| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
| إقتباس لمشاركة: | Rajaoui wanted | 17:06 - 2025/08/17 | | مكاين لا تقرير سلبي ولا إيجابي مجرد إشاعة مانعرف منين كيجيبو هاد الأخبار واش عايشين معهم ولا عندهم طاقية الإخفاء ههه |
|
لا نار بدون دخان الزيات و ادارة الفريق ماحملينش يخدمو مع الشابي و كيقلبو كيفاش يسيفطوه و فالدو أكد أنه تلقى عرض من الرجا
|
|
|
|
السكيتيوي أصلا مامدرب ماوالو كيبقى مجرد بطاش
العام اللي فات كون كان مدرب آخر مزيان مع المنتخب الأولمبي كان ممكن يوصل للنهائي ضد اسبانيا و كان ممكن يتوج هو داخل مخلوع من الاسبان و جاتو هدية واعرة ماركاو على اسبانيا و سالا الشوط الأول متقدم عليهم الشوط الثاني داخل راجع كولشي اللور بقاو متكيين عليه حتى ماركاو جوج بيوت
و من قبل مع بركان كان عندو فرقة وعر من هادي و مع ذلك ماقدرش يجيب البطولة كون ربح الرجا هنا فدونور كان ممكن يديها و كان رابح و فاللخر رجع اللور و خوروه
نفس الشيء مع الماص داك العام وفرو ليه كولشي و خربها عليهم
التجربة الوحيدة اللي عندو خارج المغرب كانت فالامارات مع الامارات الاماراتي بدا معاهم الموسم ب 6 الماتشات 6 الهزائم مع العلم العام اللي قبل كانو وصيف الدوري الاماراتي
البطولة فعلا ناشفة و لكن كاينين لاعبين ماداهمش مزيانين و كاينين اللي مزيانين مادخلهومش و من فوق هادشي را المنتخبات الأخرى لاعبين غير بالمحليين ديالهم را غير المطنطن على خوه
|
|
|
|
| إقتباس لمشاركة: | sofraj | 17:45 - 2025/08/17 | | غياب الوادني و العراسي عن ربع النهائي امام البلد المنظم تانزانيا وذلك بسبب تراكم الانذارات و غياب عسال بسبب الإصابة |
|
بقى ليه لمشخشخ و داك أنس باش ديال الخيش وخا هو وسط دفاعي ولكن سبق ليه لعب فاللاكس
الصراحة ماكرهتش تعطيهم تنزانيا شي 4 و يهنيونا من هاد التهلال الخاوي
|
|
|
|
| إقتباس لمشاركة: | Rajaoui wanted | 22:02 - 2025/08/17 | | مع أني غير مصدق الإشاعة ولكن كما قلتي إلى سيفطوه يوقع كما وقع مع محفوظ فاش سيفطوه جابو البلجيكي وخربها علينا |
|
الشابي غادي يبدى البطولة و لكن المكتب ماحملينوش و كيقلبو ليه على أي سبة باش يسيفطوه و كيفما قال يوسف ماغاديش يفوتو ليه 5 الماتشات و يسيفطوه
|
|
|
|
| إقتباس لمشاركة: | Rajaoui wanted | 22:06 - 2025/08/17 | | أمين هير قول ليا كيفاش صاحب المقال عرف مضمون التقرير وطالع عليه وكيفاش عرف تفاوضو مع زينباور و اعتذر و مع ڤالدو راه هادشي كيفوق الخيال مع أنه بدا العمل قبل أسبوعين على الأكثر .. |
|
ضروري مايزيدو فيخرات حتى أنا ماتيقتش خرافة المفاوضات مع زينباور اللي سمعت أن فالدو قال أنه عندو عرض تدريب من الرجا و شي من منتخب افريقي و مازال ماحددش فين غادي يمشي و مع الغاء المبارة الودية ضد أسفي و الغاء معسكر الجديدة الأكيد كاينة شي حاجة تما غالبا المكتب حاط من الأول مجموعة من المدربين سولهم و خلاهم فالجنب مع أول هفوة للشابي غادي يطلع المدرب الجديد
|
|
|
|
الوز دوك الفلوس اللي خداو من المونديال غادي يمشيو ليهم فالليتيج غير هاد السيمانا 7 الضواسا تحطو ضدهم 2 منهم فالطاس:
