|
|
مكانش خاصنا بزاف و لكن للأسف مكنعرفوش نبنيوا على المكتسبات اللي كتحقق الفريق كان خاصو يبيع فقط موهوب و بوزوق ( تجيب فيهم واحد 4 المليار ) موهوب جاب عرض مزيان و بوزوق ماعمرو غادي يعطيك بحال الموسم الماضي و اصلا بقا ليه غير عام فالكونطرا اضافة ل 10 المليار و 600 مداخيل الفريق لغاية 31/06 هانتا فواحد 14 مليار تخلص اللعابة و تحيد المنع و تجيب 6 عناصر مزيانة مابين الاساسية و الاحتياطية و هانتا قضيتي الغرض لكن للأسف هاد الفرقة مكتوب عليها من بعد كل انجاز أنها تريب و تعاود من جديد
|
|
|
|
باش تعرف سوء التسيير فالفرقة عندك الحق ف 5 أجانب أنت حاليا عندك 6 و مازال خاصك مهاجم واحد على الاقل كمهاجم الوسط الدفاعي بوحدو فيه 4 كلهم اجانب كيلعبوا نفس الدور ( كامارا هيرفي بودة و بيكورو ) و الدفاع عندك غير واحد و المدرب غير مقتنع بيه تجي تفهم تتسطا
|
|
|
|
| إقتباس لمشاركة: | عبد المالك | 04:49 - 2024/09/03 |
خويا سمير أنا ديما كنقولها ... المدرب هو الاختيارات و التغييرات فعلا معذور ماعندوش اختيارات كثيرة و لكن التغييرات كتبين ليك أنه مدرب محدود أولا و خاصني نشير ليها أن طريق اللعب معاه تبدلات ... كرة عند خفيفي باص طويل جهة بوزوق ملي توعت ليك هيرفي كنتي فقط تدخل كامارا و تلعب بنفس الخطة أنت دخلتي زيلا بقا كيتساطح مع بولكسوت و رجعتي بوغرين 8 اللي هو أصلا مايعرفش لداك البوسط و ملي بغيتي تسجل هدف التعادل دخلي ظهير أيسر ضعيف اللي هو لبيب و واحد الخشبة اللي هو رحيمي و خرجتي 2 اللي كيصعنوا ليه اللعب بوغرين و النفاتي و بغيتي تلعب العرضيات و هوما عندهم حارس مزيان و دايو و عسال طوال فالدفاع بغض النظر عن شح الاختيارات و لكن سبابنا فالخسارة هو المدرب و الحكم اللي حيد بيلانتي ديال العراسي ضرب بدون كرة
| إقتباس لمشاركة: | Rajaoui wanted | 21:27 - 2024/08/31 | | المدرب مانتكلمو عليه حتى يتحيد المنع راه لي تصاب باش يتعوض في دور قبل المجموعات |
|
|
|
كمارا حتى هو مصاب يالله رجع البارح
|
|
|
|
طالب حكيم دومو رئيس النادي القنيطري من الرجاء إعادة النظر في أثمنة التذاكر المخصصة للمباراة،التي ستجرى بعد غد الأربعاء في منافسة كأس التميز في جولته الأولى.
واستفسر دومو مسؤولي الرجاء ثمن التذاكر، واعتبرها أنها لا تتماشى مع القدرة الشرائية للجماهير المغربية بشكل عام، مؤكدا في بلاغ النادي أن مكونات النادي القنيطري تفاجأت من هذا القرار، وتمنى مراجعته بأثمنة معقولة تصل ل50 درهم كحد أدنى.
