| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
الشابي فالرجا البقاء ديالو مسألة وقت حتى ادارة الفريق من البدية ماحملينوش غير كينافقوه و مع أول تعثر غادي يقولو ليه الله يعاون
|
|
|
|
أداء شبيه بأداء الرجا ديال سابينطو و عبد الصادق و سفيكو
الفرق هادوك كانو عندهم الكرارس الشابي عندو دراري أحسن من داك العام
|
|
|
|
| إقتباس لمشاركة: | Rajaoui wanted | 00:01 - 2025/09/18 | | الخصم فريق صعب كيفما كان الحال |
|
بانو أحسن منا بزاااااف و زغلونا بزاااااف بارا و هدف ملغي و بيلانتي ملغي و شادين ليك كرة فدونور أما كون كانت الرجا واقفة و كيبان ليك ماتش الند للند نقولو أن الخيش صعاب
را حتى فاش كنرجعو لماتش الفتح الهدفين ديال الرجا جاو من بيلانتي و كورنير ملاوط الفريق مادارش شي هجمة منظمة و الفتح كانو مسالييييين
|
|
|
|
| إقتباس لمشاركة: | Rajaoui wanted | 00:26 - 2025/09/18 | | التعادل نتيجة واردة حتى في المواسم السابقة كان التعادلات ولكن يشدو علينا البالون بهاد الطريقة ماعقلتش اخر مرة داروها |
|
العام الفايت فالعصبة ربحونا فالزاولي ب 2-0 و لكن كان عندنا سكواد مشلل و بمشاكل بالجملة و بسابينطو كمدرب ماداروش لينا هاد الحالة اللي دارو اليوم آخر ماتش ضورو علينا فيه كرة كان فموسم 2018-2019 فمولاي عبد الله فالروتور اللي سالا ب 1-1 كانو ضورونا فيه و لكن فدونور و قدام 45 ألف واحد ماعمري عقلت عليهم شدونا هاكا
|
|
|
|
يلا جينا نشوفو الماتش بالعقل اليوم
الدفاع فيه مشاكل كبيييرة غانبدا ببانون الماتشات بجوج كيبان متلفها ديال بصح بانون باش يلعب خاص يكون قدامو كاسور مزيان و كيوصلوه غير الشايطات أما باش يلعب هو و خفيفي فبلوك طالع و قدامهم داك الحراك تاهو كيلعب كيبان بحال شي راجل عندو 50 عام لاعب فهاد الحالة غادي ناكلو العصى مزيان الماتش الأول الفتح را نااااقصين و كانو كيوصلو بسهولة لعند المهدي الحرار
الماتش ديال اليوم الخيش كانو قراب بزاف للمرمى واحد اللحظة فالشوط الثاني البلوك رجع حدا الحرار هي فاش شدونا مزيان
بلعمري بدنيا السيد ماقادرش يجري لا فماتش الفتح لا فماتش اليوم بلعمري كيطلع باش يرجع كيرجع كيتمشى السيد شهر 8 كامل دوزو مع المحلي مابين أوغندا و زامبيا و طنزانيا كيحرث فالتيرانات رجع للمغرب لعب مع المنتخب فالرباط ضد النيجر و عاود رجع لزامبيا لعب أساسي و من موراها بأربعة أيام لعب ضد الفتح فالبطولة و موراها لعب اليوم ضد الخيش را يلا ماخداش الراحة غادي ياخذ شي اصابة أو يجيه شي ارهاق مقود غادي يخرج عليه
نفس الشيء لبولكسوت و لو أن بولكسوت بنسبة أقل
نجي الوسط العزي كروسة gدمنا فيها الشابي لحد الساعة مافهمتش كيفاش عطاوه الموسم الماضي أحسن لاعب فالدوري التونسي و مافهمتش كيفاش التوانسة كيبكيو عليه فاش مشى من عندهم
المكعازي ماعمرو ماقنعني فالرجا و ماعمرو غادي يقنعني لاعب محايد طالع مع كرة هابط مع كرة بدون اضافة
بوغرين اليوم ماشي هو بوغرين نهار الفتح و هذا هو مشكل بوغرين ماتش كيبان ليك الطوب و ماتش كيبان ليك تالف
المعموري لاعب جد جد جد عادي لاعب ديال الدكة
|
|
|
|
بعد نهاية المبارة توجه جواد الزيات نحو مدرب الفريق لسعد الشابي و بدر بانون و أخبرهما باجتماع طارئ يوم غد صباحا في أكاديمية النادي للاستفسار حول الأداء الباهث الذي ظهر به النادي اليوم أمام الجيش الملكي.