- جبران حط ضوسي فالطاس فيه 983 مليون
- العملود حط ضوسي فالطاس فيه 360 مليون
- بوسفيان حط ضوسي عند الجامعة فيه 240 مليون
- حيمود حط ضوسي فالجامعة فيه 90 مليون
- مطيع حط ضوسي فالجامعة فيه 130 مليون
- موفي حط ضوسي فالجامعة فيه 65 مليون
- بنمرزوق حط ضوسي فالجامعة فيه 110 مليون
الكفيل غادي يخربها عليهم مزياااان
|
|
|
|
| إقتباس لمشاركة: | fire anas | 11:13 - 2025/08/18 | اش بان ليكم فالانتذابات ديال هاد العام
المستوى فكل مركز والتشكيلة بصفة عامة |
|
السلام عليكم أنس أهلا كولشي مزيان ؟؟
بالنسبة لميركاتو الرجاء هاد الموسم . كيبان ليا ميركاتو مقبول الى حدا ما ماشي ضعيفاً يعني المكتب ماجابش الكرارس، و فنفس الوقت ماشي بالقوة التي يدّعيها البعض.نبداو بحراسة المرمى :- التعاقد مع العلوي الصراحة كيبان ليا حارس عادي و احصائيات الحرار أحسن منو الموسم الماضي, حارس عادي ممكن يكون حارس ثاني فالرجا ( ممكن أنه ولفنا الزنيتي حارس بمستوى كبير طيلة 10 سنوات )
فالوسط الدفاعي:- عودة بانون مفيدة للفريق, تقنيا بانون مابقاش بانون اللي كنعرفو و لكن شخصية و كاريزما القائد ضرورية للفريق, و بالمستوى الحالي ديالو يسلك راسو مزيان فالبطولة مخيرمع تواجد خفيفي و المشخشخ كان خاص فالصراحة شي مدافع آخر حيتاش عراسي ماكيقنعنيش و اللي تفرج البارح فالمحليين غادي يزيد يتأكد أن السيد بعيد على أنه يكون مدافع ديال الرجا, أخطاء بدائية و ساذجة ملينا منها, السيد 3 سنين و هو فالرجا نفس الأخطاء كيعاود فيها
فالأظهرة:- التعاقد مع الزهواني كبديل و معار لبلعمري جاتني شوية فشكل, الزهواني دري كوايري و غادي يكون عندو مستقبل و لكن التعاقد معه كمعار ماشي هي هاديك كان يا اما يشريو العقد ديالو, يا اما شوف شي ظهير بديل آخر مع التواجد ديال بولكسوت و بلعمري الأظهر ربما الأحسن فالبطولة, مع التحفظ على مستوى بلعمري مؤخرا, باعدي بالنسبة ليا مايليقش يكون لاعب للرجا و كان خاص شي بديل ديال بولكسوت وسط الميدان: أرى أن هناك مركزين أساسيين غير مكتملين: وسط دفاعي بديل قوي لموزيس، لتعويضه عند الغياب أو التغيير، وهو غير متوفر حالياً. صانع ألعاب بخصائص مختلفة عن الموجودين، لاعب عصري يجيد اللعب خلف المهاجم، ويملك تسديدات قوية من خارج المنطقة، عكس بوغرين الذي يتميز بالتمريرات في العمق لكنه لا يسدد كثيراً. التعاقد مع الشرايبي مانقدروش نحكمو عليه وخا عندو أرقام مزيانة و لكن الميدان هو الفيصل, بالنسبة ليا المكعازي علامة استفهام كبيييرة اللاعب عام و هو احتياطي ماكيلعبش, ماقدرش يفرض راسو ففريق ضعيف فالدوري السعودي, و حتى قبل مايمشي للسعودية ماعمرو قنعني في الهجوم لدينا مركزان أساسيان: الجناح والمهاجم. الرجاء تعاقدت مع خافي، لكن ما زال ينقصنا مهاجم آخر بمواصفات مختلفة وقيمة أكبر. شخصياً أفضل مهاجماً سريعاً يجيد المواجهات الفردية (1 ضد 1) في المرتدات، لا يهاب الضغط، ويملك مهارة المراوغة لفتح المساحات، مثل خصائص اللاعب جيوكيريس أو لويس سواريز في أوج