| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
السلام عليكم غادل أهلا و سهلا
|
|
|
|
المباريات القادمة للرجاء
الدورة 17 : الجيش - الرجاء يوم الخميس 29 أبريل الساعة السادسة بمركب الأمير مولاي عبد الله
الدورة 18 : الرجاء - الدفاع الحسني الجديدي يوم الأحد 3 ماي الساعة السابعة بمركب محمد الخامس
الدورة 19 : الماص - الرجاء يوم الأربعاء 6 ماي الساعة التاسعة بمركب فاس
الدورة 20 : الرجاء - الوداد الرياضي يوم السبت 9 ماي على الساعة الثامنة مساءا بمركب محمد الخامس
4 الماتشات مشنشطين خلال 10 أيام غتلعب فيهم ضد 3 من المنافسين ديالك على اللقب جوج من هاد الماتشات خارج الميدان و الثالث ديربي
عاد زيد ماتش الجديدة اللي تاهو ماغاديش يكون ساهل الجديدة قادو فريقة مع المدرب البرتغالي الجديد و فآخر 5 الماتشات ربحو 3 و تعادلو جوج منهم واحد ضد الوز فدونور
يلا قدر الفريق يخرج من هاد المنعرج ب 7 النقط من أصل 12 را مخيرة و يلا قدر يدير أكثر من 7 النقط نقدر نقول أن الفريق غادي ينافس على اللقب لآخر دورة و بكل قوة
|
|
|
|
قام مجلس شركة إدارة نادي الرجاء الرياضي باعتماد نظام داخلي جديد صارم يهم جميع مكونات النادي (اللاعبين، الإداريين، الطاقم التقني)، بهدف تعزيز الانضباط والاحترافية داخل الفريق. وبالنسبة للاعبين والطاقم التقني، تم وضع سلم واضح للاقتطاعات من الأجور والمنح في حالة مخالفة هذا النظام، الذي تم تسليمه لهم للتوقيع عليه.
**أبرز مقتضيات النظام:**
* في حال تأخر لاعب أو أحد أفراد الطاقم التقني عن الحصة التدريبية لمدة تتراوح بين 15 و30 دقيقة دون ترخيص، يتم اقتطاع 5% من أجره الشهري. وإذا تكرر التأخر للمرة الثانية خلال نفس الشهر، ترتفع نسبة الاقتطاع إلى 10%. أما في حالة التكرار للمرة الثالثة، فيتم اقتطاع 50% من الأجر الشهري مع عرضه على لجنة الأخلاقيات بالنادي.
* في حالة الغياب عن حصة تدريبية دون إذن، يتم اقتطاع 30% من الأجر الشهري، وترتفع النسبة إلى 50% في حال تكرار المخالفة.
* إذا أدلى لاعب أو أحد أفراد الطاقم التقني أو الإداري بتصريح لوسيلة إعلامية دون موافقة مسبقة من النادي، يتم تغريمه مبلغ 5000 درهم، وتضاعف الغرامة إلى 10000 درهم عند التكرار.
* في حال وقوع شجار أو خلاف داخل المباريات أو التداريب، سواء مع زميل أو خصم أو حكم أو جماهير أو أي طرف داخل الملعب، يُحال المعني بالأمر على لجنة الأخلاقيات التي تتولى تحديد العقوبة المناسبة حسب خطورة الفعل.
* إذا ثبت تعمد أحد اللاعبين التهاون خلال مباراة، يُعرض على لجنة الأخلاقيات التي تقرر في شأنه العقوبة أو الإجراءات التأديبية الملائمة وفقاً لخطورة السلوك.
**مقتضيات إضافية لتعزيز الانضباط:**
* إلزام جميع اللاعبين والطاقم بالحضور قبل موعد التداريب بـ30 دقيقة على الأقل، مع احترام البرنامج اليومي للنادي.
* منع استعمال الهواتف المحمولة داخل مستودع الملابس وأثناء الحصص التدريبية، إلا بإذن من الطاقم التقني.
* فرض احترام النظام الغذائي والبرنامج الصحي الذي يحدده الطاقم الطبي، مع إمكانية فرض غرامات في حال الإخلال به.
