منتديات رفاق الرجاء الرياضي - || ملـــ☆ [170] ☆حق || الرجاء الرياضي العالمي ✅رحمة الله على الرجا

منتديات رفاق الرجاء الرياضي

آريــال

تاهوما

سانس

GMT+3

05:59

الرجاء الرياضي البيضاوي

التواقيع:

حجم الصفحة:

إذهب الى منتدى:

|| ملـــ☆ [170] ☆حق || الرجاء الرياضي العالمي ✅رحمة الله على الرجا

يعرض حالياً جميع ردود للعضو عبد المالك - لمشاهدة الموضوع بالكامل إضغط هنا

عبد المالك

02:45 - 2025/01/27

مايمكنش هاد السوء و الحضيض اللي وصلات الفرقة هاد العام

فمواسم سابقة كنا كنطيحوا فمكتب مزيان و مدرب مسالي و لعابة لا بأس بهم

او تطيح فمكتب ضعيف و لعابة مزيانين و مدرب مقبول

هاد العام وا تقول شي حاجة مزيانة

مكتب فاشل

مدربين ضعاف جدا

( الوحيد اللي دار 3 انتصارات جراو عليه واخا حتى هو مايستاهلش يكون مدرب اول للفريق )

لعابة متهاونين

و جمهور شي كيخون فشي

المستقبل ديال هاد الفرقة مظلم جدا غير الله يدير شي تاويل ديال الخير

عبد المالك

04:48 - 2025/01/27

وصلنا لهضرة غلام ملي قال غادي يجي يوم الرجاء ماتلقاش رئيس

حاليا مكاين حتى مرشح للرئاسة

و المنخرطين اللي معول عليهم بنادم مازال مضاربين غير على غروبات فالواتساب

و ملي كيديروا شي اجتماع مكيفوتش العدد 30 واحد

فرقة بدون مدرب

و ماغاديش تحيد المنع

و لعابة باغيين يمشيو

و النصف الاخر غادي تسالي ليه الكونطرا مع نهاية الموسم

العام الجاي ماغاديش تلقا باش تلعب حيت ماغاديش تحيد المنع و هادوا أصلا اللي كاينين دابا غادي يوليو مشاريع ليتيج جديدة

ايلا كان المنع اليوم هو مليار راه بنهاية الموسم يقدر يوصل ل 4 المليار

ماكاين مداخيل ما كاين مدرسة تعول تطلع منها شي حاجة

مستقبل مظلم كيتسنى هاد الفرقة

عبد المالك

01:58 - 2025/02/03

إقتباس لمشاركة:

admin

03:22 - 2025/02/02

سيتم تفعيل شغور منصب رئيس الرجاء الرياضي لغاية نهاية الموسم، و بالتالي سيلغى الجمع العام غير العادي, و الذي كان مقررا يوم 5 فبراير المقبل. كما يستراجع أعضاء المكتب السابق عن استقالتهم واستمرارهم لقيادة فريق الرجاء الرياضي لغاية نهاية الموسم.

عالة مامفاكش غير هو دار هاد البلان باش مايبقاش فالواجهة

باالعكس بان ليا هذا احسن قرار هالا مشا بحالو و هاد اللي معاه واخا ماغادي يقدموا حتى اضافة المهم احسن من حسبان و أي مرشح أخر ( حتى واحد ما كيحمر الوجه ) عرفتي يعاود يشد حسبان فهاد الظرفية صافي غا قرا الفاتحة على الفرقة ملي جا البداروي ما كيعرفوا حد عطاوه الفرقة فرحانين و ملي بغا يشدها بولقشور بداو يديروا ليه العراقيل الكرة فالمغرب ايلا بغيتي تكون مزيان خاص يكون الرئيس ديالك عندو نفوذ أو غبار أو مخلويض أو فسلطة القرار انسان نزيه راه ماغاديش يدخل للكرة

عبد المالك

02:00 - 2025/02/03

غا ملي فكروا يحيدوا المتدرب عبد الصادق

( السيفي كامل فيه مساعد محمد فاخر )

