البطولة هي دونور نقطة ورجع للسطر كيعياو ماينفخو في فرق المسؤولين ولكن كيبقاو ماتشات دونور هوما لي تقدر تقول عليهم تستحق تفرج فيها وحاجة ثانية يلا بغاو يرجع الاشعاع للدوري خاصهم يردو الاندية الشعبية ويحيدو اندية الاسواق لي ماعندها لا ملاعب لا جمهور اليوم الكوكب مديبلاصي معها شي 5 الاف متفرج تقريبا
الأندية ديال الأسواق الشعبية و الأحياء لقجع بتطبيقو لسياسة الدولة هو اللي كيطلعها رجع و شوف شكون رؤساء هاد الفرق و أشمن أحزاب منتامين ليها و نهار دوك الرؤساء كيقضيو الأغراض و كيمشيو من دوك الأندية كتهبط
برشيد مني مشى منها الرئيس ديالها البيضي المنتمي لحزب الحمامة و نائب برلماني و رئيس جماعة برشيد هبطو من القسم الأول نيشان رجعو للهواة
وادزم كان شادهم نائب برلماني و منتمي لحزب الحمامة و صديق مقرب للقجع تاهوا مشات ليا سميتو را معروف مني سالا مشى من وادزم تاهما من القسم الأول هبطو هبطة وحدة للهواة
الزمامرة مني شدهم بلقشور ف 2016 طلعو من القسم الثاني هواة للقسم الأول هواة و ف 2017 طلعو للقسم الثاني دوزو فيه عامين و طلعو للقسم الأول ف 2019 و فنفس السنة اللي طلعو فيها بلقشور أصبح نائب لقجع فالجامعة و مني مشى الناصيري من العصبة عطاوها ليه ف 2023
السوالم كان شادهم رشدي المنتمي لحزب الحمامة تاهو طلع معاهم و مشى للبرلمان و من بعد مشى داك العام شدها واحد الشاب هبطو للقسم الثاني
الدشيرة شادهم محمد منصور نائب برلماني و نائب رئيس جماعة أكادير أخنوش شدهم طلعو للقسم الأول
يعقوب المنصور شدهم الوزير السعدي و المنتمي لحزب الحمامة و الصديق الجد مقرب من لقجع طلعو من القسم الشرفي الثاني للقسم الشرفي الأول للقسم الثاني هواة للقسم الأول هواة طلعو للقسم الأول كل عام كيطلعو ماعمرها طرات فالتاريخ فظرف 4 سنوات طلعو من بطولات الأحياء للقسم الأول
تواركة كان شادها الرئيس ديالهم هو اللي توفى تاهو كان فحزب الحمامة و رئيس جماعة عين عودة فالرباط و لكن تواركة كاينين ناس فالقصر هوما اللي طلعوها و دارو فيها داك المشروع ديال بيع الدراري ديال الاكاديمية اللي كيدوزو منها
هاد الأندية كلها فرق أسواق أسبوعية أو أحياء صغيرة ماعندهاش جمهور داكشي علاش البطولة ماتت
البطولة نهار يبعدو عليها السياسين غاترجع كيما كانت
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
