| يعرض حالياً جميع ردود للعضو عادل - لمشاهدة الموضوع بالكامل إضغط هنا |
|
|
كما العادة مستوی تقني ضعيف من الطرفين
باستثناء بعض الديربيات اللي كانت فيهم الكرة و اللي يتعدو علی رؤوس الأصابع من بداية هذا القرن
فكل الديربيات ضعيفة و ضعيفة جدا
الفراجة فالمدرجات فقط لا غير
|
|
|
|
هاد الديربي فكرني فديال 99 بعد الفوز باللقب القاري
كل شيء كان رائعا إلا الأداء التقني فوق الميدان
اليوم كذلك نفس الأمر
|
|
|
|
الإلترات إلا بغاو يتورخوها لقجيعة هي يخرجو من التيران فالدقيقة 60
يديرو بجوج شي كركاج كبيييير تنوض العجاجة فالتيران
و يحبسو الماتش
و هوما يخرجو ديك الساعة
|
|
|
|
واااا هيا ربي علی داك راس لافوكا و اختياراته للماتشات الودية
الثور اللي غينطحو راه مازال كيرجع اللور
غير الله يحفظ و صافي فالكان
|
|
|
|
هااااكاك
عاشق المنتخب المغربي يتنفس الصعداء ملي لاعبين مع الفرقة د السكتيوي
ههههههه
وا الصراحة وليت مخلوع من هادشي اللي تيدير فيه الركراكي
مرة البحرين شوية تسمع الموزمبيق راه بالسيف مانتنكراو
|
|
|
|
كما قلت فالأول قبل ضربة البداية
ديربي ترويجي فقط لا غير
كراكاجات و تيران عامر و شباب في مقتبل العمر يشجع فريقه بكل قوة
داكشي اللي بغاو يبينو راه وصلو ليه
و نفس الكاسيطة كتعاود من زماااااان
شي مناسبة غتخدم مصالح الدولة رياضيا راه كيقدمو الصورة الإيجابية علی بلادنا بالديربي
غير هو كينساو أن الأهم من هادشي كامل هو المستوی فوق أرضية الميدان اللي كيزيد يعجب الناس
4-4 أو 3-3 أفضل بكثيييييير من 0-0
و فالنهاية غيكون كلشي أسعد و كلشي أكثر فرحا
|
|
|
|
بالنسبة للفرقة ديالنا
داكشي ناقص بزاف
كنهدر غيييير علی المستوی التقني د كل لاعب
واحد اللقطة فالدقيقة 72 حتی طلعات كرة مزيان دقة دقة من التحت
جات عند شي واحد فالوسط بغا يزيد بها القدام
ديك اللعيبة ديال مع الكونطرول مع نرفع السرعة صدق ضاربها بالجهد و هربات عليه
وبعدها بداو التزحلقات
ديالهم طاكلا علی ديالنا بقات كرة طائشة عاااااوتاني مشاو ليها جوج واحد منا واحد منهم بجوج مطاكلين بعضياتهم حتی خرجات للتوش
كوميديا صافي
|
|
|
|
داك لافاصونطر ديالنا غير كيتساطح
فين ما كانت شي تخربيقة د البدني داخل فيها
أما يلعب لك بعقلو و يبين لك تقنيا شي حاجة واااااالو الله يجيب
واحد الهربة دارها النفاتي من اليسار عوض يضرب الروتري بالرجل اليسری الضعيفة
ضربها زعمة باليمنی بخارج القدم ماوصلاتش أصلا للمههاجم ديالنا
تخربيق و صافي
هوما بعدا عالأقل داك امرابط كيصونطري شي كواري مزيان هو و داك 3
أما داك مفيد ماعرفتو باش مفيد عندهم مكاين غير جري و جاري بلا عقل بلا فايدة
فكرني غير فجبيرة ملي طاااااااح ليه النيفو
|
|
|
|
البراهش أول ماتش نتفرج فيهم ماركاو 16