هدا هو الرباح

تصور دارو معاه عقد باش يولي مدرب فقط باش يبرك فالاحتياط فماتشات العصبة

غير هاد القرار بوحدو كافي باش يوريك العشوائية اللي سير بيها هالا الرجاء

عبد المالك

04:11 - 2025/02/03

بولقشور مابغاش يدخل فهاد الصراعات

قال ايلا كان عليه الاجماع يجي يشد الرجاء ابتداءا من الموسم المقبل

و لكن حاليا يسير خلف الستار و يعرف اش كاين فالفرقة و لكن ماخلاوهش

بولقشور لو بغا يعكس معاهم راه غير قانوني دير جمع عام انتخابي وسط الموسم

يخليهم حتى يطلع حسبان أو شي حازق اخر و يقول الجمع غير قانوني و سير عوتاني دخل فداومة اخرى

انا المهم عندي هو مايعاودش حسبان يشد الرجاء حيت ما عندو ما يضيف بالعكس هو باغي ما ينهب

عبد المالك

02:15 - 2025/02/04

اللي سمع لحسبان غادي يعرف الهاوية اللي غادي يمشي ليها الفريق لو يرجع

مايمكنش شحال ديال الكذوب

كيقول الحاجة و ينفيها و ملي يحصل يبدا بالمصطلحات المعروفة ديالو

الواعرة هي ملي قال عندي مستشهر غادي يحط فالخزينة ديال الرجاء 15 مليار كل عام 5 المليار

الرئيس الجديد ماشي من العاكزين مع سمع الهضرة سيفط ميساج فغروب المنخرطين قاليهم ايلا فعلا حسبان عندو هاد العقد غير يوريه لينا و حنا فظرف 15 دقيقة نعطيوه الرجاء

ملي سمع هاد الاوديو بدا كيسرط فالهضرة ماعرف ما يقول شوية بدا عليهم أنا عندي معاهم غير التزام و قالوا ليا ملي تولي رئيس جي نوقعوا معاك العقد

الواعرة هي قاليهم أنا من نهار طلع بودريقة رئيس و انا كنتفاوض مع هاد الشركة

عبد المالك

04:58 - 2025/02/12

إقتباس لمشاركة:

Rajaoui

21:35 - 2025/02/11

زريدة سمح ف 60 مليون وليس 300 كما يقال

إقتباس لمشاركة:

admin

20:18 - 2025/02/11

محمد زريدة في أول موسم له رفقة الرجاء الرياضي لم تكن له منحة توقيع, و سنة 2020 قام جواد الزيات بامضاء عقد جديد لخمس سنوات رفقة زريدة, لينال في الموسم 80 مليون سنتيم. و في سنة 2022 قام محمد البدراوي بتحسين عقد محمد زريدة لتصبح المنحة السنوية 120 مليون سنتيم. محمد زريدة مازال يدين للرجاء بميلغ 300 مليون سنتيم. لم يسبق له أن وضع شكاية لدى الجامعة أو الفيفا, أو وجه دعوة للفريق. و حتى عندما توصل بالعرض الليبي كان بامكانه فسخ عقده من جانب واحد و الاستفادة الكلية من صفقة الانتقال للفريق الليبي. و لكن تنازل عن 300 مليون سنتيم و انتقل من نادي الرجاء الذ سيستفيد من مبلغ 500 مليون سنتيم من انتقاله.

سمح ف 140 مليونهو ملي كتشوف ان الاعب بقات ليه 4 اشهر فالكونطرا و عندو اصابة فالظهر و مشروع ليتيج جديد كتقول انه احسن حل هو تبيعوو لكن ملي كتشوف الوسط الدفاعي بقا فيه غا بدة و بيكورو و الفردوسي كتقول كارثة يمشي زريدة

عبد المالك

05:00 - 2025/02/12

إقتباس لمشاركة:

admin

02:42 - 2025/02/12

إقتباس لمشاركة:

Youssef Lucci

21:10 - 2025/02/11

إقتباس لمشاركة:

admin

20:13 - 2025/02/11

دابا واش الشابي جاي على أساس يشد الفريق حتى لنهاية الموسم لإنقاذ الفريق و من بعد الرئيس المقبل يجيب المدرب لي بغا