* الالتزام بالزي الرسمي للنادي خلال التنقلات والتجمعات الرسمية، مع فرض عقوبات مالية في حال عدم الامتثال.
* الحفاظ على الممتلكات والتجهيزات الخاصة بالنادي، مع تحميل المسؤولية المادية لأي شخص يثبت تسببه في إتلافها.
* منع السهر غير المبرر قبل المباريات أو التداريب، خاصة في فترات المنافسة، مع إمكانية المراقبة وفرض عقوبات تأديبية.
* الالتزام باحترام الجماهير وممثلي وسائل الإعلام وعدم الدخول في أي سلوك قد يسيء لصورة النادي.
* إخضاع جميع اللاعبين لبرامج تقييم دورية من حيث الانضباط والسلوك، إلى جانب الأداء الرياضي.
**خلاصة:**
يهدف هذا النظام إلى إرساء ثقافة احترافية قائمة على الانضباط والمسؤولية داخل نادي الرجاء، بما يساهم في تحسين الأداء الجماعي والحفاظ على صورة النادي ومكانته.
|
|
|
|
| إقتباس لمشاركة: | sofraj | 11:35 - 2026/04/29 | وكيل أعمال موزيس بانياكا لاعب الوداد الرياضي
موزيس بانياكا تبلغ قيمته حاليًا حوالي 6 ملايين دولار، ويملك الوداد الرياضي 70% من عقده، بعد أن دفع نحو 3 ملايين دولار أو أكثر |
|
شراو 70% من العقد ديالو مقابل 30% للفريق الأصلي ديالو عندو عقد ديال 3 سنوات غادي حاليا غادي يلعب سنتين مع الوز و غادي يرجع يلعب سنة مع الفريق ديالو فحالة الوز بغاوه يزيد الموسم الثالث خاص يتفاهمو مع الفرقة ديالو هههههه
ايت منا فوطوكوبي ديال البدراوي و غادي بيهم نحو الهاوية حتى البوليفي الآخر دايرين معه نفس القضية غير هو القيمة مليار تقريبا
|
|
|
|
| إقتباس لمشاركة: | sofraj | 20:15 - 2026/04/29 | تخيل ا امين شحال خسر ايت منا فصفقات فاشلة
ارثر مليار و نص بنياغوا 3 مليار الوافي داك المدافع شراه بمليار هههه زيد عليها زياش كيشد 100 مليون فالشهر هادشي الي خرج للعلن |
|
زياش موقع عام و نص ب 3 المليار و نصامرابط موقع عام و نص ب 550 مليون بنيدر موقع 6 أشهر ب 800 مليون باكا موقع بديك التخربيقة ديال 70% ب 3 المليار البوليفي صاحبو موقع بمليار و نص كارتيرون موقع 6 أشهر ب 90 مليون سنتيم شهريا و بشرط جزائي ديال 200 مليون
هادشي ماحسبناش ليهم داك اللي جابو من أسفي و الصبار و أبوالفتح و دوك الزماكرية اللي جابو و زيد و زيد
ايت منهم فاش قاليهم خسرنا 20 مليار را واقيلا بصح هههههه
هاد الأرقام اللي مديكلارية و كاينة فطرانسفيرماركيت أما النوار الله أعلم به
|
|
|
|
| إقتباس لمشاركة: | الشمقمق | 22:15 - 2026/04/29 | البطولة فاسية...ما فيها لا إلا ولا حتى
حنا خصنا نتقاتلو على المركز الثاني باش ما كان طمعا في المشاركة في دوري أبطال أفريقيا (خصوصاً بعبع المسابقة ما غيشاركش) |
|
السي سلمان أهلا و سهلا نورتي المنتدى
|
|
|
|
الماص مازال عاد لعبو ضد الحسنية و الزمامرة
مازال عندهم الرجا فالدورة 19
و مازال غادي يخرجو عند الخيش و الوز و يدخلو بركان و مازال غادي يخرجو عند مكناس اللي ماكيتحاملوش معهم و مازال غادي يخرجو عند الكوكب