عطائه. لا أقصد نفس الأسماء أو الأسعار، بل نفس الخصائص تقريباً. المهم أن يكون المهاجم الجديد مختلفاً تماماً عن خافي، حتى يكون هناك تنوع في أسلوب اللعب. الجناح الأيسر تحديداً ما زال نقطة ضعف، إذ نفتقد جناحاً بمواصفات المهاجم الذي ذكرته، لاعب خطير في المراوغة، قادر على الدخول إلى منطقة الجزاء مثلما كان يفعل رحيمي في وقته. غالباً، للعثور على مثل هذه المواصفات، ستحتاج لاعباً أجنبياً. و التعاقد مع بلال ولد الشيخ يلا شفنا الأرقام ديالو مفيد للفريق, و لكن دائما الميدان هو الفيصل, نفس الشيء بالنسبة للضحاك الخلاصة: ميركاتو مقبول جدا بالنسبة للمنافسة على البطولة و كأس العرش, ممكن بهاد السكواد الفريق ينافس و لكن ضروري تعزيز الاحتياط خصوصا فالميركاتو الشتوي ( مدافع بديل مايمكنش تعول على المشخشخ و العراصي كبدلاء خصوصا العراصي) - بديل لبولكسوت - بديل لموزيس
على العموم أحسن من كرارس الموسم الماضي اللي جبنا بهم المركز الخامس و كان ممكن نجيبو بيهم المركز الثالث
|
|
|
|
????⚖️ الرجاء يفك 36 نزاع بمبلغ 3 مليار سنتيم في ظرف أسبوع واحد ، كأسرع عملية رفع منع في تاريخ المغرب ⚖️
#النزاعات_في_الفيفا (600 مليون سنتيم)
مهدي بوكاسي
روسمير سفيكو
المساعد ترينشوفسكي يوغوسلاف
المساعد مارك شيفاز
هيرفي غاي
وكيل ريكاردو سابينتو
ثلاث ملفات اخرى
#النزاعات_الوطنية (2 مليار و 400 مليون)
مروان الهدهودي
مروان فخر 1
مروان فخر 2
محمد مورابيط
هيثم البهجة
المعد البدني مجدي الصافي
المستشار التقني هلال الطير
المؤطر عادل فِراس
مهدي موباريك
يوسف الرياني (تسمسيرة صغيرة)
فهد منصف (تسمسيرة كبيرة)
لاعب الأمل أدهم الخلفي
لاعب الأمل يوسف اوجدال و وكيله مهدي انيس
الوكيل جوليان بول
الوكيل محمد عزيز
الوكيل عزيز الشفاعي 1
الوكيل عزيز الشافعي 2
محمد الحرفي
الفتح الرباطي
|
|
|
|
ينتظر الرجاء الرياضي وصول مهاجم أجنبي للدار البيضاء من أجل امضاء عقده, و الالتحاق بالفريق. كما أن الفريق يسابق الزمن للتعاقد مع صانع ألعاب أجنبي, خصوصا أن الميركاتو سينتهي بعد خمسة أيام, و في حالة تعذر التوقيع مع صانع الألعاب سيتم صرف النظر عن الصفقة.
|
|
|
|
كاينة أخبار أن المهاجم هو فيلي طراوري و غادي يجي بنظام الاعارة من السويحلي الليبي مع أحقية الشراء.
المفاوضات مع الفريق الليبي كانت صعبة الفريق الليبي كان طلب 2 المليار فاللاعب كنظن أنه يلا كانت الهضرة صحيحة و ماشي اشاعة فراه تخربيقة
فيلي طراوري كان مزيان قبل عامين أو 3 و هاد العام مع السويحلي مادار والو و غادي يجي بنظام الاعارة بحالو بحال الزهواني بحال الضحاك مايمنكش تبني فريق بلاعبين معارين.
|
|
|
|
فيصل فجر اقترح راسو على الرجا و لكن تم الرفض, و غادي يغير الوجهة نحو الماص أو الكوكب
|
|
|
|
صحيفة سبورت توداي الجنوب إفريقية : صانداونز قام ببيع ما تبقى من عقد اللاعب لورش (33 سنة) ب 600 ألف دولار, بالإضافة ل 100 ألف دولار في حالة تتويج الفريق بأحد البطولات الموسم القادم ( الدوري-الكأس - الكاف). وسيحصل اللاعب على حوالي 500 ألف دولار للموسم الواحد.