غالبا الشابي غادي يعطيوه فرصة أخيرة فالماتشات الجايين ضد الجديدة و الماص يلا بقى الأداء على هاد الشكل فغالبا غادي يسيفطوه مع التوقف الدولي ديال أكتوبر قبل الديربي و غالبا هادشي اللي غادي يوقع
|
|
|
|
| إقتباس لمشاركة: | Youssef Lucci | 16:11 - 2025/09/18 | التونسي نصر الدين النابي مرشح لتدريب فريق الرجاء
المدرب التونسي الذي فسخ العقد الذي يربطه بفريق كايزر تشيفش بسبب مرض زوجته.
ذكرت مصادرنا أن قرب المغرب من بلجيكا حيث تقيم زوجته و أصولها المغربية ، قد تدفع النابي إلى العودة إلى الدوري الاحترافي بعد تجربة سابقة مع الجيش الملكي.
لكن حتى يومنا هذا يبقى الشابي المدرب الأول لفريق الرجاء ، قبل مباراة الجولة الثالثة من الدوري الاحترافي ضد الدفاع الحسني الجديدي. |
|
الزيات فاش شد الرئاسة ديال الرجا ماحاملش يبقى الشابي حيتاش التوصيات اللي تعطاوه كانت هي أن الشابي لا يصلح للرجا و كان اتصل قبل ماتبدى البطولة ببعض المدربين من بينهم زينباور و فالدو ( الوقيتة اللي خرجات اشاعات على رحيل الشابي ) الشابي عندو واحد الفئة كبيرة من الجمهور كيعجبهم بزاااف كيتصور عليهم و كيسرحهم بدوك جوج ألقاب اللي دا الكاف و كأس العرب بنادم كون كان كيفكر شوية يرجع لفترة الشابي من أبريل 2021 تال نونبر 2021 6 أشهر جا لقى الفرقة فيها الزنيتي - الشاكير - الورفلي - متولي - الحافيظي - نغوما - رحيمي - مالانغو - أحداد ... أصلا جا لقى فرقة واقفة على الصح و واصلة لربع نهائي الكاف متصدرة المجموعة ديالها ب 18 نقطة ربحو جميع الماتشات ديالهم ذهاب و اياب و فكأس العرب جا لقى الفينال هنا فالرباط نيشان البطولة كان وصيف مع الوز ب 4 النقط فاش جا أصبح وصيف ديال الوز ب 9 النقط و الخيش كانو قراب يديو ليه المركز الثاني بعدما كان بعيد عليهم ب 15 نقطة كانو شوية و يجيبوه واحد الوقت وصلو لفارق 3 النقط معاه عندو الزهر الماتشات الأخيرة كانت ضد فرق ضعيفة و كأس العرش كان تقصى من الربع ضد وحدة من أكفس نسخ الخيش الفترة ديال الشابي ماكانش شي طكتيك معين الفرقة هجوميا هازها رحيمي و مالانغو و بنسبة أقل الحافيظي دفاعيا كان هازها الورفلي و الهدهوي و الشاكير فالصيف الأنلدوسي باع ليه كولشي وجاب ليه الكرارس و خرج قاليهم عندي 25 ملاعبي و الفرقة ماكاتوقف على تا واحد كان كيجلس متولي فالاحتياط و كيلعب جبرون 10 فوحدة من التسطيات اللي دازت فالرجا جراو عليه بعدما الوز فزعونا فالبطولة الدورة 10 الوز كانو فايتينا ب 11 نقطة