يعني مازال عندهم ماتشات قاسحين زائد بدنيا الماص كتعاني فآخر الدقائق صحيح عندهم فرقة زوينة و لكن مع هاد الريثم ديال ماتش كل 3 أيام الماص كنظن غادي يلاشيو و غادي يتنافسو مع بركان على المركز الثالث و ممكن ينافسو على المركز الثاني فحالة تقاتلو شوية أو كان عندهم شي زهر
المنافسة ديال البطولة كنظن غتكون مابين الرجا و الخيش و بنسبة أقل الماص
حاليا الماص متصدر ب 37 نقطة من 17 ماتش
موراهم الرجا ب 33 نقطة من 16 ماتش
الخيش ب 32 نقطة من 16 ماتش
الوز 31 نقطة من 17 ماتش
بركان 30 نقطة من 16 ماتش
الرجا يلا دوزو هاد المنعرج على خير و قدرو يخطفو التعادل من الخيش و الماص و الفوز على الوز و الجديدة غادي نكونو قطعا شوط كبير نحو المنافسة على اللقب
|
|
|
|
| إقتباس لمشاركة: | sofraj | 20:16 - 2026/04/29 | | بلعاني دار هاكا باش تاحد ميزعم يشد الوز و يبقا هو يبيع و يشري كيف بغا |
|
ايت منهم طفل كبير و عزيز عليه التصاور و يبان فالواجهة مني كان مع المحمدية و هو فيه هادشي و كان كيترطى باش يجي للرجا أو الوز باش يبقى يبان فالواجهة و يتصور و كان كيترطى باش يكون رئيس العصبة بلاصة الناصيري الساعة تعطات لبلقشور و مني جاتو فرصة جا لعند الوز
|
|
|
|
اجتماع مرتقب بعد لحظات في مركب "محمد بنجلون" بين الرئيس هشام أيت مانة والمدرب الفرنسي باتريس كارتيرون لإيجاد صيغة لفك الارتباط بالتراضي. يذكر أن المدرب الفرنسي متشبت بمنصبه و يريد فرصته كاملة.
|
|
|
|
بتسجيله لثنائية ضد الحسنية؛ سفيان بنجديدة يصل لهدفه السادس عشر و يقترب من تحقيق رقم محمد البوساتي. اذ لم يتبق له سوى 9 أهداف في 13 مبارة للوصول لرقم نجم الكاك. جدير بالذكر أن البوساتي سجل 25 هدف في 34 مبارة. و كان أقرب لاعب اقترب من تحقيق رقم البوساتي محسن ياجور خلال موسم 2019 و الذي سجل فيه 19 هدف؛ و الليبيري ويليام جيبور بنفس الرقم خلال موسم 2017.
|
|
|
|
|
|
|
|
|
|
خلاصة القول :
- الرجا خاصها سكواد خصوصا فالشق الهجومي ماعندناش أجنحة و ماعندناش 9
- فادلو ماعرفتش علاش كيلعب بوسط فيه المكعازي و الفردوسي و مخلي حليمي و برقوق فالاحتياط ( الدقائق اللي دخل فيهم برقوق بان بواحد الثقة كبيرة )
- بولكسوت موضر علاش مايدخلش العملود
- المدرب جبان و خواف جميع الماتشات اللي لعب ضد أندية مقدمة الترتيب لعب بتخوف مبالغ فيه سواء فدونور أو خارج دونور)
|
|
|
|
بركان خسرو فالملعب ديالهم ضد الكوكب
كنظن البطولة غادي تلعب مابين الماص و الخيش و المركز الثالث غادي يكون من نصيب الرجا
|
|
|
|
- تسلل خيالي أعلن عليه الحكم فالفار و الغريب اللاعبين ساكتين
- ماتياس من موراها ب 10 الدقائق جاتو فرصة بالراس بوحدو هاديك أي مهاجم عندو أبجديات المهاجم غادي يماركيها
- واحد ساخو لحد الساعة مافهمتش اش مازال كيدير فالرجا و محسوب محترف
|
|
|
|