|
|
|
|
في حالة عدم ترشح أي من المنخرطين للرئاسة في غضون ال 12 ساعة المتبقية
إنتظرو من هالا رفع المنع الكلي وكذلك ترسيم عقود مدافعين بالإضافة إلى تعزيز الهجوم وتأهيل جميع اللاعبين????⏳️
ترهيب المنخرطين مع منع الإنخراط في النادي لسيطرة على كواليس هده المؤسسة تبقى كلها خطط هالا وأتباعه لتسير الأمور كما هو مخطط له ☑️
|
|
|
|
متفق معك أخي عبد المالك دائما المدرب في أولى المباريات كيتلف مانعرف علاش حتى الخنزير الألماني كانت عندو شي تغييرات كيخرج خط الأمام كامل و يدكس وسط الميدان دفاعي باش يحافظ على النتيجة
|
|
|
|
هالا و المكتب الحالي كان باغي حتى يضمن الرئاسة عاد يحيد المنع كانت باينة هير مفاجئة ماتوقعها حد حيث هاد التصرف غير مقبول أنانية ضيعنا في مباراة و مجازفة في الدور الأول
|
|
|
|
تقدم اللاعبان محسن متولي وحميد احداد على التوالي بمبادرتين خلفنا استحسانا كبيرا داخل اوساط الرجاء ،تمثلت في تخلي متولي عن 100 مليون سنتيم من مستحقات تقدر ب430 مليون وحميد احداد عن 60 مليون شريطة ىالتوصل بالمبلغ المتبقي قريباً على أن يسحبا نزاعهما من داخل الجامعة كي يتسنى للفريق خفض كتلة الديون وتأهيل لاعبيه الجدد برفع الموانع. وامام غياب الموارد المالية لجأ مكتب عادل هلا لهذه الإجراءات الودية مع لاعبيه السابقين والتي ستطال آخرين.
|
|
|
|
ها هو هاد هالا شد الرئاسة و حيد المنع و مدارتش كرة شكون غادي يعقل عليه !!!
راه المشكل مبقاش غير فالرئيس ، راه هاد السيستيم ديال المنخرطين و انتخاب رئيس متطوع مبقاش خدام
حتى شخص مبقا قابل يجي يضيع صحته و فلوسه و وقته ، باش يتسب و يتعاير إلى مدارتش كرة ، اللهم إلا كان بزناس ولا سمسار وعندو طموحات سياسية أو شي حاجة من هاد القبيل
|
|
|
|
|
|
|
بعدما تألق مع الزمامرة محمود بنحليب ينتقل الى فريق الجيش الملكي في انتظار توقيع العقد في الساعات القادمة????
|
|
|
|
هالا خدا وعد من المنخرطين بالتصويت يوم الجمع إوا ماكرهناش يترفع المنع غذا و يلعبو الوافدين الجدد دوري التميز كونتر الكاك غذا و مباريات أخرى إلى دازتا
|
|
|
|
حاليا مكين تامرشح لرئاسة. اذا هالا هوا رئيس جديد لراجا.. هالا قريب يرفع المنع بعدما عرف راسو هوا لي غيشدها. وفأقرب وقت غيكون تقديم لعابة جداد وتعاقد مع صفقات فديفاع والهجوم كل دعم لهالا الا كنتي غتخدم لمصلحة الفريق. اللهم يسر ????????????
|
|
|
|
مركز الخصاص مدافع مع خفيفي و عمامو إضافة إلى مهاجم أوسط هذا من الضروريات و الإستغناء على عراصي و رحيمي مع إعارة مشخشخ
|
|
|
|
حسب التقرير المالي مداخيل 24 أكثر من 23 رغم إغلاق الملعب الرئيسي و الويكلوات هذا يحسب للمكتب
|
|
|
|
ممكن المنخرطين يعاقبو هالا إلى بقى بدون رفع و تعزيزات حتى يوم الجمع بتشكيل لجنة مؤقتة حتى نهاية الموسم حيث عندهم الأغلبية ولهذا خاص يبيان
|
|
|
|
الإستغناء على عمامو مابغاتش تفهم ليا شنو السبب واش بصح أو اشاعة ؟! لاعب متمرس يضيع هكاك راه لحماق هذا أنا مع ضم مدافع ولكن يبقى عمامو تكون منافسة و حتى الدكة تقوى
|
|
|
|
خرج رئيس لجنة التحكيم بالجامعة الملكية المغربية لكرة القدم، رضوان جيد، بتوضيحات تهم الجدل الذي أثارته مباراة الرجاء ونهضة بركان عن الجولة الأولى من البطولة الاحترافية، بملعب العربي الزاولي بالدار البيضاء السبت الماضي.