الصراحة غير الخصم لعب معانا كرة نيت ديال الأحياء
ماكان لا خبث كروي لا تضياع الوقت لا والو
هادشي اللي جاني غريب
و لكن يمكن عاوتاني العقلية ديالهم ماشي بحال ديالنا
بمعنی أنه فعلا كيمشيو لهاد المسابقات باش البراهش يكتسبو التجربة ماشي باش يربحو بأي طريقة
|
|
|
|
كما كان منتظرا
ماتش مدريد ضعييييف فقيييير فنيا
و ماتش البارصا متعة ما بعدها متعة
هذا هو الواقع
ماتشات البارصا دائما ممتعين لأنه مكيعرفو غير الهجوم ثم الهجوم و خطة التسلل
|
|
|
|
فوز جد جد مستحق للبارصا
لتشتعل الليغا من جديد
|
|
|
|
أودي بلا قوة الفهامات و البلابلا
الفرقة باااااينة من الطيارة ناقصها كاسور حسكة مكيتفاكش و مهاجم قناص
مكاين لا جناح لا وسط هجومي
هادو نيت دبا اللي عندنا جيب ليهم غير هاد الجوج اللي كنهدر عليهم من بداية الموسم و غيبانو لك واعرين
الكرة غدور و الرباحات غيجيو
ديك الساعة مغيقولو خاصنا ظهير أيسر و لا جناح
إحقاقا للحق فالأول كنت كنقول حتی الحارس
و لكن الصراحة الحارس ماعندنا مانقولو عليه و أبان عن مستوی جيد و راه بطل الشان
|
|
|
|
دخلت دبا غير باش نسولكم علی لقطة الجدل د هاد الدورة
هدف الماص الملغی، كاين خطأ علی حريمات و لا لا ؟؟؟
|
|
|
|
فييييين أ السي غاتوزو
صافي تقاضاو لك
هاهوما عطاوك شوط كااااامل و هوما كيدافعو مادارو حتی هجمة يالاه ماركيتي عليهم واحد
ملي ناضو لك فالميطا الثانية هاهوما عافطين عليك ب 3 فقلب ميلانو
الهضرة الكثيرة و اللسان الطويل ماشي من شيم الرجال
|
|
|
|
نتا دبا زادونا مقاعد ولا نقصو ليكم نتوما فأوروبا بحاااال بحال
لأنك ببساطة ماقدرتي تاخذ حتی نقطة من المنافس المباشر لك
و هادشي كلو فمجموعة مقتوووولة مفشوشة
يعلم الله كون لعبتي إقصائيات 90 و 94
كون خرجتي حصالة المجموعة علی قول المصريين هههههه
|
|
|
|
با؛نسبة للكونغو الدميقراطية
سمعت بأن الجامعة ديالهم غيعطيوهم مليون دولار للاعب إلا دازو للملحق العالمي ههه
و فاللخر غيتقصاو
|
|
|
|
الرااااااااااااابع للنرويج
علما أنهم لعبو غير شوط
الشوط الأول كله لعبوه اللور و بشوية عليهم
الزااااامطة دارو ليهم
نحب إيطاليا لكن ما قاله غاتوزو لا يغتفر
|
|
|
|
أول ركلة ترجيحية ضربها للسما
هاد نيجيريا فشي شكل مفشكل هههههه
|
|
|
|
جاوبو لاخر حتی هو ضيعها
واقيلا غاتوزو عندو الصح هههههههههههه
|
|
|
|
زاد لاخر د نيجيريا ضيعها
لا لا لا لا
ههههههههههه
|
|
|
|
و أخييييييرا ركلة ترجيحية تسجل
هههههه
|
|
|
|
باي باي نيجيريا
المدرب خرج عليهم و لا يمكن اللعابة نوضوها
راكم عارفين ضراوا
علی نقشة
ماعندهم عقل
|
|
|
|
يا ربي يشبكوها كلهم بيناتهم و مع مدربيهم
عنداك غير هادشي كله و راس لافوكا يدير لينا تخويرة العمر
|
|
|
|
