| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
| إقتباس لمشاركة: | الخضرة الوطنية | 00:46 - 2026/10/13 | تذكير ب غيابات الرجاء في مباراة الغد ضد الفتح الرياضي في انتظار تأكيد القائمة النهائية يوم غد.
محمد بولكسوت: عملية جراحية بسيطة لخلع الضرس.
اسماعيل مقدم: مشكل إداري.
ميكاييل اغبي: اصابة عضلية.
ادم النفاتي: علامة استفهام كبيرة !!!!!!
بلال ولد الشيخ-يحيى ايغيز-: اختيارات تقنية.
فيليلينو : گبسو گبسو ههههههه |
|
كانت باينة عليه الماتش اللي فات ماكانش قادر يجري و ماقادرش يتبع الكرة السيد كان واقف مدة طويلة و فاش دخل فالماتش الأول ضد الزمامرة دخل بالجهد و فورصا على راسو
|
|
|
|
تشكيلة الفريق ضد الفتح
الحرار
قنيديل هوجا بانون العملود
برقوق الزيداني
باكيز
بنطيب ماتياس فيليبينيو
|
|
|
|
ربما تقدر تكون أحسن تشكيلة ممكن يدخل بها من غير باكيز كان ممكن يلعب شرارة 10 أو ممكن فيليبينو 10 و شرارة جناح
|
|
|
|
|
|
|
|
|
|
|
|
|
الفتح خسرو مع تواركة و تزنيت و الرجا واحلة معاهم باش تعرفو النيفو ديال الكرارس
|
|
|
|
الفتح كان قريب من الثاني جهة بانون و العراصي شارع
|
|
|
|
بالنسبة ليا الخسارة أحسن
ماكرهتش شي سلسلة من الهزائم
|
|
|
|
تصريح باكو خيميز ????️ :
" سعيد بالخمس نقاط التي حصلنا عليها في أول ثلاثة لقاءات، اثنان منهما خارج ملعبنا، سنستمر في العمل و محاولة التطور ، مزال علينا تغيير أشياء كثيرة جدا في الفريق … نحتاج لمزيد من الوقت لخلق تشكيلة منسجمة أكثر. كما لدينا إكراهات الاصابات التي تلاحقنا …بخصوص اللقاء قمنا بشوط أول ممتاز و كنا نتمنى ان نستمر بنفس المستوى في الشوط الثاني و لكن مجموعة من الأخطاء أثرت علينا…الأكيد سنقوم بتداريب شاقة و مجهودات بدنية كبيرة …سنشتغل و سنستمر في الإجتهاد لكننا نحتاج ايضا لدعمكم، نحتاج دعم كبير من الجمهور "
|
|
|
|
ادارة قديييمة فالسريح
الزياات مازال عايش فالتسعينات
اللي كاين دبا المدرب هو الضحية المقبل كان اجتماع البارح بين المدرب و الزيات و السعداوي بالاضافة لشي واحد ممثل الشركة الرياضية و المدير الرياضي و كان استفسار حول الأداء خصوصا بعد سخط الجمهور, حسب الكواليس عطاو للمدرب فرصة فثلاثة الماتشات اللي جايين ديال العصبة ديال الحسنية فالبطولة
المدرب طلع مسمار معاهم و قاليهم أنا عاد بديت و لحد الساعة مازال ماخسرتش و ماكاين لاش تعطيوني هاد الماتشات قاليهم أنا عندي معكم أهداف يلا ماحققتهاش ديك الساعة عندكم الحق تفسخو العقد ديالي. من غير داكشي بغيتو تقيلوني غادي تخلصو ليا الشرط الجزائي اللي كاين فالعقد.
