|
|
| إقتباس لمشاركة: | عادل | 23:47 - 2025/09/22 | لا لا لا لا لا لا
صلاح أفضل من حكيمي هاد العام !!!!!!!
لا لا لا لاو حكيمي السادس حشومة كاع |
|
صلاح الموسم الماضي كان فعال جدا مع ليفيربول و كان مساهم أساسي فتتويجهم بالبرومييرليغ
|
|
|
|
| إقتباس لمشاركة: | Youssef Lucci | 01:10 - 2025/09/23 | الواعرة اليوم هو الكلاسيكو ملعوب فـ مارسيليا و ادارة باريس سان جيرمان ممسوقاش
و الالترات ديال باريس سان جيرمان بقاو فـ باريس للاحتفال بفوز ديمبيلي بـ البالون دور هههههه
واش كاين شي تقزيم للدوري بحال هكا !!!! |
|
انه دوري الفلاحين
|
|
|
|
|
|
|
مبابي بان حتى هو و باقي برهوش ، عمرك شتيه مصور مع صاحبتو ولا تيشطح فشي فيديو نصو عريان
....
و لو ! كاتبقى مسألة مبدأ !
ههه
|
|
|
|
جائزة البالون دور من نهار حيدوها لريبيري و عطاوها لكريستيانو بان عيبها بالجهد... ريبيري كان صحة سلام غا ياخدها... أجلوها حتى ماركا كريستيانو على السويد و خداها هه هاديك جائزة احسن لاعب في المباراة ماشي احسن لاعب في العام .
|
|
|
|
حاكيمي صعيب يعطيوه البالون دور بحكم انه مدافع و عدد المدافعين لي فازو بالبالون دور معدود على رؤوس الاصابع...
+ هو عربي
+ هو افريقي الجنسية
يعني واخا يكون يستاهلها و الله لا شمها .
شخصيا بالنسبة ليا مايتساهلش البالون دور لا هو لا عثمان لا يامال لا رافينيا لا صويلح... راي شخصي غير قابل للنقاش هه
|
|
|
|
بالنسبة للمدرب الجديد بالتوفيق له واخا ماعندي عليه حتى فكرة...
يعني ماعندي مانقول عليه هه الوقت هو لي غادي يجاوبنا و صافي .
|
|
|
|
على اي هه و واخا ماكانحملش الشابي بلابلا التونسي... و لكن مشكور على ما قدمه الموسم الفارط... جا ف وقت صعب و صراخة كنت متوقع هزائم نكراء ضد بعض الفرق الحيوانية و لكن زمطهم الحمد لله . على اي فترة و دازت باي باي ماتبقاش ترجع
|
|
|
|
غا هو حكيمي خاصو يكون فوق صلاح في الترتيب !
حكيمي راه كاع البطولات ووالكؤوس الفرنسية + العصبة + فيناليست كاس العالم + فيناليست الاولمبي ولا ماعرت الشباب .
صلاح فقط البروميير ليغ و هداف البطونة .
|
|
|
|
عندي إحساس (ماشي ديال إليسا هه) أن شي منتخب عربي هو لي غايدي كأس إفريقيا فالمغرب ... غير الله يحصر السلامة و صافي ... ماغاتصرطش ليا تديه الدزاير ولا مصر بفففف انا حتى تونس و الله حتى نهضمها .
|
|
|
|
في الميركاطو الشتوي ان شاء الله:
اول انتداب وسط ميدان دفاعي (ضرورة ملحة)
ثاني انتداب مهاحم راس حربة
الباقي ايلا لقاو شي اضافة مرحبا
|
|
|
|
حسيت براسي دويت بزاااف اليوم بففففف تعصبت هه
|
|
|
|
كتكملة لمسألة البالون دور... ماكاينش شي لعاب متكامل و عليه اجماع من الجميع... و لكن عل الاقل تكون الاغلبية تتقبل تتويجه .