من بعد فاش خرج من الرجا بقى مشومر واحد 8 أشهر تقريبا تال مارس 2022 شد النجم الساحلي اللي كانو لاعبين على البطولة زكل ليهم البطولة و سيفطوه فنهاية الموسم يونيو 2022 من بعد شد الجديدة هبط معاهم للقسم الثاني فنفس الموسممن بعد شتنبر 2023 عاد شد السواحلية الليبي اللي دارو أحسن ميركاتو فتاريخ ليبيا جابو ليه كهربا من مصر جابو ليه ألان طراوري من مازمبي جابو ليه سيرج أوريي اللي كان فباريس و طوطنهام ... دوز شهرين 0 انتصار سيفطوه مشى للكويت شد كاظمة الكويتي خرج عليهم فالاتحاد الأسوي و خسر ضد فرقة من اليمن اللي ماعندهم بطولة و عندهم الروينة فبلادهم تقصى ضدهم بعدما ضربوه ب 5-2 فالكويت من بعد تشومر واحد 3 أشهر عاد جابوه الرجا
العام اللي فات جا نقذ الفريق اللي كان كيلعب على وسط الترتيب ماكانش عندو لاعبين وقف فرقة غير باش ماتهبطش للقسم الثاني تعادل فأغلب الماتشات ( من أصل 9 الماتشات ربح 5 الماتشات (الزمامرة - المحمدية - الجديدة - مكناس) و تعادل ف 4 الماتشات مع الوز - تطوان - الخيش - الفتح و جاب المركز السادس و فكأس العرش خسر ضد فريق من القسم الثاني أداء و نتيجة الاتحاد الاسلامي الوجدي
الشابي من طينة المدربين ديال الأندية المتوسطة لا فالمغرب لا فتونس بحال أسفي - الجديدة - مكناس - المنستير - قوافل قفصة....
هادي من الأخطاء اللي دار الزيات من الأول مابدلوش غير خاف ينوض الصداع فحالة جاب مدرب آخر و مامشاتش معاه الكرة الشابي ماعندو مايضيف للرجا و ماعندو مايدير فالرجا العودة ديالو شبيهة بالعودة ديال الطاوسي للرجا قبل عامين
|
|
|
|
حتى النابي ماشي من المدربين الكبار مدرب بحالو بحال الشابي و فيه التفلسيف بزاف تاهو
حاليا الرجا خاصها مدرب اللي كتعرفو مزيان و قادر يعطي اضافة للفريق و يخرج الماكسيموم من اللاعبين و أحسن حاجة يطرقو المسمار مع المدرب الآن باش يبدى مع التوقف الدولي الجاي ديال أكتوبر
|
|
|
|
| إقتباس لمشاركة: | عادل | 20:18 - 2025/09/18 | هاد المدرب عندنا واقيلا مختل عقليا أو كيدخل للتيران مبوق
السيد فتصريح بعد المباراة قالك الجيش سيطرات فالشوط الأول و لكن فالثاني استرجعنا السيطرة بعد التغييرات اللي درت
واااااا الشريف أ سبحان الله واش كتفرج بالمقلوب و لا مالك ؟؟؟؟؟؟
علاه بالسلامة هاد الجيش وقتاش ماركات و تصفر ليه بينالتي ؟؟؟ فالشوط الأول ؟؟؟؟
و ملي استرجعتي التوازن فين هوما هاد الفرص اللي خلقتي و هاد الضغط اللي خاصك دير فبلادك و بمساندة جماهيرك (ماشي غير جمهور) ؟؟؟؟؟؟ |
|
فاش جهلني قالك وقفنا الند للند ضد فريق كبير اللي هو الجيش و التعادل معاه ايجابي
|
|
|
|
| إقتباس لمشاركة: | عبدالله الرجاوي | 22:32 - 2025/09/18 | رسميا لسعد خردة خارج اسوار الراجا ما بين الدورة 3 و 5
ددر رانا عآارفينكم عندكم معلومات ان المدرب خرج من مفكرة الرئيس والاقالة مسألة وقت فقط |
|