حسب كواليس النادي را بداو كيقلبو على البديل و البارح مازال كانو اتصالات مع جوج مدربين واحد من الأوروغواي باولو بيزولانو ( سبق للوز فاوضوه ) و الثاني أرجنتيني اللي هو خوان بابلو فيوفودا هاد الأخير كاين فالمغرب كان جا باش يتعاقد مع الجامعة باش يشد منتخب الدريات
( واحد الملاحظة المدربين بجوج زائد بعض اللاعبين اللي جاو بحال الغاني و البرازيلي و باكيز عندهم نفس الوكيل اللي هو عبارة عن شركة )
الزيات كيسحاب ليه يلا بدل المدرب غادي يمتص غضب الجمهور
المدرب الجديد جا شنو غادي يدير ؟ اش غادي يبدل و نتا ماعندكش 11 واقفة مزيانة عندك الكروسة على خوه
|
|
|
|
مازال كنقولها ماكرهتش شي سلسلة ديال الهزائم باش يتحيد أصل المشكل فالرجا حاليا اللي هو الزيات و من معه
السيناريو دبا باين الفرقة مشلللة ربما أكثر فريق مشلل هادي را أكثر من الرجا ديال 2022 مع محفوظ و أكثر من الرجا ديال 2015 مع بودريقة فاش جاب العقال و ايسن و فتاح
ماعمرني شفت الرجا بهاد السوء كتضور ماكتلقا والو لا هجوم لا وسط كولشي مشلل شحال هادي على الأقل مثلا ف 2015 كتقول كاين جبيرة 3 كاين الهاشمي 2 كاين الحافيظي كاين الصاحلي كاين أوساغونا و فدونور مع الفراقي الصغار الفرقة كتربح و حتى الأداء ماشي بهاد السوء و هاديك الفرقة مازال كانت وصلات للدور ماقبل المجموعات ف 2015 و لعبو ضد وفاق سطيف حامل اللقب و كانو قراب يدوزو للمجموعات (ديك الساعة كان مازال نظام جوج مجموعات نظام كان صعيب ) و تقصاو و لعبو ضد وحدة من أقوى نسخ النجم الساحلي و تقصاو بغباء كان ممكن الرجا ديك الساعة دوز
هاد العام والو و ماشي بعيد الفريق يتقصى ضد هاد عوازا ديال نيجيريا أو الماتش اللي موراه مني كتشوف الفرقة واحلة مع الزمامرة و الفتح و كتشوف الفرقة كاملة راجعة للور ضد الماص بديك الطريقة ( الماص البارح هزوه بجوج ضد طنجة) و مني كتشوف الفرقة 3 الباصات ماكيقدروش يديروهم واحد المستوى جد جد كارثي وخا تجيب غوارديولا ماعندو مايدير ليك
دبا الزيات غادي يتسنى الماتشات الجاية غير باش يربح الوقت حيتاش موراهم كاين توقف دولي فحالة الفريق تقصى فالكاف ( و هذا ما أتمناه الصراحة ) أو خسر أمام الحسنية و ناض الجمهور غادي يديرو واحد المسلسل ديال اقالة المدرب بجبدوه واحد جوج أسابيع كيفما دار مع فادلو داك العام و من بعد يجيب مدرب آخر
غادي يجي المدرب الجديد ماغادي يتبدل والو حيتاش عندك الكرارس غادي يخرجو بشي بلاغ الميركاتو الجاي غادي نديرو انتدابات قوية و غادي يسرح الجمهور غادي يوصل الميركاتو غادي يجبو عاوتاني شي باكيز و ولد الشيخ والادريسي و ماجاوارهم و فالاياب عاوتاني مامشاتش الكرة سيفط المدرب و جيب واحد خور جديد و قول صافي الميركاتو الصيفي غادي نشوفو لعابة مزيانين
الزيات اختصاص ديالو السريح و عندو صبر كبيير للجمهور
داكشي علاش ماكرهتش هزائم قوية للفريق شي اقصاء مبكر من الكاف و شي هزائم متتالية فالبطولة باش عاد ترون مزيان
|
|
|
|
اصابة بالطيب في العضلة الضامة و غيابه لأسبوعين على الأقل
|
|
|
|
الصحفي السابق بالقسم الرياضي للقناة الثانية مصطفى طلال يمر بأزمة صحية نسأل الله الشفاء ان شاء الله
|
|
|
|
مدرب الرجاء الجديد يتواجد حاليا بالدار البيضاء ( مدرب من الأوروغواي )
أيام الاسباني باكو خيميز أصبحت معدودة
تغيير المدرب لن يغير من حال الفريق الكارثي
|
|
|
|
للاشارة الفريق النيجيري كيلعب فالقسم الثاني النيجيري