و هذا لا ينطبق على ديمبلي بالرجولة واخا نسيبنا خخخ
|
|
|
|
تهلاو هه غا نبقى هنا ماغانزgاااش بالشتيف عل الكلافيي هععع
|
|
|
|
اه تفكرت هههههه
بيدري كايعجبني على هاد الحزاق كاااااامل و الله هعع
لعاب ف شكل و خصوصا فاش كايجي حداه ديونغ هه
و حتى بوحدو فالمتتخب كايعجبني بالرجولة هه
|
|
|
|
| إقتباس لمشاركة: | اسم مستخدم متاح | 13:15 - 2025/09/23 | | عندي إحساس (ماشي ديال إليسا هه) أن شي منتخب عربي هو لي غايدي كأس إفريقيا فالمغرب ... غير الله يحصر السلامة و صافي ... ماغاتصرطش ليا تديه الدزاير ولا مصر بفففف انا حتى تونس و الله حتى نهضمها . |
|
ماكرهتش ا خويا ديه الدزاير ولا مصر فالمغرب لأول مرة مابغيتش المنتخب يدي كأس افريقيا ماكرهتش تقصينا مصر أو الدزاير من الثمن هنا باش دوك الزلايجية يهنيونا شوية من التطبال الخاوي للفساد
|
|
|
|
| إقتباس لمشاركة: | اسم مستخدم متاح | 13:20 - 2025/09/23 | في الميركاطو الشتوي ان شاء الله:
اول انتداب وسط ميدان دفاعي (ضرورة ملحة)
ثاني انتداب مهاحم راس حربة
الباقي ايلا لقاو شي اضافة مرحبا |
|
الانتقالات الشتوية صعيب تلقى هادشي كان عندهم امكانية يجيبو برحمة و فجر و مالانغو أو بنعياد كون جابوهم كون كان ميركاتو الرجا متكامل حاليا مالانغو بدون فريق كانو يفكرو يجيبوه يتريني مع الفرقة و فيناير يسنيو معه عقد ديال 6 أشهر قابلة للتجديد بين مرحبا يجددو معاه مابينش الله يعاون
|
|
|
|
| إقتباس لمشاركة: | اسم مستخدم متاح | 13:23 - 2025/09/23 | كتكملة لمسألة البالون دور... ماكاينش شي لعاب متكامل و عليه اجماع من الجميع... و لكن عل الاقل تكون الاغلبية تتقبل تتويجه .
و هذا لا ينطبق على ديمبلي بالرجولة واخا نسيبنا خخخ |
|
هاد العام ماكانش شي واحد مزيان و كان خاصها تلغى ديمبيلي كيبقى أفضل السيئين
مثلا فاش كنرجعو لسنة 2007 كان اجماع أن كاكا كيستاهل البالون دور ماكانش عندو منافس دار كولشي فداك الموسم كان فعال مع الميلان فالسيري أ و فالعصبة بأداء استثنائي 2008 نفس الشيء مع كريستيانو كان اجماع أنه يستحق البالون دور فداك الموسم مع مانشيستر2009 نفس الشيء مع ميسي دار كولشي فموسم السداسية ديال البارصا 2010 كان اللي يستحق الجائزة هو انييستا أو شنايدر و الفيفا عطاتها لميسي اللي ماكانش يستحقها داك الموسم 2011 الفيفا عطاوها لميسي وخا ماكانش فداك الموسم بنفس مستوى 2009 و موسم 2011 اللي كان يستحقها أكثر هو فيا اللي كان حاسم بزاف مع البارصا 2012 تعطات لكريستيانو وخا مادار والو داك الموسم موسم 2012 كان تقريبا بحال هاد الموسم ماكانش شي واحد كيستاهلها و كان أفضل السيئين داك العام هو دروغبا اللي قاد تشيلسي نحو العصبة و قاد منتخب الكوتديفوار نحو نهائي الكان 2013 تعطات لميسي و الأحق بها كان ريبيري بالدرجة الأولى و روبن بالدرجة الثانية كانو جد مؤثرين مع البايرن فداك الموسم مع البايرن سواء فالعصبة أو الدوري الألماني 2014 تعطات لكريستيانو اللي ماكانش يستحقها فداك الموسم كان الأحق بها كروس اللي دار موسم كبير مع الريال و المنتخب الألماني وحقق العصبة و كأس العالم فنفس الموسم و كان جد مؤثر 2015 تعطات لميسي و الأحق بها كان نيمار فداك الموسم 2016 تعطات