وفي الوقت الذي أكد فيه الخبير التحكيمي محمد الموجه وجود ركلتي جزاء صحيحتين لفريق الرجاء بالدليل والبرهان على حد تعبيره، نفى جيد جملة وتفصيلا استحقاق النادي الأخضر لأي ركلة.
ويرى موجه أنه في حالتين حرم الرجاء من ركلتي جزاء الأولى بعد دفع نوقل الزرهوني في مربع عمليات نهضة بركان والثانية بعد ضرب المدافع بوشعيب العراسي من قبل لاعب نهضة بركان في مربع العمليات.
في المقابل يرى جيد أن دفع الزرهوني هو احتكاك طبيعي والوقوف سدا منيعا أمام بوزوق يسري في آخر أنفاس المباراة، احتكاك عادي لا يستحق معه حصول الرجاء على ضربة جزاء، في حين لم يناقش بتاتا لقطة العراسي.
|
|
|
|
✅ منحة البطولة و كأس العرش لم تتوصل بهم الرجاء و ستخصصها العصبة الاحترافية لدفع النزاعات المحلية مع إعطاء الأولوية للذين تنازلوا عن أجزاء من ديونهم مثل أحداد ومتولي و إنهائها بصفة نهائية بدل توقيع بروتوكولات...
من بين 15 نزاع أكثر مبلغ تم التنازل عليه كان من محسن متولي الذي إستغنى على 110 مليون سنتيم لصالح الرجاء ????????
|
|
|
|
كن المنخرطين رفعو دعوة مدنية على الشفار الأندلسي يرجع او الحبس كن تهنينا
|
|
|
|
|
|
|
الغريب هو بعد استقالة الزيات شد الأندلسي ولي معاه و كما كرئيس بلا انتخبات بلا والو
علاش دابا خص تدار انتخابات جديدة باش هالا يشد الرئاسة ؟
تيبان لي هاد انقلاب على بودريقة ، و هالا بغا يشد الرئاسة و يقطع الطريق على أي عودة للرئيس إلى شد البراءة
|
|
|
|
زيات مشى في منتصف الموسم وكمل الشفار حتى نهاية الموسم كما وقع مع بودريقة و هالا .. هاد الحالة كتبقى عادية حيث كل نهاية موسم خاص يتجرى جمع عام سنوي عادي لي غادي يتحول الاستثنائي لإنتخاب رئيس جديد وحتى لو رجع بودريقة كان عليه يحط ملف الترشيح
|
|
|
|
???? عبّرت إدارة بريست الفرنسي عن امتعاضها من التعامل رفقة إدارة الوداد البيضاوي لعدة أسباب تخص بنسبة أقل فشل صفقة أشرف داري رياضيًا لكن ما دفع الفرنسيين لقطع العلاقات بشكل نهائي هو اكتشافهم لخطأ قد ارتكبوه سابقًا حيث قاموا بتحويل مبلغ صفقة أشرف داري لإدارة الوداد كما كان متفقًا عليه، إلا انه وبسهو منهم قاموا بتحويل مبلغ 300 مليون سنتيم زيادة للوداد بدل دفعها لصندوق الضرائب في فرنسا ، المشكل ليس هنا بل المشكل هو سكوت إدارة الوداد وأخذهم للمبلغ دون تنبيه إدارة بريست للخطأ الجسيم في حركة أفقدت الثقة بين الطرفين وحتى بعد مطالبتهم باسترجاع أموالهم لم ترد الوداد على مراسلتهم لترفع بريست دعوة إلى الفيفا، بعدها بشهور أي يوم أمس تم منع الوداد من الإنتدابات إلى غاية دفع 300 مليون بنادي بريست.
|
|
|
|
شنو الاستفادة من هاد التخربيق ديال دوري التميز؟!