حاليا الأولوية مع زينباور اللي ماباغاش طلقو الشبيبة و عندهم معاه شرط جزائي اللي هو الصالير ديالو ديال طول مدة العقد اللي هي سنتين فحالة لقى تخريجة مع الشبيبة فهاد المدة الجاية فهو اللي غادي يكون مدرب الرجاء الثاني هو فالدو الثالث هو ريفيرا اللي عاد فسخ العقد مع الأهلي الرابع هو النابي اللي عاد فسخ العقد مع كايزر شيفس
المدرب ماغاديش يخرج من هاد الربعة
الأكيد أن الشابي خارج أسوار الرجا قبل الديربي و لكن مني يغيزو مع البديل ديك الساعة غادي يكون الانفصال مع الشابي
|
|
|
|
| إقتباس لمشاركة: | sofraj | 00:22 - 2025/09/19 | | مقدرتش نعس البارح بسبب ديك الشوهة ... لمرود يجيو يضحكو عليك فدونور و نتا كتفزع فكورة كلشي كايتحمل المسؤولية من المدرب اللي بين انه مخدم لا اطوماتيمات و لا والو للاعبين اللي خاصهم خصم 50% من رواتبهم الشهرية |
|
أحسن حاجة دار الزيات مع اللاعبين هو بند المردودية فالبريمات
|
|
|
|
| إقتباس لمشاركة: | الخضرة الوطنية | 00:41 - 2025/09/19 | | الشابي نصاب ولد الهم خورنا في الصيف بداك المعسكر الناشف اللعابة تقالين شي حارگ شي مبيطل عام شي بقات فيه هار السمية |
|
المدير الرياضي فاش جا دوز المعسكر الأول دار تقرير خامج على الشابي و نصح ادارة الرجا باش تبدلو ( را كنت كتبتها هنا فاش سالا المعسكر ) و لكن المشكل ادارة الرجا ماقدروش يحيدوه حيتاش واحد المجموعة من الجماهير كتقدس الشابي و كيشوفوه هو أنشيلوتي و خافو من البديل ديالو لا ماتمشيش معه الكرة و ينوض الصداع على الادارة أحسن حاجة دارتها ادارة الرجا عطاوه هاد البدية و فاش تفرش و كولشي ضار ليه غادي يجيبو البديل على خاطرهم
|
|
|
|
| إقتباس لمشاركة: | الخضرة الوطنية | 00:42 - 2025/09/19 | | مزاال الخوت مالعبناش مع بركان ديك الساعة غاتشوف واحد الطنطينة شوهة عالمية |
|
بركان هاد العام ناقصين على داك العام كنظن الماتش ديالهم مع الراجا مازال بعيد الدورة 7 يمكن و الوقت اللي غادي نلعبو معاهم غادي يكونو بداو مجموعات العصبة و غادي يكون مدرب جديد ان شاء الله
|
|
|
|
| إقتباس لمشاركة: | عبد المالك | 02:22 - 2025/09/19 |
كاين مفاوضات مع فاضلو اللي كان مساعد ديال زينباور و كاين مفاوضات مع المدرب البرتغالي اللي كان شاد الاهلي ( خرج من المونديال ب 0 انتصار ) و فالبطولة مافاتش معاهم 3 الدورات سيفطوه |
|
المدرب الاسباني ريفيرو هو اللي كان شاد العام اللي فات أورلاندو بيراتس ربح معهم كأس جنوب افريقيا و جاب معهم المركز الثاني خلف صانداونز و وصل لنصف النهائي ديال العصبة مدرب ممتاز و عندو فكر هجومي الاشكال اللي وقع ليه مع الأهلي جابوه أسبوعين قبل كأس العالم للأندية و تسناوه يطلعهم للدور الثاني من بعد الاقصاء جمهور الأهلي و الاعلام لصقو فيه الاقصاء و حقدو عليه و بغاو يسيفطوه و فالدوري لعب معاهم 4 الماتشات ربح جوج و تعادل فواحد و خسر ضد بيراميدز ( هاد الخسارة ضد بيراميدز كانت سبب فالاقالة ديالو )