1- الماص 37 نقطة
2- الخيش 35 نقطة
3- الرجا 33 نقطة
4- الوز 31 نقطة
5 بركان 30 نقطة
6- الجديدة 27 نقطة
الدورة 18
الرجا مدخلة الجديدة فدونور
الوز خارجين عند الزمامرة
الماص خارجين عند مكناس
الخيش خارجين عند طنجة
توقعاتي و الله أعلم فوز الرجا على الجديدة فدونور
تعادل الوز مع الزمامرة
تعادل الماص مع مكناس
تعادل الخيش مع طنجة
الدورة 19
الرجا خارجين عند الماص
الوز مدخلين مكناس
الخيش مدخلين أسفي
توقعاتي فوز الماص على الرجا
فوز الوز على الكوديم
فوز الخيش على أسفي
مع الدورة 19
1- الماص 41 نقطة
2- الخيش 39 نقطة
3- الرجا 36 نقطة
4- الوز 35 نقطة
|
|
|
|
| إقتباس لمشاركة: | عبدالله الرجاوي | 21:20 - 2026/04/30 | خليت الماتش في 2 0 خفت غي نتحلو ولكن ملي سالا 2 1 كتبقى نتيجة منطقية ومتوقعة
برغم ان الحكم ضلمنا والتسلل خيالي حاصو احتجاج من الادارة..مستحيل تقنعني انه ماكينش تدخلات من لفوق في الفار..يكفي اتصال واحد بحكم الفار ليغير قراره |
|
كانو أخطاء تحكيمية تسلل خيالي و هدف شرارة الملغي صحيح
و لكن هادشي ماكيمنعش نقولو أنه الرجا عندها مشاكل هجومية كبيييرة و المدرب خواف و كيتفلسف بزااااف
|
|
|
|
بركان عيا اليوم مايدفع فيهم الحكم و والو
كالعادة الكوكب خداو حمرة غير الجديد هاد المرة بركان تاهما خداو حمرة أول مرة فهاد الموسم ( الحكم مالقى مايحيد فيها حمرة واضحة على بركان )
الحكم أي احتكاك كيصفرو للكوكب
الحكم فاللخر زادهم 5 الدقائق بانت ليه بركان هاجمة خلاهم لاعبين باش يماركيو زادهم 3 الدقائق أخرى فابور حتى نييس منهم و صفر
|
|
|
|
| إقتباس لمشاركة: | عبدالله الرجاوي | 21:25 - 2026/04/30 | الايجابي في هاد الدورة هو هزيمة الوداد وبركان بالميدان..يعني منطقيا هاد جوج خرجو من السباق ولو ان بركان كلشي متوقع منهم مع التحكيم، اليوم اول مرة يتطرد ليهم لاعب مادازت تا 10 دقايق خده. يطرد لاعب من الكوكب باش يقادهم
دابا ماتش الجديدة لا بديل عن الفوز وضد الماص يلا بغيتي تنافس على المركز الثاني خاصك تجيب الفوز او على الاقل تجيب تعادل باش تبقى في السباق
الهزيمة امام الماص ستعني الخروج من سباق العصبة والاكتفاء بالتنافس على مركز الكاف |
|
بيني و بينك ا عبد الله هاد الايفيكتيف ماشي ديال العصبة و المشكل الكاف العام الجاي غتكون ربما أصعب من العصبة هههههه
غادي تلاقى فيها مع الأهلي مازمبي الصفاقسي ( ضمنو المركز الثالث مازال 3 مباريات فالدوري التونسي الأول هوما الافريقي معلقين و المركز الثاني الترجي يفارق 4 النقط عن الصفاقسي فالمركز الثالث) النجم الساحلي ( فحالة ربحو نهائي كأس تونس واصلين للربع حاليا) مولودية وهران اتحاد العاصمة كايزرشيفز أسيك
حتى الكاف بهاد الايفيكتيف غادي تبهدل فيه الرجا
|
|
|
|
| إقتباس لمشاركة: | عبدالله الرجاوي | 21:33 - 2026/04/30 | شفت واحد الفيديو في مطايفة بالسيوفة والعصي بين جماهير الجيش والراجا..يمكن هي الفترة لي هرب فيها المعلق وبقى كيقول ان الجمهور دخل لمنصة الصحافة هه