لكريستيانو و كنظن كان يستاهلها فداك الموسم ربح العصبة و اليورو و كان مؤثر مع الريال و المنتخب البرتغالي 2017 تعطات لكريستيانو و لو أنه ف 2017 ماكانش شي واحد مزيان حتى من كريستيانو كان الأداء ديالو جد عادي فالعصبة 2018 تعطات لمودريش بسبب فوزه بالعصبة و وصلوه للنهائي مع المنتخب الكرواتي و كنظن داك الموسم كان بوغبا أو نغولو كانطي اللي يستاهلها لعبو دور كبير فتتويج فرنسا بالمونديال و دارو أداء كبير مع الأندية ديالهم و لكن اختيار مودريش ماكانش خايب و كان كيستاهلها أيضا 2019 اللي كان يستاهلها هو صلاح دار موسم استثنائي مع ليفيربول توجو بالعصبة 2020 الجائزة كانت تلغات بسبب كوفيد 2021 الجائزة تلغات بسبب كوفيد 2022 تعطات لميسي بسبب تتويجه بالمونديال و لكن الأحق داك الموسم كان هو بنزيما اللي دار موسم استثنائي مع الريال 2023 تعطات لميسي من جديد بدون سبب 2023 كان موسم كارثي و ماكانش شي لاعب اللي بان فيه و لكن أفضل السيئين كان هالاند 2024 تعطات لرودري حيتاش كان مؤثر فاليورو مع المنتخب الاسباني و لكن يلا رجعنا للموسم كامل فينيسيوس دار موسم كبير مع الريال و ربح فيه الدوري و العصبة و بأداء مؤثر
|
|
|
|
قد يكون تغيير في طاقم فالدو مع الرجا, غالبا سيتم التعاقد مع مارك شيفاز السويسري ليكون مساعد أول لفالدو على أن يكون داريان ويلكين مساعد ثاني, مع ابعاد هشام أبوشروان عن الفريق الأول. شيفاز سبق أن كان مساعد ثاني لزينباور في موسم الدوبلي.
*************
|
|
|
|
2022 تعطات لميسي بسبب تتويجه بالمونديال و لكن الأحق داك الموسم كان هو بنزيما اللي دار موسم استثنائي مع الريال
==============
بنزيمة هو البالون دور 2022
ميسي خذاها من بعد بسبب تتويجه بالمونديال لأن المونديال تلعب بعد انتهاء وقت المنافسة علی البالون دور
و بالتالي حسبو ماتشات كأس العالم علی تتويج 2023
|
|
|
|
أودي حنا مازلايجية ما عياشة
و لكن المغرب كيبقی هو المغرب و فوق كل شيء
طبعا دائما و أبدا غنبغيو المنتخب يربح
و عاد دبا الكاس فبلادنا فمستحيل نتصور شي مغربي ماباغيش المنتخب يدي الكاس
إن شاء الله سنفوز باللقب و نحتفل جميعا
|
|
|
|
لا اخويا وخا ضد الزلايجية كنبات مغربي و ميتسرطش
ليا نخسر مع شي حد اما تديه شي فرقة اخرى فرا
الجنون يركبوني وديما مغرب
|
|
|
|
فاضلو يختار الشاب صلاح الدين العنيبة
ضمن طاقمه كمال فيديو و مترجم
هو من أحسن الكفاءات المغربية في مجاله
|
|
|
|
| أودي غير كونو هانيين من غير يلا خدمات الكولسة المنتخب مايقدرش يربح الكان هنا بالخصوص مع الركراكي
من بعد البحرين اليوم الاتحاد الليبي خرج قاليك تلقى دعوة باش يلعب ماتش فالرباط فنونبر ضد المنتخب ( المنتخب الليبي غير مؤهل للكان )
|
|
|
|
- فادلو يعيد نفس برنامج التداريب الذي اشتغل به مع زينباور موسم الدوبلي. كما قرر وضع برنامج تدريبي خاص ببعض العناصر للرفع من لياقتهم البدنية. المدرب الجنوب افريقي برمج حصتين بدنيتين و ثالثة تقنية كل يوم.
- فالدو رفقة طاقمه كان لهم اجتماع هذا الصباح مع الرئيس جواد الزيات لشرح طريقة عمله و أهدافه مع النادي لهذا الموسم, فالدو خلال الاجتماع طالب الزيات بالصبر لتمرير أفكاره للاعبين, و أن نتائج عمله ستتطلب وقتا.