فالدو طامع يشد منتخب طنزانيا فالكان الجاي خصوصا أنه طنزانيا عطاو للمدرب ديالهم من بعد الاقصاء من الشان آخر فرصة يجيب أحسن مركز ثاني و يتأهل للمحلق الافريقي ديال المونديال الشهر الجاي لاعبين ضد النيجر و زامبيا فحالة ماقدرش يجيب الملحق الافريقي غادي يسيفطوه و فالدو من بين الخيارات المطروحة للتعويض ديالو خصوصا من بعدما وصل مع سيمبا لنهائي للكاف كأول فريق طنزاني كيوصل لهاد الدور
كنظن الأقرب حاليا هوالتونسي النابي أو الاسباني فيريرو
|
|
|
|
في سياق آخر بعيد على الرجا
راس لافوكا غادي يستعد للكان بأول ماتش ودي الشهر الجاي, ضد من ؟؟
ضد البحرين فالرباط ههههههههه
البحرين المنتخب المصنف 88 عالميا ماتاهلش للتصفيات النهائية ديال كأس العالم - ماتأهلش لكأس آسيا الأخيرة اللي تلعبات فقطر فآخر 10 مباريات للبحرين انهزم ف9 و فاز فوحدة ضد منتخب بوتان
تلقى هزائم مدوية فآخر سنتين ( خسر مع قطر 3 المرات ب 5-0 و 4-0 و 5-1 - خسر مع كوريا الجنوبية ب 6-1 خسر ضد ايران جوج مرات ب 4-0 و 4-1 )
راس لافوكا غادي يجيب البحرين يلعب معهم الماتش الودي مباشرة من بعد آخر ماتش فالتصفيات ضد الكونغو برازافيل غادي يضربهم بجوج بنتائج كبيرة غادي يخرجو الطبالة و الغياطة و فالكان تجي مصر أو جنوب افريقيا يخروه من الكأس من الدور الثاني فالرباط
|
|
|
|
| إقتباس لمشاركة: | الحاج كريم | 09:37 - 2025/09/19 | السلام عليكم ورحمة الله وبركاته
المنتخب ملقاش فريق افريقي يلعبو معاه
في ديك فترة التوقف الدولي لان الغالبية
عندهم ماتشات اقصائية و مصيرية |
|
كاينين منتخبات أسوية و منتخبات من أمريكا الجنوبية اللي سالاو الاقصائيات و ممكن يلعب معاهم - ايران - كوريا - اليابان - البيرو - الباراغواي - الأوروغواي- كولومبيا- الاكوادور - المكسيك - أستراليا
هادو كلهم منتخبات قوية و سالاو الاقصائيات ديالهم
|
|
|
|
حسب شبكة IDISKITIMES : الرجاء الرياضي حسم المفاوضات مع المدرب الاسباني خوسي ريبيرو المدرب السابق للأهلي المصري, و أورلاندو بيراتس.
|
|
|
|
| إقتباس لمشاركة: | Youssef Lucci | 17:25 - 2025/09/21 | مبغيش نسبق الأحداث ، لكن تعيين الجنوب افريقي مغامرة غير محسوبة العواقب لمكتب الزيات
التعاقد مع مدرب بدون تجربة كبيرة ، دوز أغلب مسيرته التدريبية كـ مساعد مدرب
الرجاء كان خاصها مدرب عندو خبرة قادر على تحمل الضغوط و يبني فريق من الصفر ...