******************************************
الكفيل غادي يخرج عليهم جاب ليهم لورش تقريبا بشي مليار, المشكل أشنو دار هاد لورش فالعام الفايت معاهم سجل 3 الأهداف و ساهم ف6 الأهداف
|
|
|
|
الرجاء الرياضي في مفاوضات مع برحمة و فيصل فجر, سيتم انتداب أحدهما و ربما الاثنين معا في حال سارت المفاوضات في الاتجاه الصحيح.
|
|
|
|
زعما يلا جابو هاد الجوج زائد فيلي طراوري غادي يكون ميركاتو مخير
|
|
|
|
| إقتباس لمشاركة: | Rajaoui wanted | 00:19 - 2025/08/21 | | فجر زعما فيه شي فايدة كيبان لي ناقص بزاف |
|
فيصل فجر جاي من دوري تنافسي لي هو السعودي بإحصائيات ممتازة في الصناعة ( مع استمرارية في أخر 3 مواسم ) و داير مباريات قوية ضد خصوم من قيمة الهلال و النصر. أكثر جانب غادي ينفعنا فيه فيصل هو التقدم بالكرة من الوسط إلى التلث الأخير عندو معدلات ممتازة في الصناعة كاتبين أنه لاعب لي كايصنع الخطورة و كايقلب يهرس الخطوط بحال مؤشر التمريرات إلى ا لثلث الهجومي (Passes into third – xT)و التي تقيس مدى فعاليته في إيصال الخطورة بالكرة من وسط الملعب إلى (الثلث الأخير) هادشي بالإضافة إلى معدل التمريرات المفتاحية لي عندو 2.1 لكل 90 دقيقة. بالاضافة عندو ميزة أخرى هي الضربات الثابتة لا فالتسديد لا فالتمرير فجر را مازال يعطيك في البطولة و العصبة واحد العامين أو 3 قبل الاعتزال حيت إيقاع هاد المسابقات را ماشي هو إيقاع الدوري الانجليزي و اصلا كبديل ذهبي لبوغرين را كايبقى خيار مزيان رغم عامل السن
|
|
|
|
برحمة داك العام فالكويت لعب كمدافع و ماشي كاسور
|
|
|
|
عودة اسماعيل مقدم للرجاء، التوقيع سيكون هذا اليوم
|
|
|
|
ادارة الرجاء صرفت النظر عن التوقيع لفيصل فجر، و ذلك بعد اتفاقها مع صانع ألعاب آخر.
ملف المهاجم بعد فشل التعاقد مه فيلي طراوري، تم التوجه لمهاجم آخر. و في حالة عدم التعاقد معه خلال اليومين القادمين، ادارة الفريق ستتوجه للمهاجم الثالث و الذي يتواجد بالدارالبيضاء منذ مدة.
|
|
|
|
بوشعيب عراصي قد يكون في صفقة تبادلية مع اتحاد تواركة مع فؤاد الزهواني.
|
|
|
|
برحمة تفاهم مع الرجا. الرجا شرطات عليه يفسخ العقد مع القادسية و يجي. القادسية قالو ليه بغيتي نفسخو العقد خلص لينا المنحة السنوية ديالك ديال العام الجاي و هو اللي بقى فالعقد 700 ألف دولار. و هادشي اللي رفض برحمة.
برحمة عندو مشاكل مع نبيل معلول المدرب التونسي منذ نهاية الدوري، و ماكانش مكونفوكي فمعسكري تركيا و المجر. و هو خارج حسابات المدرب.
|
|
|
|
الرجا قدمو عرض قوي لعادل تاعرابت بعدما فسخ العقد ديالو، تاعرابت طلب مهلة للتفكير ( داخل فمفاوضات مع فريق قطري و فحالة فشل المفاوضات عاد يجي للرجا) هادشي اللي خلا الرجا تسد باب المفاوضات معه
|
|
|
|
مبارة اليوم الودية بين الرجاء و اتحاد يعقوب المنصور عرفت أداء جد باهث من النسور, المبارة عرفت 0 محاولة من جانب الرجاء, و عرفت استحواذ و سيطرة الفريق المضيف الذي كان الأفضل طيلة المبارة.