واحد فاق الصباح قالك غادي نزيدو بطولة جديدة ومنقولة في الرياضية
مباريات مملة ومستوى مقزز من معاقي مدارس التكوين
كن غا كانو كيلعبو بالاحتياطيين يجربوهم وياخدو ماتشات في رجليهم اما هاد المعاقين اش غادي تستافد منهم يلا لعبو ولا يلا قطعي تيكي ومشيتي تفرج فيهم
وآش غادي تستافد الرياضية لي كتنقل هاد العفن الكروي للمشاهدين
|
|
|
|
هادشي لي جاني عجب علاش متلعبوش البدلاء فهاد المسابقة ولاعبين بالبراهش؟
|
|
|
|
|
|
|
عادل هالا في الخرجة الإعلامية قبل قليل :
* بخصوص الإنتدابات، اتفقنا مع 2 مدافعين و2 مهاجمين.
* بخصوص المنع حنا كانشتاغلو ليلا نهار من أجل تسوية الملفات المتبقية العالقة. و فالايام القليلة المقبلة ان شاء الله غادي يترفع المنع .
* بخصوص المدير الرياضي، كانتافق مع الجمهور وهادي من الأولويات ديالنا تاحنا كمكتب، وغادي يتم انتداب مدير رياضي فالمستوى ديال الرجا و نخدمو على مشروع رياضي كبير.
* بخصوص الأهداف المسطرة مع المدرب هذه السنة، هي الفوز بجميع الألقاب بما فيها عصبة الأبطال الإفريقية.
* بخصوص الوكيل الودادي السرغيني، ماجبتوش أنا للرجا وكان بودريقة لي قرر يخدم معاه، من بعد اكتاشفت على غرار باقي الوكلاء لي كانخدموا معاهم، بلي هو شخص كيناسبنا وكيلبي احتياجاتنا.
* ايريك زيزي كان جا بتوصية من المدرب السابق جوزيف زينباور و المدرب الحالي كيشوف أنه ماشي فمستوى الرجا و بالتالي قررنا نفسخو معه العقد و قيمة الفسخ ماكاتجاوزش 70 مليون سنتيم
* بالنسبة اللي كيروج على المدافع التونسي عمامو مجرد كلام, اللاعب واجد و كيتدرب رفقة المجموعة و كنستنناو فقط رفع المنع باش يشارك رفقة اللاعبين الآخرين
* الحكم على المدرب سيكون بعد سد أماكن الخصاص و اجراء مباريات الذهاب ماخصناش نتسرعو حتى الموسم الماضي فبداية الموسم كلشي كان كيطالب باقالة زينباور و لكن نهاية الموسم كلشي بغى زينباور يبقى فالرجا
*
|
|
|
|
بعد الاتفاق مع أحداد و متولي و بعدما منحة البطولة و كأس العرش خلصت بهم الجامعة بعض الملفات السابقة
بقاو 3 الملفات من أجل رفع المنع و لي هما عبد الاالاه الحافيظي وليد الصبار و حمزة مجاهد.
الحافيظي مازال عندو 200 مليون, الصبار 300 و مجاهد 300 تقريبا 800 مليون فالمجموع و لحدود اللحظة ما بغاوش يتفاهمو مع المكتب و كي طالبو برزقهم كاملة للأمانة المكتب المسير حاول يعطيهم شيكات على دفعات و رفضو، و إيلا بقاو مصرين على القرار ديالهم ورفضو توقيع البروتكولات فراه المكتب المسير غا يكون ملزم بأداء المبلغ كامل.
|
|
|
|
| إقتباس لمشاركة: | عبدالله الرجاوي | 22:05 - 2024/09/04 | شنو الاستفادة من هاد التخربيق ديال دوري التميز؟!
واحد فاق الصباح قالك غادي نزيدو بطولة جديدة ومنقولة في الرياضية
مباريات مملة ومستوى مقزز من معاقي مدارس التكوين
كن غا كانو كيلعبو بالاحتياطيين يجربوهم وياخدو ماتشات في رجليهم اما هاد المعاقين اش غادي تستافد منهم يلا لعبو ولا يلا قطعي تيكي ومشيتي تفرج فيهم
وآش غادي تستافد الرياضية لي كتنقل هاد العفن الكروي للمشاهدين
|
|
الاستفادة كاينة للاتفاق اللي دارت الجامعة مع الفرق و ocp باش يعزلو الدراري اللي فيهم الضوو هاكدا الجامعة مغتعدبش تمشي تقلب عليهم في كل فرقة و كل مدينة و إنما قدامها كلشي
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