حالياً ما علينا غير نتمناو التوفيق للمدرب ، و لكن شخصياً نفضل تعيين السفري ولا جريندو على واحد راسماله أنه كان مساعد زينباور |
|
هاد القضية ديال المدرب نوضت صداع كبير داخل الفريق المدير الرياضي النهار الأول قاليهم الشابي ماخدامش و خاص مدرب بطريقة لعب خاصة و اقترح بعض الأسماء على ادارة الفريق مكتب الفريق كان مقتانع أن الشابي ماعندوش بلاصة مع الرجا و لكن بحكم أنه جا و عتق موسم الرجا العام اللي فات و عندو عشاق بزاف من الجمهور اللي كيطبلو ليه خاف يجيب مدرب جديد للفريق و ماتمشيش معه النتائج و يضورها ليهم الجمهور و هذا خطأ ديال المكتب اللي ماخاصوش يتسوق للجمهور و يدير اللي بان ليه مزيان للفريق ( بودريقة كون جا على الجمهور كون سيفط زينباور فالدورة 5 أو 6 فاش الجمهور دار حملة شرسة على الألماني ) بعد ماتش الجيش و اقتناع الجمهور خصوصا كانت فرصة المكتب فالتعويض ديال المدرب
واحد القضية و هادي أخبار مؤكدة البلغيتي من الأول كان اقترح ارجاع زينباور باش يعوض الشابي مع بداية الموسم و كان فعلا هضر مع زينباور اللي كان باغي يرجع للرجا و البلغيتي هو اللي اقترح فالدو على ادارة الفريق بحكم أنه كيعرف اللاعبين و سبق ليه اشتغل معهم مع زينباور
و كيفما قلتي كتبغى مغامرة تعيين فالدو مدرب اللي عاد بدى المسيرة التدريبية ديالو و غادي تحطو تحت ضغط الجمهور ديال الرجا
|
|
|
|
| إقتباس لمشاركة: | عبدالله الرجاوي | 20:03 - 2025/09/21 | تأجيل الكلاسيكو الفرنسي 24 ساعة بسبب الاحوال الجوية
الاشكال غدا كاين حفل البالون دور لي ممكن يديه ديمبيلي وبالتالي اما غادي يحضر للحفل او يحضر للماتش هه |
|
خرجات اشاعات أن رافينها هو صاحب الكرة الذهبية
|
|
|
|
| إقتباس لمشاركة: | عبدالله الرجاوي | 20:06 - 2025/09/21 | وي سلمان تنزانيا طلعو في الترتيب حيت يانغ افريكانز دات الكاف العام لي قبل والعام لي فات سيمبا وصلت للفينال
وحتى في الCL ولاو كيوصلو لربع النهاية
غادي يكونو خداو مركز اضافي لأنغولا او الكونغو لي تراجعو بزاف في السنوات الاخيرة |
|
لا يونغ افريكانز ماعمرهم ربحو الكاف أكبر انجاز عند الأندية التنزانية هو اللي دارتو سيمبا داك العام وصلو للفينال ضد بركان
|
|
|
|
| إقتباس لمشاركة: | sofraj | 20:55 - 2025/09/21 | | يوم تاريخي للقضية الفلسطينية بعد اعتراف أستراليا كندا و بريطانيا بدولة فلسطينية مستقلة |
|
المشكل أن هاد الاعترافات كاملة ماغادي تنفع بوالو مع الأسف
|
|
|
|
| إقتباس لمشاركة: | Youssef Lucci | 22:01 - 2025/09/21 | تجيب غوارديولا ولا تجيب بن هاشم ، التيران هو لي غادي يحكم
و لكن مني تتجيب مدرب " عندو اسم " المكتب تيدير لي عليه و تتبقى المسؤولية على المدرب و العمل ديالو
أما فاش تيجيب " اسم مغمور " المكتب تيولي هو المسؤول
إلى نجح المدرب النجاح يحتسب للمكتب + المدرب ، و إلى فشل يحسب على المكتب
على فكرة ، واش المدير رياضي كان عندو رأي فـ اختيار المدرب ولا كان مجرد " شاهد مشفش حاجة " |
|
المدير الرياضي اقترح أسماء و لكن المكتب سمع للبلغيتي و جاب فادلو مع الطاقم ديالو ( نفس الطاقم اللي كان مع زينباور من غير مدرب الحراس )
|
|
|
|
سيصل فالدو رفقة طاقمه ظهر اليوم لمدينة الدار البيضاء لامضاء عقده رفقة الرجاء الرياضي. مدة العقد حسب كواليس ادارة النادي ستكون لغاية نهاية الموسم و الهدف هو التأهل لدوري أبطال افريقيا و الفوز بكأس العرش. بالنسبة لطاقم فالدو سيتكون من :
Darian-marc مساعد مدرب
Riedoh-durell معد بدني
Wayne مدرب حراس
Mueez محلل أداء
و هو نفس الطاقم الذي اشتغل مع زينباور في الموسم قبل الماضي باستثناء مدرب الحراس. الجزئية المتبقية هي الابقاء على هشام أبوشروان ضمن طاقم فالدو كمساعد ثاني.