خلاصة اللقاء أن بانون مازال جد بعيد عن مستواه, أحسن ماقامت به الادارة هو انتداب مقدم, مكعازي هو الآخر جد بعيد عن مستواه. أفضل ما في المقابلة هو موزيس و الشرايبي.
|
|
|
|
- بعد فشل المفاوضات مع مجموعة من المهاجمين, آخرهم المالي فيلي طراوري, قرر النادي إغلاق ملف المهاجم وسيكتفي بخافي كأساسي ابريغو والنجاري يتنافسان عن المهاجم الثاني إلى حين الميركاتو الشتوي.
- غدا قد يعرف الصفقة الأخيرة للفريق, و يتعلق الأمر بالمهدي برحمة, الذي لديه جلسة مع ناديه لفسخ العقد, اذا سارت الأمور في الاتجاه الصحيح, سيوقع مساء الغد. ليكون الصفقة الأخيرة للفريق الأخضر في هذا الميركاتو
|
|
|
|
| إقتباس لمشاركة: | عبدالله الرجاوي | 11:13 - 2025/08/27 | مركاتو متوسط لا اقل ولا اكتر
الخط لي متكامل هو الدفاع اما باقي الخطوط فيهم نقص ومقامرة
وسط الميدان ماعرفناهش كيف غادي يكون وكلشي متوقف على مستوى اللاعب الافريقي واللاعب لي جا من اوروبا
الاجنحة ماتزاد فيهم والو ومازالو محل شك
خط الهجوم بدلنا رحيمي بخافي يعني ماتزادش الجودة وممكن قاع يكون رحيمي حسن منو
بقاء ابريكو ونجاري وساكو دليل على فشل الادارة في التخلص من هاد العاهات الكروية |
|
هنا الدور ديال المدرب هاد الميركاتو كيفكرني بزاف فميركاتو صيف 2023 فاش جا بودريقة حتى ديك الساعة كان المشكل فرأس الحربة كان جاب العراقي و مشى من بعد 3 الماتشات و بقينا معولين على موهوب اللي توعت فالدورة 4 فأول ماتش لعبو كأساسي ضد الماص و مارجع حتى الروتور زينباور كان حط الزرهوني كرأس حربة و قضى به الغرض و فاش رجع موهوب فالبداية كان كيزكل بزاف حتى حقد عليه الجمهور خصوصا فماتش الخيش فالقنيطرة زكل جوج انفرادات ساهلين ضيعو على الرجا الصدارة و لكن من بعد عاد موهوب و سجل أهداف حاسمة فالماتشات اللي من بعد ( سجل 11 هدف مابين البطولة و كأس العرش)
الأكيد أن الفريق ماغاديش نتسناو منو شي حاجة كبيرة خصوصا أن هاد الموسم هو موسم بناء و لو أن الادارة شرطات على الشابي باش يجيب مركز مؤهل للعصبة كنظن يلا قدرنا نتكلاصاو مع 3 الأوائل غادي يكون موسم مقبول
|
|
|
|
| إقتباس لمشاركة: | عبدالله الرجاوي | 11:15 - 2025/08/27 | الفريق العام لي فات يلا حيدنا اهداف رحيمي راه تلقاه كان كيماركي 0.5 هدف في المباراة
يعني كانت الاولوية في هاد المركاتو هي تجيب مهاجم باشي تحل داك العقم
على العموم الفريق لاعب فقط على الدوري زايد ناقص لي مؤكد حاليا بهاد المركاتو ان المدرب سيتم تغييره مابين الدورة 4 والدورة 6 |
|
رحيمي تال نهاية الموسم مع الشابي عاد بدا كيماركي أما فالذهاب كان موضرها
دبا الشابي يلا كان مريكل خاص يخدم على التنشيط الهجومي مع خط الهجوم كامل زائد صانع الألعاب و الأظهرة كولشي خاص يماركي وفق منظومة كيفما دار زينباور فالموسم قبل الماضي كولشي كان كيماركي بلعمري بولكسوت بوزوق الزرهوني النفاتي بوغرين ...
|
|
|
|
أهم ما كان يميز زينباور وطاقمه هو التنوع في الأفكار الهجومية ، لم يكن يكتفي بفكرة واحدة كالعرضيات داخل الصندوق تجاه المهاجم ، بل قام ببناء منظومة هجومية يسجل منها الجميع ، حتى الأظهرة مثل بلعمري وبولكسوت.