لعب الكاف حيتاش ربح النسخة ماقبل الماضية من كأس نيجيريا
هاد الفريق حاليا فالقسم الثاني النيجيري كيحتل المركز السابع
دبا هاد الفريق الرجا واحلة معاه باش تعرفو المستوى الكارثي ديال الرجا
|
|
|
|
|
|
|
فحالة التأهل الفرقة كتسناها واحد التبهديلة فالمجموعات ضروري منها
فحالة التأهل الفريق غادي يكون فالقبعة الثانية و غادي يخصو يلعب ضد أحد الفرق التالية :
الأهلي
الخيش
بلوزداد
اتحاد العاصمة
|
|
|
|
|
|
|
|
|
|
كوارث دفاعية
كوارث فوسط الميدان
الهدفين ديال الرجا جاو من كرات ميتة و بضغط من ماتياس فقط و اخطاء دفاعات الخصم اللي كيحتل المركز السابع فالقسم الثاني فنيجيريا
|
|
|
|
| إقتباس لمشاركة: | عبد المالك | 17:06 - 2026/10/18 |
مازال غادي نشوفوا الاسوء مايمكنش تجيب مدير رياضي ماعندو حتى دراية بالكرة المغربية و تعطيه الصلاحية يدير كلشي ماجبنا لعابة ما درنا تشبيب العام اللي فات كثر من 16 انتداب موحال صدق فيهم حتى 3 و هاد العام غادي نديروا نفس الامر جبنا لعابة عاطلين عن اللعب و لعابة احتياطيين في فرقهم و لعابة خاصهم بزاف باش يضمنوا الرسمية فالفريق و مدرب خرماز كيدير عكس داك الشي اللي خاص يدار مدرب كيغلط فالتشكيلة الرسمية و كيزيد يكملها كيدير تغييرات عكس مجريات اللقاء |
|
العام اللي فات انتدابات الصيف : بانون المكعازي مقدم خافيالعلوي الحارسولد الشيخالشرايبي موزيس أوكورما العملودالضحاككونطي بالا
انتدابات الشتاء : ماتياس حليميشرارةبرقوق
عطيني شكون فهادو اللي مزيان ؟ هاد الانتدابات كلها يمكن مقدم اللي العودة ديالو كانت بطلب من فادلو و شوية العملود اللي ماشي هو العملود ديال 2019 و لكن كيبقى فيه شوية ديال الضو البقية كلها كرارس
هاد العام الانتدابات باكيزبالطيبالدحمانيميكاييل هوجا قنيديل فيليبينو الادريسي
عطيني شكون فهادو اللي مزيان ؟
شوف شحال من لعاب جا فهاد العام و نص مع الزيات ( 23 لعاب و تقول شي واحد فيهم كيحمر الوجه )
فحين الزيات فاش جا كان ممكن يخلي الفرقة اللي لقى و عوض هاد القشلة اللي جاب 23 لعب كان ممكن يجيب 5 الأجانب اللي يغيرو وجه الفريق و ممكن يدمج معهم اللاعبين اللي كانو مزيانين مع الفريق بحال الحرار خفيفي بولكسوت بلعمري بوغرين و يزيد شي لاعبين من الأمل و هانتا عندك فرقة اللي كان ممكن تربح البطولة بسهولة داك العام و لكن لا خاص ضروري من التسمسير و يدخلو الفلوس على ظهر هاد الفرقة واش كاين شي رئيس محترف باغي يدير الهيكلة فالعام الأول ديالو جايب 23 لعاب و 4 المدربين و جوج مدراء رياضيين ؟؟ هادشي عادي زعما
|
|
|
|
| إقتباس لمشاركة: | عبد المالك | 17:10 - 2026/10/18 |
واحد الوقت كان مستحيل نضيع ماتش ديال الرجاء واخا يطرا اللي يطرا و ملي كنتفرج كنتفرج وانا معصب و حالتي حالة دابا سبحان الله كلشي تقلب مابقاتش عندي الرغبة فالفراجة حيت غادي غير نمرض هاد العام مكاينش شي ماتش كملتوا 90 دقيقة كنتفرج 15 دقيقة و كنقلب 6/9
|
|
و الله العظيم نفس الشيء ماكنتش كنزكل شي ماتش ديال الرجا داك دوري الأمل اللي كانو كيديرو ف 2011 كنت كنتفرج ماتشات ودية ديال الرجا يلا كانو منقولين كنتفرج فيهم الرجا فموسم 2006-2007 مازكلت حتى ماتش فواحد من أصعب مواسم الرجا
تقريبا من 2022 فترة محطوط مابقيتش مسوق بزاف و لكن العام اللي فات و هاد العام صافي اليوم و حق الله العظيم مافراسي الرجا لاعبة نسيت واش لاعبة حتى طلعات ليا ففايسبوك الرجا ماركات التعادل قتلو فينا الشغف ديال الفرقة و ديال الرجا