|
|
|
|
| إقتباس لمشاركة: | عبدالله الرجاوي | 23:06 - 2025/09/22 | امين
يانغ افريكامز يصحابلي داوها ولكن لعبو في الفينال في 2023 ضد اليوسما
يعني تنزانيا لعبو 2 فينالات في 3 سنين الاخيرة داكشي لاش طلعو في الترتيب |
|
معك حق لعبو جوج فينالات ف 3 سنوات زائد تأهل سيمبا ف 2022 و 2023 للدور ربع نهائي جوج مرات تواليا زائد تأهل عزام للدور ربع نهائي الكاف ف 2023
|
|
|
|
| إقتباس لمشاركة: | عادل | 23:47 - 2025/09/22 | لا لا لا لا لا لا
صلاح أفضل من حكيمي هاد العام !!!!!!!
لا لا لا لاو حكيمي السادس حشومة كاع |
|
صلاح الموسم الماضي كان فعال جدا مع ليفيربول و كان مساهم أساسي فتتويجهم بالبرومييرليغ
|
|
|
|
| إقتباس لمشاركة: | Youssef Lucci | 01:10 - 2025/09/23 | الواعرة اليوم هو الكلاسيكو ملعوب فـ مارسيليا و ادارة باريس سان جيرمان ممسوقاش
و الالترات ديال باريس سان جيرمان بقاو فـ باريس للاحتفال بفوز ديمبيلي بـ البالون دور هههههه
واش كاين شي تقزيم للدوري بحال هكا !!!! |
|
انه دوري الفلاحين
|
|
|
|
| إقتباس لمشاركة: | اسم مستخدم متاح | 13:15 - 2025/09/23 | | عندي إحساس (ماشي ديال إليسا هه) أن شي منتخب عربي هو لي غايدي كأس إفريقيا فالمغرب ... غير الله يحصر السلامة و صافي ... ماغاتصرطش ليا تديه الدزاير ولا مصر بفففف انا حتى تونس و الله حتى نهضمها . |
|
ماكرهتش ا خويا ديه الدزاير ولا مصر فالمغرب لأول مرة مابغيتش المنتخب يدي كأس افريقيا ماكرهتش تقصينا مصر أو الدزاير من الثمن هنا باش دوك الزلايجية يهنيونا شوية من التطبال الخاوي للفساد
|
|
|
|
| إقتباس لمشاركة: | اسم مستخدم متاح | 13:20 - 2025/09/23 | في الميركاطو الشتوي ان شاء الله:
اول انتداب وسط ميدان دفاعي (ضرورة ملحة)
ثاني انتداب مهاحم راس حربة
الباقي ايلا لقاو شي اضافة مرحبا |
|
الانتقالات الشتوية صعيب تلقى هادشي كان عندهم امكانية يجيبو برحمة و فجر و مالانغو أو بنعياد كون جابوهم كون كان ميركاتو الرجا متكامل حاليا مالانغو بدون فريق كانو يفكرو يجيبوه يتريني مع الفرقة و فيناير يسنيو معه عقد ديال 6 أشهر قابلة للتجديد بين مرحبا يجددو معاه مابينش الله يعاون
|
|
|
|
| إقتباس لمشاركة: | اسم مستخدم متاح | 13:23 - 2025/09/23 | كتكملة لمسألة البالون دور... ماكاينش شي لعاب متكامل و عليه اجماع من الجميع... و لكن عل الاقل تكون الاغلبية تتقبل تتويجه .