أبرز الأفكار التي اعتمدها زينباور في التلث الأخير و مرحلة الإنهاء كانت : انطلاقة الرجل الثالث ، التمريرات الخلفية ، العرضيات الأرضية ، العرضيات المبكرة ، التبادلات والتحركات الوهمية (Rotations & Decoy runs) ، اللعب السريع (One-Two combinations) ، الاختراق العمودي المباشر (Vertical penetration).
أتمنى من الشابي هذا الموسم أن ينوع الأفكار الهجومية ، وألا يبني المنظومة بالكامل على مزاج المهاجم (إذا كان جيدًا يسجل وإذا لم يكن يتوقف الفريق ) ، بل أن يطور منظومة يسجل منها الجميع ، مع استغلال الإمكانيات الفردية لكل لاعب لخدمة المجموعة ، وألا يكتفي بتوظيف الأجنحة كأظهرة كلاسيكية يقتصر دورها على العرضيات.
|
|
|
|
كان من المفروض الاعلان على القميص الجديد للنادي بداية نهاية الأسبوع الماضي, و لكن طلب ادارة الرجاء باضافة تعديلات على القميص الأول, و أيضا تغيير لون القميص الثالث للأسود أو الأزرق بدل اللون الوردي, أخر حفل التقديم للأسبوع المقبل.
|
|
|
|
ميركاتو تاريخي ???? في نادي الرجاء للفوتسال ????????
1) ⭐️ عبد اللطيف فاتي (من أساطير المنتخب الوطني و أكثر لاعب متوج بالألقاب في الفوتسال المغربي)
2) ✍️ أحمد عبد الحفيظ من أهلي بنغازي (لاعب حالي بالمنتخب الليبي و من نجوم كأس افريقيا)
3) ✍️ محمد امين مصلي من نهضة بنمسيك (لاعب حالي للمنتخب الوطني للفوتسال)
4) ???? خالد السعودي من لوكوس القصر الكبير (لاعب المنتخب سابقا و نجم فريقه المتوج بالإزدواجية هذا الموسم)
5) ???? أيمن جردوح من لوكوس القصر الكبير (افضل حارس بالبطولة متوج بإزدواجية البطولة والكأس هذا الموسم)
6) ✍️ حمزة كعوة من نهضة بركان (عنصر تجربة بسنوات من الخبرة في البطولة)
7) ✍️ المهدي زويبعة من الفتح السطاتي (لاعب المنتخب الوطني للفوتسال)
8 ) ???? زكرياء بويسفي (حارس الرجاء المواسم الماضية، تم التجديد معه بسبب مستواه الجيد)
9) ✍️ سعد كامل (19 سنة من المواهب الصاعدة في الفوتسال الوطني)
10) ⭐️ حمزة السلامي من Marcouville الفرنسي (مهاجم دولي من هدافي الدوري الفرنسي للفوتسال (48 هدف) و هداف كأس افريقيا للميني فوت هذا العام (11 هدف) وعميد المنتخب الوطني الميني فوت)
المدرب أيوب السلامي من الدوري الفرنسي و في نفس الوقت مدرب منتخب المغرب للميني فوت
|
|
|
|
معسكر الرجاء بطنجة عرف استعمال النادي لمعدات جد متطورة عالميا, بعضها يستعمل لأول مرة في افريقيا. مثل تكنولوجيا دوسي التي تعتمد على الذكاء الاصطناعي رفقة بعض المستشعرات و التي تخطر الجهاز الفني بالحالة البدنية و الذهنية لكل لاعب خلال المبارة, و أيضا الكامرة veo 3 و التي تعتمد أيضا على الذكاء الاصطناعي في تحليل أداء اللاعبين بدقة جد عالية خلال التداريب و المباريات.
|
|
|
|
نادي الرجاء الرياضي وضعيته سليمة فيما يخص المنع و الفريق الأخضر ارسل جميع الوثائق بما يخص المنع الدولي و المحلي و لا ينقصه اي شيء و اللاعبون الجدد سيكونون حاضرين في لقائات البطولة الاحترافية و رد النادي على بلاغ العصبة سيكون في الساعات القليلة القادمة
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