|
|
|
|
بعد خروج رئيس الحكومة عزيز أخنوش قبل أيام عبر الاذاعة الوطنية, متحدثا عن أن البطالة في تقلص مستمر, و أنه في أفق 2028 ستتقلص أكثر لتبلغ أقل من 2%. يوم أمس يطل علينا محمد الجواهري والي بنك المغرب ليكذب هذه الأرقام, و يمدنا بأرقام واقعية و صادمة في نفس الوقت: حوالي 2,5 مليون شاب أعمارهم بين 18 و 25 سنة, لا يعملون و لا يتابعون دراستهم و لا يقوم بأي نشاط تجاري. رقم مرعب و صادم, و الأخطر أنه دائما وفقا تصريحات الجواهري و عكس ما صرح به أخنوش أن الرقم مرشح بقوة للارتفاع بل و قد يصل للضعف خلال السنوات المقبلة. و هذا راجع حسب قوله دائما للقرارات العشوائية للحكومة المغربية في الجانب الاقتصادي, و الذي يعيش مشاكل و كوارث خطيرة, الى جانب المشاكل الاجتماعية و المتمثلة في الصحة و التعليم و باقي الحقوق الاجتماعية و التي لا يستفيد منها المغاربة. هذا التقرير و الذي خرج به والي بنك المغرب, و الذي يتمتع بثقة كبيرة من المخزن و على رأسهم المؤسسة الملكية, بالتأكيد سيتم أخذه عن محمل الجد, و قد يكون سببا في نهاية عهد أخنوش سياسيا بعد أكثر من 25 سنة.
|
|
|
|
اخنوش ساعته السياسية سالات من نهار عين الملك الفتيت للإشراف على الانتخابات
و تقرير والي بنك ماهو إلا تأكيد على ذلك ، خصوصا أنه في عهد محمد السادس حتى وزير أول ما شد رئاسة الحكومة 2 مرات متابعة
|
|
|
|
تحية لسي كمال ، و هذا اخر تصريحات عشيرو لامين يامال
لامين ، في حقيبتي لا يغيب أبدًا : سماعات الرأس و مرهم الشفاه و ملابس مريحة للسفر و العطر ، بهذه الأشياء الأربعة أكون مستعدًا لأي رحلة !!!
|
|
|
|
كلف الإنفصال بين الرجاء الرياضي والمدرب التونسي لسعد الشابي، خزينة النادي الأخضر ما يقارب 100 مليون سنتيم، وهي قيمة الشرط الجزائي التي نص عليها العقد المبرم بين الطرفين، حيث فضلت إدارة النسور بقيادة جواد الزيات إنهاء العلاقة بالتراضي لتفادي أي نزعات بين الطرفين.
وجاء هذا القرار بعد التعادل المخيب للأمل للنسور الخضر أمام الجيش الملكي، برسم الدورة الثانية من البطولة الإحترافية المغربية، في مباراة «الكلاسيكو»، في ظل أداء غير مقنع وباهت خلف ردود فعل متباينة بين جميع مكونات العائلة الرجاوية، بالإضافة إلى الخلافات داخل مستودع الملابس بين المدرب وبعض نجوم الفريق.
وارتباطا بالموضوع، وقع في كشوفات الرجاء الرياضي، المدرب الجنوب إفريقي ديفيد فادلو، لمدة سنتين، حيث انطلق في مهامه التدربيبة على رأس العارضة التقنية.
وفرضت إدارة الرجاء على المدرب الجنوب إفريقي مهمة المدرب المساعد لابن الفريق هشام أبوشروان، العارف بخبايا وأسرار العناصر التي تشكل الدعامة الأساسية للنسور.
وتعوّل الجماهير الرجاوية على أن يحمل التغيير التقني الجديد دفعة قوية للفريق الأخضر، من أجل عودة الفريق إلى سكة الإنتصارات والمنافسة على لقب البطولة الإحترافية، الذي يعتبر مطلب جماهير الخضراء، من أجل العودة مجددا لعصبة أبطال إفريقيا.
|
|
|
|
صحيفة ذا أثلتيك الامريكية: اجتماع للفيفا في ديسمبر القادم لتأكيد اقتراح مشاركة 64 منتخب في نسخة مونديال 2030, و التي ستقام بكل من اسبانيا, المغرب و البرتغال.
*****************************************
هاد القرع ديال انفانتينو حمض كرة و غادي يزيد يحمضها تخيل 64 منتخب مشارك فالمونديال 16 مجموعة كولشي مشارك
نسخة 48 منتخب و غاتكون باسلة فما بالك ب 64 منتخب
المونديال حلاوتو 32 منتخب
كأس افريقيا و كأس أوروبا و كأس آسيا حلاوتهم 16 منتخب ( كاينة أخبار حتا هما من 2028 غادي يوليو ب 32 منتخب ) تخيل الكان ب 32 منتخب من أصل 52 منتخب من القارة كولشي مشارك
مونديال الأندية و هاد التخربيقة ديال كأس القارات باسلين
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