|
|
|
|
| إقتباس لمشاركة: | عبدالله الرجاوي | 22:59 - 2026/10/18 | | لحرار لي فيه الضو غالبا ماغاديش يجدد واي واحد في بلاصتو ماغاديش يجدد وغادي يقلب لراسو على فريق أفضل وعرض افضل خصوصا يلا عرفنا ان هاد الحارس لي دولي وهو أحسن عنصر عندك كيتخلص اقل من اغلب الكرارس والمهزلة الكبرى انه كيتخلص أقل من الحارس الإحتياطي هههه |
|
و الواعرة أنهم داك العام جابو العلوي باش يكون هو الحارس الرسمي و لحرار يكون احتياطي فاش شافو النيفو ديال العلوي مشاو عند لحرار جبدو معه الموضوع فاش رجع من كأس العالم قاليهم خليوني حتى نفكر و 90% ماغاديش يجدد مع الفريق حيتاش باين السيناريو غادي يطلب ليهم منحة كبيرة و هوما غادي يرفضو
بولكسوت حتى هو من داك العام و هو كيجرجر فيهم ماباغيش يجدد العقد ديالو غادي يسالي هاد الصيف اللي جاي و غالبا حتى هو غادي يعوج
النفاتي و مقدم و بانون حتى هوما غادي يكون عندهم نهاية العقد و فالغالب حتى هوما ماغاديش يجددو العقد صافي و تبقى تشوف العراصي و باكيز و الطبقة
|
|
|
|
| إقتباس لمشاركة: | عبدالله الرجاوي | 00:10 - 2026/10/19 | امين
الحل هو بنادم ينسى الراجا واحد 5 سنين مادام كلشي مغمس من الالترا للمكتب...
في الاخير غادي يوصلو لقناعة ان هادشي لي غادين فيه مامسلكش وشي جهة غادي تدخل يا اما الشركة يا اما مسؤولي المدينة يا اما الدول وممكن قاع يتفتحو ملفات فساد ضد هاد المسؤولين لي غرقو فرق الدار البيضاء
الامر المؤكد ان هادشي مايمكنش يبقى مستمر كل سنة وضروري غادي يكون شي تدخل في السنوات القادمة |
|
هادشي مقصود من الدولة شفت داك النهار واحد البودكاست ديال واحد خاينا نسيت سميتو يلا لقيتو نحطو هنا قاليهم الدولة دايرة من هنا ل 2030 تحد من الالترات خصوصا الالترات اللي دايرين ليهم الصداع و خصوصا الايغلز قاليهم هاد الروينة اللي كاينة فالبطولة مقصودة و هادشي مخطط له أول حاجة اضعاف المستوى العام ديال الكرة المحلية و باش يضعاف المستوى المحلي خاص أندية البيضاء تكون جد ضعيفة هوما ماجاوش و ضعفوها نيشان مشاو معهم شوية بشوية و هانتا كنتشوف الرجا و الوز الجمهور فقد الأمل صافي بدا كيخوي راسو منهم
الدولة دبا كتربي الالترات بالطريقة ديالها خصوصا الالترات المعارضة لسياسة الدولة
|
|
|
|
| إقتباس لمشاركة: | عبد المالك | 17:44 - 2026/10/19 | | إقتباس لمشاركة: | admin | 11:40 - 2026/10/19 | هادشي مقصود من الدولة شفت داك النهار واحد البودكاست ديال واحد خاينا نسيت سميتو يلا لقيتو نحطو هنا قاليهم الدولة دايرة من هنا ل 2030 تحد من الالترات خصوصا الالترات اللي دايرين ليهم الصداع و خصوصا الايغلز قاليهم هاد الروينة اللي كاينة فالبطولة مقصودة و هادشي مخطط له أول حاجة اضعاف المستوى العام ديال الكرة المحلية و باش يضعاف المستوى المحلي خاص أندية البيضاء تكون جد ضعيفة هوما ماجاوش و ضعفوها نيشان مشاو معهم شوية بشوية و هانتا كنتشوف الرجا و الوز الجمهور فقد الأمل صافي بدا كيخوي راسو منهم
الدولة دبا كتربي الالترات بالطريقة ديالها خصوصا الالترات المعارضة لسياسة الدولة
|
|
