تفرجت فالمبارتين الأخيرتين للاوز تقريبا وقع ليهم نفس ما طرا للرجاء نهار جا البدراوي سقف التوقعات كبير بزاف و لكن الواقع شيء أخر ( غير دارو 21 انتداب صافي غادي نديو كلشي ) أكبر غلط داروه هو أنهم خواو الفرقة من كاع الاعبين القدامى كتحس بيهم مكاينش لاعبين عندهم شخصية وسط الملعب و هاد الشخصية يستحيل تلقاها فلاعب جاي من المهجر أو لاعب اجنبي التخلي عن جبران كان اكبر خطأ داروه جابوا مدرب كيبغي يخرج الكرة من الدفاع للهجوم و لكن عندهم حراس مكيعرفوش يلعبوا برجليهم و مدافعين كيعرفوا غير هز الكرة فالسما حتى خط الوسط مافيهش بتاتا شي كاسور + مكاينش داك اللعاب اللي يقدر يزعم ياخد الكرة من الدفاع و يوصلها للهجوم جوج لعابة اللي يقدروا ينفعوهم هو الشاذلي و أيضا هاد نيانغ كيبان مهاجم مزيان من أهم الملاحظات اللي كنشوفها عندهم هي انهم متحدين على الضغط على الحكام ولو الحكم كيدير معاهم المزيان جميع الصفحات ديالهم و المدونين خارجين بمحتوى واحد ( الحكم ظلمنا ) خداو بيلانتي فابور ضد تطوان و اليوم بغاو بيلانتي خيالي فأخر دقيقة دقيقة ضد تواركة
|
Duhok Forum 3.0
