادي الرجاء مع النادي :
● زرهوني خدا 100 مليون حيت خالو هو الفا ،،شل من بعد ما تسلمها طلب فسخ العقد باش يمشي رباط ودفع شهادة طبية فيها 21 يوم باش ميبقاش يتريني مع العلم أنه ما كانش كيحضر الحصص التدريبية ولا يبرر الغياب ولا يستدعى للمجلس التأديبي ... وباقي ليومنا هذا ضاغط على خالو باش يفسخ معه ✅️.
● محمد ازريدة " ولدها " تحايل على النادي بأنه مصاب وهو عكس ذلك باغي فلوسو ودار راسو مصاب ✅️.
● بولكسوت هو أيضا تظاهر بالإصابة وهو غير مصاب ويتوفر على عرض من الوداد وبركان أقولها وأتحمل المسؤولية ✅️.
● بلعامري يريد تغيير الأجواء مابقاش قادر على الضغط ديال الجمهور و على الجو الغير الإحترافي والهاوي داخل النادي ... كما أنه يتوفر على عروض لا توازي طموحات النادي ✅️.
● خفيفي يريد فسخ عقده والتنازل على مستحقاته من أجل التوقيع مع الفتح السعودي ✅️.
● سوسي ، بالدي ، رحيمي ، بيكورو واللائحة طويلة .... دعوة عندهم مرتاحة ????♂️✅️
|
|
|
|
هاد العام الفريق مهدد بـ لعب لقاء السد " البراج " و المنخرطين باقيين مضاربين على groupe الواتس اب !!!
ها الحكماء مشاو ، ها بودريقة مشا ، ها هالا غادي وافين الحل ؟ الفريق ولا عامر غير بأشباه حسبان و محفوظ
|
|
|
|
تشويه تاريخي لإسم نادي مرجعي و كبير يدعى الرجاء الرياضي.
لا يمكن أن تنهي هذا العبث بالإستقالة و إراحة المسؤولين عن هذا الج.رم الكروي.
ما يهم و الضروري هو محاسبة المسؤولين عن هذا العفن الكروي الذي أساء و لازال يسيء الى إسم الرجاء الرياضي، المحاسبة و الذهاب بعيدا في ذلك، من أهم الأشياء التي يمكن تحقيقها هذا الموسم.
حفيظ عبد الصادق غير قادر على فرض الإنضباط داخل المجموعة و لا يستحق التواجد في الطاقم التقني، و إستمراره ما هو إلا إستمرار للتقزيم الذي يتقنه عادل هالا و من معه في مكتبه المديري.
مكتب الرجاء يتحملون المسؤولية التاريخية الكاملة، و الرحيل لم يبقى المطلب الأساسي بكثرة ما يهم هو المحاسبة الدقيقة.
تكلمت عن ذلك سابقا، لا يمكن إكمال الموسم بهذه المجموعة الفقيرة تقنيا و فكريا، برلمان الرجاء و منخرطيه عوض الإجتماعات المتتالية الغير مجدية، كان عليكم مطالبة من يتحمل المسؤولية برفع المنع و القيام بالإنتذابات، عوض إراحته هو و من معه، بإستقالة دون محاسبة تاريخية ✅️
|
|
|
|
يلا ماتدخلوش الناس الغيورين وجابو شي مدرب يقدر يجمع واحد 10 نقط من هادشي لي باقي غادي نوليو في الضحك الباسل
أما داك شبه الرئيس الحسنة الوحيدة لي غادي يخلي هي انه انهى اسطورة ددر والسلطة الإفتراضية لي كانت عندهم على الفرقة
|
|
|
|
لحد الآن ماقادرش نستوعب كيفاش الراجا وصلت لهاد الحالة ولمستوى انه يدربها نكرة بحال عبدالصادق!
كنت كنتخايل الطاوسي اسوء ماوصلنا ليه من المدربين ماعمرني كنت كنتخيل يدربها واحد ماعمرو درب تا في دوزيام سيري !
ولكن مع داك الجمهور لي دخل نهار لخميس وبقى كيسب في متولي راه هاد لفرقة والله تا تستاهل تبهدل وتوصل تلعب براج من اجل البقاء
|
|
|
|
ماسبو هالا ماسبو اللعابة ماسبو بيكورو ماسبو عبدالصادق
بان ليهم غا متولي لي لاعب مع فريق آخر ولي يعتبر احسن لاعب داز في الراجا في 20 عام الاخيرة ومن اساطير النادي ولي ساهم بنسبة كبيرة في كل الالقاب لي دات الراجا في السنوات الاخيرة من 2009 تال 2020 وتباع 2 مرات دخلت منو الراجا اكتر من 3 مليار
|
|
|
|
بغينا ولا كرهنا مدرب وحيد ليقدر يجمع الفرقة و يرقع الجرة هو محمد فاخر ، وخا تجيب غوارديولا معندو باش يفيدك دبا
خص مدرب محلي عارف البير و غطاه ، و لي يقدر يديباني الفريق حتى لنهاية الموسم و بعدها لكل حادث حديث
|
|
|
|
أما بالنسبة لمشاكل الفريق ، راه الفريق خصو الكراطة
خص رئيس من برا المنظومة لي يسالي مع المنخرطين + الالترات + ددر و الصفحات ، رئيس يعاود يبني الفريق اداريا و فنيا من جديد
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