مسألة الدولة مابقاتش بغات الايلترات اتفق معاها خصوصا بغاو واحد النوعية ديال الجمهور اللي تحضر للمونديال 2030و لكن باش تقول ليا الدولة بغات ضعف الرجاء و الوز لا اتفق أشنو السبب اللي يخليهم يديروا هاد القضية و هوما فيما كيحصلوا كيعاونوه ( الرجاء من قبل و هاد الموسم عاونوا الوز فرفع المنع ) فرق الدار البيضاء خرجوا عليها المسيرين ديالها الوز كيشوفوا واحد خرج على المحمدية مشاو جابوه فقط حيت كيتكلاشا مع جمهور الرجاء دخلهم فحيط و خلا ليهم أكبر كريدي فتاريخهم ( واش الدولة قالت ليه جيب الكرارس ديال امريكا اللاتينينة و عطيهم الملاير هاكاك ... باقيين لدابا حاصلين كيفاش يخلصوهم ) و حنا داخلة العام اللي فات 13 مليار تخسرات على الكرارس و المدربين و مشاو جابو مدير رياضي ماكايعرف حتى وزة كيسمسر فيهم بالعلالي الرجاء و الوز خرج عليهم سوء التسيير و التسمسير ماشي الدولة |
|
ماشي هادشي اللي قصدت متافق معك الرجا و الوز خرجو عليها المسييرين ديالها ولكن غادي تعطيك جوج حوايج دارو هاد الأسبوع و عطيني تفسير ليهم أولهم دونور غادي يتسد عاوتاني للموسم العاشر على التوالي دونور كيتسد ( هاد المرة غادي يتسد لشهر كامل قاليك النيجر مدخلين فيه المنتخب الشهر الجاي )ثاني حاجة الداخلية قررات تهبط المنحة السنوية ديال الرجا و الوز هاد العام من مليار لكل فريق ل 500 مليون سنتيم غير بحال هاد القرارات وخا يكون عندك بودريقة أولا عمور فياماتو غادي يهرسو ليك الفرقة زيد عليها التزيار اللي دارو مع الرجا و الوز هاد العامين فيما يخص الخلاص و النزاعات فالمقابل كان تساهل مع أندية أخرى عاد زيد مجموعة من القرارات اللي هرسات قطبي كازا
|
|
|
|
الماص تعادلو هنا مع الأسيك 1-1 كانو رابحين تال الدقيقة 90 و ماركاو عليهم الأسيك التعادل
|
|
|
|
| إقتباس لمشاركة: | عبدالله الرجاوي | 01:08 - 2026/10/20 | | الفرق المغربية هاد العام موحال يفوتو دور الربع في كل المنافسات الافريقية |
|
الماص بنسبة كبيرة ماغاديش توصل للمجموعات
فالمجموعات ديال العصبة غادي تبقى بركان فقط و بهاد المستوى ديالهم و مع هاد المدرب اللي عندهم كنظن التأهل للربع غادي يكون انجاز ليهم الكاف الرجا شفنا الكارثة كون طاحت الرجا مع فرقة أحسن من هادي ديال نيجيريا كون را خداو شي 2 أو 3 الخيش تعادلو فرواندا مع فرقة مغمورة و كانو يخسرو
المجموعات كنظن الرجا حدها المجموعات بهاد المستوى و هاد الكرارس الخيش وخا ناقصين هاد العام ممكن يدوزو للنصف و لكن حدهم النصف
|
|
|
|
المباريات القادمة للرجاء :
الأربعاء 28 أكتوبر ضد الحسنية فدونور
الأحد 1 نونبر ضد بركان فبركان
الأربعاء 4 نونبر ضد الخيش فالرباط
المدرب ديال الرجا بقات ليه 15 يوم فقط كحد أقصى مع الفريق غالبا من بعد هاد الماتشات غادي يسيفطوه
ماكرهتش الصراحة 3 الهزائم للفريق تكون متابعة باش تنوض الروينة على الزيات حيتاش هو سبب المشاكل ديال الفرقة سوسة أصابت الفريق
|
|
|
|
نابي وصل لكازا غادي يوقع مع الوز
و كنظن غادي يقلع معهم
الوز وخا هكاك كجودة مابيهمش خاصهم مدرب و نابي ممكن يدير معهم شي حاجة
الرجا وخا تبدل المدرب وخا تجيب كوارديولا مدرب و كلوب مساعد ماعندهم مايديرو ليك لهاد الفرقة
واش 10 ديالك باكيز ماكيعرفش يدير كنطرول داك النهار فماتش البطولة طفيت التلفازة ضد الفتح واش 10 ديال الرجا ماقادرش يكنطرولي كرة ؟؟
الوسط ديال الرجا ماقادرش يخرج بكرة ضد أضعف الفرق
كتشوف فالرجا كتلقى واقيلا خط الدفاع اللي فيه شوية ديال الضو ممكن تقول أن اللاكس يكون فيه هوجا مع مقدم و فالأظهرة عندك بولكسوت قنيديل العملود
أما الوسط و الهجوم والوووووو
|
|
Duhok Forum 3.0