و هذا لا ينطبق على ديمبلي بالرجولة واخا نسيبنا خخخ |
|
هاد العام ماكانش شي واحد مزيان و كان خاصها تلغى ديمبيلي كيبقى أفضل السيئين
مثلا فاش كنرجعو لسنة 2007 كان اجماع أن كاكا كيستاهل البالون دور ماكانش عندو منافس دار كولشي فداك الموسم كان فعال مع الميلان فالسيري أ و فالعصبة بأداء استثنائي 2008 نفس الشيء مع كريستيانو كان اجماع أنه يستحق البالون دور فداك الموسم مع مانشيستر2009 نفس الشيء مع ميسي دار كولشي فموسم السداسية ديال البارصا 2010 كان اللي يستحق الجائزة هو انييستا أو شنايدر و الفيفا عطاتها لميسي اللي ماكانش يستحقها داك الموسم 2011 الفيفا عطاوها لميسي وخا ماكانش فداك الموسم بنفس مستوى 2009 و موسم 2011 اللي كان يستحقها أكثر هو فيا اللي كان حاسم بزاف مع البارصا 2012 تعطات لكريستيانو وخا مادار والو داك الموسم موسم 2012 كان تقريبا بحال هاد الموسم ماكانش شي واحد كيستاهلها و كان أفضل السيئين داك العام هو دروغبا اللي قاد تشيلسي نحو العصبة و قاد منتخب الكوتديفوار نحو نهائي الكان 2013 تعطات لميسي و الأحق بها كان ريبيري بالدرجة الأولى و روبن بالدرجة الثانية كانو جد مؤثرين مع البايرن فداك الموسم مع البايرن سواء فالعصبة أو الدوري الألماني 2014 تعطات لكريستيانو اللي ماكانش يستحقها فداك الموسم كان الأحق بها كروس اللي دار موسم كبير مع الريال و المنتخب الألماني وحقق العصبة و كأس العالم فنفس الموسم و كان جد مؤثر 2015 تعطات لميسي و الأحق بها كان نيمار فداك الموسم 2016 تعطات لكريستيانو و كنظن كان يستاهلها فداك الموسم ربح العصبة و اليورو و كان مؤثر مع الريال و المنتخب البرتغالي 2017 تعطات لكريستيانو و لو أنه ف 2017 ماكانش شي واحد مزيان حتى من كريستيانو كان الأداء ديالو جد عادي فالعصبة 2018 تعطات لمودريش بسبب فوزه بالعصبة و وصلوه للنهائي مع المنتخب الكرواتي و كنظن داك الموسم كان بوغبا أو نغولو كانطي اللي يستاهلها لعبو دور كبير فتتويج فرنسا بالمونديال و دارو أداء كبير مع الأندية ديالهم و لكن اختيار مودريش ماكانش خايب و كان كيستاهلها أيضا 2019 اللي كان يستاهلها هو صلاح دار موسم استثنائي مع ليفيربول توجو بالعصبة 2020 الجائزة كانت تلغات بسبب كوفيد 2021 الجائزة تلغات بسبب كوفيد 2022 تعطات لميسي بسبب تتويجه بالمونديال و لكن الأحق داك الموسم كان هو بنزيما اللي دار موسم استثنائي مع الريال 2023 تعطات لميسي من جديد بدون سبب 2023 كان موسم كارثي و ماكانش شي لاعب اللي بان فيه و لكن أفضل السيئين كان هالاند 2024 تعطات لرودري حيتاش كان مؤثر فاليورو مع المنتخب الاسباني و لكن يلا رجعنا للموسم كامل فينيسيوس دار موسم كبير مع الريال و ربح فيه الدوري و العصبة و بأداء مؤثر
|
|
|
|
قد يكون تغيير في طاقم فالدو مع الرجا, غالبا سيتم التعاقد مع مارك شيفاز السويسري ليكون مساعد أول لفالدو على أن يكون داريان ويلكين مساعد ثاني, مع ابعاد هشام أبوشروان عن الفريق الأول. شيفاز سبق أن كان مساعد ثاني لزينباور في موسم الدوبلي.
*************
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