اغبى قرار هو تلعب بحال هاد الماتشات في الملعب الكبير..هاد الماتشات خاص يرجعوهم يتلعبو في القنيطرة زإلا يمنعو تنقل الجماهير نهائيا
هركاوة كيبقاو هركاوة واخا تعطيهم برنابيو |
|
هاد الماتش ديال الملعب الأولمبي مع 3 ديال العشية
|
|
|
|
| إقتباس لمشاركة: | عبدالله الرجاوي | 21:43 - 2026/04/30 | كيما قليت امين مع هاد المدرب ماربحنا تاماتش ضد الكبار وكلهم بان فيهم قزم خصوصا ضد الجيش في كازا وضد بركان
حتى في الروتور صعيب يربح شي ماتش غادي يتعادل مع الوداد وبركان والماص
ولكن السبب ماشي غير فيه ولكن في الافكتيف لي ضعيف خصوصا خط الوسط
ضد الصغار تقدر تلعب مرتاح ولكن ضد فرق لي واقفة مزيان وتقدر ضغط عليك كنبانو صغااار |
|
كاين مشكل فالأجنحة ماعندناش أجنحة نهائياماعندناش 9 الوسط دوك جوج ميخيات بالنسبة ليا كارثة خصوصا الفردوسي مافهمتش علاش كيدخل ( واحد اللقطة قبيلا فالشوط الأول مقدم كيغوت عليه كيقول اجي خود كرة )من غير اللاكس اللي فيه بانون و مقدم و خفيفي الوسط كاين حليمي و برقوق و بوغرين هاد الثلاثي غادي يعطيك توازن فالوسط خصوصا الكاليتي اللي عندهم
مازال ا عبد الله غادي يعاني ضد الجديدة - الكوكب - الماص - طنجة - يعقوب المنصور- بركان - الديربي هادو غادي يلقى فيهم صعووبة
|
|
|
|
| إقتباس لمشاركة: | عبدالله الرجاوي | 21:47 - 2026/04/30 | كارتيرون جا 2 سيمانات دا معه 160 مليون
صحاب البووكر وماكيدخلوش هاد الخيرات ههه |
|
هو بوحدو دا 160 مليون زائد راتب الشهر اللي فات 70 مليون هي 230 مليون عاد زيد الطاقم ديالو ماقالوش شحال داو
|
|
|
|
الزيات نهار الرجا ربحو الزمامرة فدونور ب 2-0 يمكن و كان أداء نوعا ما جيد
خرج بدا كيقول المشروع ما المشروع و كنديرو و كنفعلو موراها الفرقة رجعات بتضييع سلسلة من النقط بركان و مكناس و يعقوب المنصور
عاوتاني نهار الفتح خرج و بدا كيقول حنا حافظنا على المدرب و عندنا الاستقرار و البلابلا اليوم طنطنوه الخيش
|
|
|
|
أسفي عاوتاني خسرو فتيرانهم اليوم و فالمقابل يعقوب المنصور و تواركة ربحو
أسفي من تتويج بكأس العرش و نصف نهائي الكاف الفريق غادي فسقوط مباشر نحو القسم الثاني
|
|
|
|
القسم الثاني
وداد تمارة فالصدارة ب 40 نقطة
المغرب التطواني 38 نقطة
أمل تزنيت 35 نقطة
السوالم 33 نقطة
شباب المسيرة 32 نقطة
يلا طلعات تمارة و يعقوب منصور و تواركة صوفاو غادي تكون معيقة العام الجاي الرباط فيها 5 الأندية تقريبا ثلث أندية البطولة من الرباط و كون غير كان عندهم شي جمهور
فحالة صعود أمل تزنيت كنظن فالغالب غادي يستقبلو تاهما فأكادير
|
|
|
|
| إقتباس لمشاركة: | عبدالله الرجاوي | 22:27 - 2026/04/30 | من بين اسباب ضعف الاجنحة هما الظهيرين