النرويج من المنخبات اللي من الأحسن تفاديها فالمونديال
الله يجيب لنا ألمانيا و لا إيطاليا إلا دازت
نزمطوهم بسهولة
|
|
|
|
الكان الجاي أتوقع صدمة كبيرة لمحبي المنتخب و على رأسهم عادل ههههه غادي تبقى فيا أخويا
===================
لا صافي اليوم رسميا أقولها و أنا بكامل قوايا العقلية ههههه
غسلت يدي علی الكان
لن نفوز بها
الناس كتلعب مع العمالقة د الكرة باش كترودا مزيااااان علی طريقة اللعب و حنا من البحرين للموزمبيق
أ سيدي مابغيتيش تلعب مع منتخبات الصف الأول د افريقيا
لعب مع هادوك اللي عندهم تاريخ فالمسابقة و لكن ناقصين هاد العام
لعب مع غانا لعب مع الكامرون نيجيريا
وا نتا كتمشي تقلب غير علی دوك الفاشلين
هاد المنتخبات اللي تيجيب لنا دبا هاد راس لافوكا كيتسماو بحال الوديات فالرياضات القتالية : السبارين بارتنر
داك المنتخب اللي كتجيبو غير باش تتحرك شوية معاه و ترخي العضلات
وا نتا العام كامل و نتا كترخي علينا فالعضلات ماشي معقول
زيد عليها الجمهور د المنتخب اللي ولی عندنا كله نواعم
أشمن كاس اللي غتجيب بهاد الطريقة أودي !!!!!!!
وخا تبغي دير داك الحماس ديالك و داك التشجيع و النفسية فاللعابة، هاد التحفيز و هاد الطريقة كتجي مع جمهور اللي كيهزك معاه و كتولي تجري و تجاري مثل ما حدث فقطر
أما دبا صااااافي انتهی كل شيء جميل يربط الجمهور الحقيقي د الكرة مع المنتخب
|
|
|
|
علی أي أنا دبا خايف من حاجة وحدة و بدات كتبان ليا تقدر توقع بنسبة كبيرة
اللي هي فوز بلد عربي باللقب
هادي هي الطامة الكبری
و بكل صراحة كل المؤشرات تقول هذا
ملي شفت ماتش تونس اليوم تخلعت تزعزت
لأنه نفس الطريقة بالحرف لعبو معانا و خلقو صعوبات اليوم نفس الشيء مع البرازيل و لكن قدرو يديرو محاولات و فرص أكثر
يعني الناس غادة و كتطور فنظام لعبها
الدزاير خلااااااص هادوك
غير الحافز السياسي بين البلدين زيد عليها مدربهم اللي كيسرع التحولات العكسية راه خصم لا يستهان به
المصريين كما العادة من ديما حاضرين فالكان، الحظ اللي ماعندهمش فالمونديال كيجيهم فالكان (بحالنا حنا و لكن بالعكس)
زيد علی هادشي كاااااااااااااامل و الأمر اللي غيساعدهم أكثر هو عاملي الجو و أرضية الميدان
غيييير الله يحفظ و صافي
|
|
|
|
بالنسبة للمدرب، يربح الكان و لا مايربحهاش خاصو يمشي فحالو من بعد
خاصنا مدرب عالمي لكأس العالم
مع مدرب عالمي بتجربة كبيرة و هاد الخزان د اللعابة نقدرو نوصلو للفينال و لما لا الفوز بالكأس
|
|
|
|
الحمد لله و الشكر لله
سيناريو حذاري أوبابابابابا طرا لينا مع البراهش و ماشي مع الكبار
لأنه بصراحة من نهار طلعناها علی الخرائريين ونا كنتسنا وقتاش طرا لينا ههههه
مزيان ملي وقعات اليوم هاهي حيدناها علينا
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