بولكسوت ماجلش من قطر ومقدم مايمكنش يكون ظهير ايسر..الراجا العب ديالها في الاطراف ديما كيعتمد على الاظهرة في حين الاجنحة كيتحولو لمهاجمين..ومع مقدم مايمكنش تسنى يدخل ليك للكاري ويسونطري او يباصي
تبيت مقدم في مركز الظهير هو دليل ان المدرب جبان ماقادرش يحط بانون في التوش..حيت مقدم وخفيفي احسن في لاكس وكتربح مقدم في الخروج بالكرة من العمق
ومادام هو جبان ماقادرش يحط واحد فيهم فعلى الاقل خاصو يفكر يقلبها 352 حيد داك ساخو لي غا زايد وحط ضهير ايسر ديال بصح
مقدم خفيفي بانون
خماس بوغرين برقوق مكعازي بولكسوت
نفاتي ماتياس(او خافي) |
|
وخا يكون عندك كافو و كارلوس
الجودة ديال الأجنحة ناااقصة ا عبد الله
- ساخو - المغموري - الضحاك و بنسبة أقل النفاتي و شرارة كلهم لا علاقة مايماركيو مايسونطريو مايساندو الدفاع مايقلبو مايجيب بيلانتي قبيلا ساخو واحل غير مع الكونطرول خصوصا فاش كيحطو ليه كرة طويلة كيبغي يشدها كتهرب ليه أما واحد النفاتي ماعرف مايدير قبيلا غير كيضور
مثلا الخيش الخصم ديالنا اليوم كان عندهم سليم و حمودان و فحلي العام ديال الدوبلي كان بوزوق و بنسبة أقل الزرهوني
|
|
|
|
واحد العزي جابوه إعارة من غينيا مالعب حتى دقيقة
|
|
|
|
| إقتباس لمشاركة: | الخضرة الوطنية | 23:24 - 2026/04/30 | | الهدف الاول للخيش الكرة تلعبات من التماس بولسكوت علامة استفهام كبيرة كيفاش خليتي حريمات بدون رقابة اما دك الفردسي لي غايدير غلالتغطية كيتمشى بحالا هو مكاينش في هاد العالم قمة العشوائية |
|
الهدف الأول ديال الخيش كانت كرة ديال الرجا هجمة فوسط التيران ناض بولكسوت بغى يبيض حدراف داها ليه و ولات هجمة ديالهم و منها جا التوش اللي قلتي و جا الهدف
|
|
|
|
| إقتباس لمشاركة: | Youssef Lucci | 13:42 - 2026/05/01 | جياني إنفانتينو :
بدءًا من كأس العالم 2026 ، أي فريق يتسبب أو يقرر مغادرة أرض الملعب سيُعاقب مباشرة
حيث سيتم طرد اللاعبين المسؤولين و سيُعتبر الفريق خاسرًا المباراة بشكل تلقائي
يعني قبل كأس العالم 2026 مكانش قانون رسمي تيفرض طرد أي لاعب يقرر مغادرة أرض الملعب دون اذن الحكم أو اعتبار الفريق المنسحب خاسر |
|
ماكانتش فلوائح الفيفا و لكن كاينة فلوائح الكاف
|
|
|
|
| إقتباس لمشاركة: | Youssef Lucci | 20:32 - 2026/05/01 | أمين بالنسبة لـ طرد أي لاعب يقرر مغادرة المعلب
هو قرار تحكيمي محض يعني كل حكم يستند إلى قوانين International Football Association Board
ماشي كل حكم يستند إلى قوانين اتحاده القاري |
|
بالنسبة للمادة 76 لقانون التحكيم الدولي أي لاعب غادر الملعب دون إذن الحكم كتعطاه بطاقة صفراء ( أمرابط فكأس العالم قطر 2022 بعدما تأخر فمستودع الملابس مابين شوطي المبارة ديال المغرب و كرواتيا كيفما دخل عطاه الحكم بطاقة صفراء) دبا القانون الجديد عوض البطاقة الصفراء غادي تولي بطاقة حمراء
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
